وكانت البنت تكره ميعاد بسبب جمالها ودلعها ونعومتها ، أسمها مي
عبير " اخت نور" : ياهلا تو مانور البيت
ميعاد ب ابتسامه : نورك ياروحي
عبير مدت لها الحلى ورجعت لمكانها : اخبارك
ميعاد : الحمدلله بخير
مي بدلع متصنع : اممم أنتي ميعاد متغييره صايره مو حلوه
ضحكت ميعاد على عقليتها : شكراً بس ما طلبت رايك ، احتفظي فيه
نور ضحكت بصوت عالي ، وراحت لميعاد تقرص خدودها : يووه شهالحلوه ياناس ، الغيره وما تفعل
ضحكت ميعاد ، راحت شموخ لنور
شموخ بهمس : نور
نور : همم
شموخ بنفس الهمس : ذي مو مرتاحه لها شسالفتها
نور بهمس : ذي اي وحده تشوفها حلوه تكرها وتغار منها مريضه
سمعو كلامها مها وميعاد وضحكو
نور : امممم صوحابي الحلوين تعالو فوق لغرفتي عندي لكم شي حلو
شموخ ، ميعاد ، مها : يلا
وراحو ورا نور
نور وهي تسكر الباب وتحط الحلى والاكل والعصاير على الطاوله : الحين نسولف وناخذ راحتنا
ميعاد : اي والله ، عندي فلم بحطه
مها : جوي الافلام حطي حطي
ميعاد حطت الفلم رعب وصارو يناظرون ، وكل مرا تجي لقطه تخوف صراخهم يوصل الى اخر الشارع ، ولما راحو صحبات عبير ، جت لهم فوق وناظرت معهم
____ تسريع الاحداث _____
الساعه ١٢
ميعاد : اووف الساعه ١٢ بروح للبيت
مها : منججد وصليني لا انجلد من الوالد لو درا اني متأخره
شموخ : وانا بعد وصلوني
ميعاد : يلا بدق على السواق
دقت على السواق وجاء لهم ووصلتهم بعدين راحت لبيتها
وصلت للبيت ودخلت غرفة امها وابوها ، انسدحت على سريرهم وبكت لما نامت ..
_____
٤ العصر
صحت على صراخ عمانها ونزلت تحت
ميعاد : سلامات سلامات شهالصراخ نعم فبيتي وتصرخون شتبون ؟
ام ريما : ازعجتينا درينا انه بيتك أمي بتسكن عندك ووحده من خواتي
ميعاد : حيّاهم
ام ريما : تفضلي يمه
الجده تمثّل الطيبه : زاد فضلك ، هلا والله ببنيتي بنت الغالي
ميعاد ابتسمت : اهلين ياجده تفضلي
العمّه " منى " بدون نفس : السلام عليكم
ميعاد : وعليكم السلام ، تو مانور البيت
العمه : ادري
ميعاد بقلبها : وجع أن شاءالله
رفعت عينها للجده : ايوه تعالو هنا غرفتكم
دلتهم ، وراحت للمطبخ تسوي لها أكل
شغلت الTV ، جتها منى
منى : انتي هيه قومي سوي لي
ميعاد توسعت عيونها : عفواً ومين انتي عشان اسوي لك
منى : قومي قومي ولا يكثر بس
ميعاد : اقول وخري عني فاضيه لك اخر حياتي اقوم واسوي لك
منى : صدق ماتستحيّن على وجهك ولسانك طويل
ميعاد : توكلي توكلي
قامت منى بعصبيه وراحت لغرفتها ، ميعاد كملت أكل
نزلت الجده وهي تمثل الحنيه والطيبه : ميعاد يابنيتي
ميعاد : لبيه ياجده
الجده : معزومين ببيت عمك ابو محمد ، لا ترديني وروحي معي
ميعاد نزلت راسها : ما اقدر اقول لك لأ ، تمام
الجده بفرحه : بعد ساعتين تكونين جاهزه عشان نروح
ميعاد أبتسمت لفرحتها وهي ماتدري انها تخطط لها : تمام
تجهزت ميعاد وراحت هي والجده وعمتها للبيت ابو محمد
وكانو مجتمعيين وكل الي بالمجلس يكرهونها وجدتها معهم بس قدام ميعاد تمثل الطيبه
ام ريما : وعوووه ذي بنت عبدالعزيز تشبه أمها
ميعاد بفخر : وياحظي دامني اشبه حبيبة القلب امي
ام ريما : اي اي بس عساها ماتفيق
