ناديّت لك والكل منا في بلد

بارت ١٤

بعد العشاء كانو جالسين وطفشانين
دق جوال ميعاد وكان خالد ، قرت اسمه وقفلت
رجع دق مرتين وثلاث وماردت
كتب : ليه ماتردين علي ، هذي جزاتي اشتاق لك وادق وماتردين !
كتبت بضحك : معليش قرب الزواج ما اقدر اكلمك
خالد : وانا وش يصبرني انتظر الى الزواج
ميعاد : عاد مالي دخل يلا باي
خالد : هين اوريك
قفلت جوالها وهي تضحك : بنات طفشت أبي فعاليات
مها : عندي بلوت نلعب ؟
نور : يلا يلا
جابت مها البلوت والبنات تربعو على الارض
وبدو يلعبون ويحطون اغاني ويرقصون
دق الباب وقفلو الاغاني وخافو
شموخ بخوف : يمه مين اللي يدق بهالليل
مها : ما ادري يمكن الجيران لاننا ازعجناه
ميعاد : مو لهدرجه عاد لا اكيد صوت الاغاني ماكان عالي وواضح لهدرجه !
مها : مادري بشوف
نور : لا لا لحظه بروح للمطبخ واجيب سكين وادوات ، ماتدرون يمكن حرامي او ولد بيسوي شي فينا
ميعاد ضحكت : مشكله اللي يتابعون افلام كثيره
نور: علتبن انتي بارده بكل شي
ميعاد : طيب طيب يلا روحي جيبي وتعالي
جابت السكين
وتقدمت مها وقربت عند الباب : ميين
....: انا ماجد
فز قلبها وارتاحت : اوف طي طيب لحظه
جابت حجابها بما انهم مايتغطون عن عيال خالاتهم وعمهم
وفتحت الباب والبنات راحو للغرفه الثانيه عشان يسمعون
ماجد : مها بكلمك بموضوع
مها بخوف : وش موضوعه
ماجد حس انه تو يستوعب : لا بس جيت اتطمن عليك واطمنك على عمي
مها : ما ابي طاريه انت تدري ان ابوي معذبني !
ماجد : ادري والله ، بس قلت يمكن قلبك يلين عليه شوي
مها : لا طبعاً خله يجلس بالسجن ويخيس فيه
ماجد : عندك احد بالبيت ولا بس انتي ؟ اذا بس انتي معليش انا لازم اخذك لبيت جدي ! لانه هو طالبني
مها : لا عندي صحباتي ميعاد ونور وشموخ
ماجد : ميعاد مين
مها : ميعاد عبدالعزيز
ماجد وقف : اوووه عمّها معاي تو يسال عنهاا ، طلعتو تعرفون بعض
مها : اي من ثلاث سنين واكثر
ماجد : بالسياره هو بخليه يجي يسلم عليها ، وقولي لها ان ذياب بيسلم عليك
مها وقفت : تمام
وراحت ، وراح ماجد لـ ذياب
ذياب : هااا قلت لها
ماجد : لا
ذياب : ليه ياحمار ليه
ماجد : ذياب بنت اخوك طلعت صديقة بنت عمي مها ، اذا تبي تجي تسلم عليها
ذياب : ميعاااد بنت اخوي ، اي اكيد بروح لها مشتاق لها
ذياب : يلا
دخلو البيت وراح ذياب للمجلس الثاني عشان يسلم على ميعاد
( ذياب عم ميعاد الوحيد اللي معها ، وهو اكبر من ميعاد ب سنتين )
مشى لها وحضنها :كيف حالك ياعيون عمّك انتي
ميعاد بكت بحضنه : حالي مايسّرك ياذياب ، من بعد وفاة امي وابوي رحت سكنت عند بيت جدتي أمّك، ولا احد يحبني في هالبيت
ذياب : صدقيني لو يكرهك الكل انا اللي ببقى معك واحبك ، تذكرين لما كنا نتهاوش على السياره الصغيره ، ولما رحت لبعثتي وبكيتي
ميعاد ابتسمت ب انكسار : ما انسى هالايام
ذياب : سمعت انك انخطبتي
ميعاد : ايّيه ، خطبني محمد ولد عمي ورفضته لانه يبي ينتقم مني ، وجاء واحد يحبني قال ماياخذك غيري ووافقت عليه
ذياب : مين هالواحد
ميعاد : شوف بعترف لك ، ذا واحد احبه من خمس سنوات ، وتفرقنا قبل ثلاث سنين وصار يدور علي لما لقاني وخطبني على طول
ذياب : تحبين وماتقولين لي !
ميعاد : اممم اص بس
ذياب : ومتى زواجك
ميعاد : بعد بكرا
ذياب توسعت عيونه : بدررري ، تجهزتي ؟
ميعاد : اي خلصت كل شي ، وترا خاطبني من زمان ولي وقت اني اتجهز
ذياب : حلللوو ، تسكنين معي ؟
ميعاد : لا ما اقدر اليوم وبكرا بكون عند مها ، خالد عنده بيت
ذياب : يووه ودي تكونين عندي وتسولفين لاني مره مشتاق لك
ميعاد بفرحه : تجيني فبيتي وتسولف معي وتطفش مني
ذياب : ياحركات والله وصرتي كبيره يالنتفه وبتتزوجين
ميعاد استحت : خلاص اص يلا انقلع بروح للبنات
ضحك ومشى ، لمّح وحده وعرف انها نور وفز قلبه ، الانسانه اللي يحبها من يوم تعرفت عليها ميعاد
تعوّذ من الشيطان وطلع من البيت وراح للسياره وشاف ماجد
ماجد : طولت كان نمت عندهم بعد
ذياب : من متى وانت هنا
ماجد : من يوم دخلت رحت سلمت على مها وقلت اني بروح ، وطلعت
ذياب : اي واكيد انك ماقلت لها
ماجد : وش اقول لها ياذياب ، تبيني اقول لها يامها انا احبك من زمان !
ذياب : اي وش فيها
ماجد :لا اصلاً الوقت مو مناسب ..
ذياب : براحتك ، اذا راحت من يدينك لا تصيح عندي
ماجد : اقول اسكت ولا انقلع برا سيارتي
ذياب : امزح امزح طيب
( ماجد كبر ذياب ، وكانو مع بعض ايام البعثه )
___
عند البنات
ميعاد بحزن : بنات
البنات : هلا
ميعاد : ودي اعرف أهل امي ودي اعرف خوالي ، ياربي ..
شموخ : كيف ودك تعرفينهم
ميعاد : انا ما اعرف اهل امي ولا قد قابلتهم حتى من يوم انولدت مره
مها : شسمها امك
ميعاد : نوره احمد *****
شموخ توسعت عيونها
شموخ : اسمعو بكره على طول بنروح بيت جدتي ام ابوي
ميعاد فاقده الامل : تمام
نام الكل وهو متحمس لبكره
____
صباح اليوم الثاني ، قامت شموخ وصحت البنات معهم
شموخ : يلا بنروح لجدتي
نور: مابروح
شموخ : براحتك
مها: مابروح
شموخ: براحتك
ميعاد : مابروح
شموخ : انطمي انتي بالذات تروحين معي
ميعاد : مو كان الوقت بدرين شوي
شموخ: لا جدتي تحب هالوقت وتكون فيه مروقه
ميعاد : طيب شدخل جدتك نروح لها
شموخ : مالك دخل قومي وانتي ساكته
تجهزو شموخ وميعاد وراحو
___
عند بيت اهل ابو شموخ