ميعاد بعصبيه : امسكي لسانك بس لا أفشلك قدامهم وامسح فيك الارض ياعجوز ، ولا شكلك ماتدرين اني عارفه بفضايحك وعارفه انك تخربيّن بيوت وتتعاملين مع سحره وأن انتي الي فرقتي بين عمي ابو ريما وزوجته الاولى هيا ، عندي كل الأدله الي تثبت وكل المحادثات وان اذا سافر ابو ريما تروحين من شقه لشقه ، وأنك ماخذته كذا طمع بفلوسه
ام ريما عصبت وجن جنونها كيف عرفت كذا ، ماتحملت وقامت بتمد يدها بس مسكت يدها ميعاد
وبعصبيه : اكسر اليد اللي تنمد علي يابنت اللذين والله لأ اوريك نجوم الليل بعز الظهر .. احسن لك ابعدي عن طريقي ولا وربك اذا شكيت انك تفكرين تأذيني كل المحادثات بتوصل لابو ريما تفهمين ولا لا ؟
خافت ام ريما لان الكلام الي تقوله تسويه وبعدت عنها وجلست ،
قامت ميعاد : يلا انا أستاذن
ماتركت لاحد مجال انه يتكلم ودقت على السواق ولبست نقابها وطلعت
فجأه ماحست الا بالايد اللي تسحبها له ورا شجره : اوف اوف ذي بنت عمي عبدالعزيز
ميعاد بصدمه : ياكلب وخر عني
محمد وهو يناظر عيونها : اوه شق بالنقاب شلون لو اطل..
قاطعه الكف القوي الي جاه واصعق منه ، عصّب وقرب منها بيفك نقابها
محمد : شكلك ماتعرفيني اذا عصبت
ميعاد : والتبن ، بس وخر عن وجهي وربي لا افضحك
محمد بضحك : يلا
ميعاد بدت تصرخ وجمعت الكل عليها
توسعت عيون محمد وناظر لابوه
ابوه : ياكلب شتبي انت مع ذي
محمد بكذب : والله بنت عمي الرخيصه ذي نادتني وجيت عندها عبالي عندها شي مهم وتحتاجني طلعت تبي تقابلني بمكان
توسعت عيون ميعاد
ابو محمد : اي مو غريبه عليها اكيد تربية عبدالعزيز
ميعاد حست بتنفجر من العصبيه : أبوي ماتجيب طاريه على لسانك ياعبد الفلوس ، تلاحق وراء ابوووي عشان فلووسه وكرامتك ممسوحه بالارض ياكثر ماذلوك ناس عشان الفلوس بس انت مبسوط عليهم ، ومو غريبه دامه ولدك اكيد انه وصخ دام انت ابوه وأذا هو مسوي نفسه مؤدب افضحه زي مافضحت ام ريما قدام الكل
توسعت عيون ام ريما وخافت تقول عنها
كملت ميعاد بقهر : والله ماندري كم وحده قابلها ولدك بشقه وكن وحده رقمّها ، لحد يسوووي نفسه كامل ترا كلكم عارفه فضايحكم واللي يفكر يقرب مني والله .. والله اسوي شي مايعجبه وانتم عارفين ، وعلى كلامك ذا صورك يالاخ محمد بتوصل عند ابوك ومو انا بنت عبدالعزيز اذا مامسحت فيك الارض
محمد خاف وراح لابوه : يبه تراها كذابه
ميعاد بضحك : خلاص دامني كذابه انتظر بكرا صورك بكل مكان ، يلا باي
وطلعت وخلتهم بخوف عشان سمعتهم وخوف منها
وصلت للبيت وكالعاده راحت لسرير امها وابوها واستسلمت لدموعها وبكت : آه يايبه تعبت وينك ياسندي وووويينك .. آه ياييمه لمييني تكفين لا تتركيني وحيده .. ابي حضنك يايمه
وتردد كلامها لما نامت ..
______
بعد شهرين
أنت تقرأ
ناديّت لك والكل منا في بلد
Romanceماذا لو أنتهى كل شي وتغير كل شي بشكل سلبي في لحظه ؟ ماهو شعورنا هل نضعف ؟ نبكي ؟ نصبر ؟ تتكلم روايتي عن بطلتنا اللتي عانت من اشياء كثيره وبلحظه خسرت اعز ماتملك ، ولا تريد ان تجرب الحُب لكي لا تنخذل للمره الثانيه .. ياترى هل يأتي اليوم الذي يغير حيا...
