بعد شهرين ، ومحاولات خالد أنه يرجع ميعاد .. بس كل مالها وتفشل
وخطط الجده انها تخرب ميعاد فشلت كلها ، وعمتها منى الحقد كل ماله يزيد ودايم تردد بقلبها ( ليه هي جميله ، ماتستاهل هالجمال )
خالد عرف موقع ميعاد وكل ليله يروح لبيت جدتها ويتأمل شباكها ، لعلّ وعسى تفتح شباكها وتطيح عينها عليه ، وكل يوم لازم يمر بيتهم
كانت ميعاد تشوف كل ليله السياره الغريبه وتسأل نفسها دايم ( ذي مين سيارته ، ووش يبي ، وليه طول الليل يكون موجود )
ميعاد ماعندها الا عم اثنين " ابو ريما ، ابو محمد "
وريما بنت عمها تكرها ودايم تخطط مع منى انهم يخربونها ويشوهون وجها او يضربونها او يسوون لها اي شي يبردون حرتهم فيها
في يوم من الايام كان الصراخ يعم المكان في بيت جدة ميعاد ، وكان باب البيت مفتوح وصراخهم يوصل اخر الشارع
ابو محمد بصراخ : بتوافقين عليه وانتي ماتشوفين الدرب
ميعاد بعصبيه : تخسي يالشايب ولدك ما اخذه ، وما عاش من جبرني على شي
محمد : والله غصب عنك توافقين علي مثل مافضحتيني
ابو محمد : اص ولا كلمه انت ياحق البنات
ميعاد جلست وحطت رجل على رجل : اذا فيك خير يلا زوجني ولدك ، تخسي
ابو محمد بتحدي : نشوف
ابتسمت ميعاد وراحت
في المغرب دق ابو محمد على المملك وجابه للبيت
المملك عطاه الكتاب : اتمنى العروس توق...
دخلت ميعاد بهيبه ورفعت راسها : انا مو موافقه على هذا الزواج
المملك : كنتي مجبوره ؟
ميعاد : يخسي يجبرني بس تحداني وجيت وقلت لك اني مو موافقه
ابو محمد بعصبيه : توافقين غصب عنك ، وقعي يلا
المملك : لا ماعليش ياخوي ما اقدر اخليها توقع وهي مو راضيه ، الزواج ماراح يتم ومابينهم نصيب ..
ميعاد ابتسمت وطلعت برا بتركب مع السواق عشان تروح عند صحباتها
وجاء وراها محمد ومسك يدها بقوه : فشلتيني قدام النااس الله ياخذك
ميعاد ب ابتسامه مستفزه : عاد انت الي تبي لنفسك الفشيله تستاهل ، يلا روح قول للمعازيم سبرايز مافي زواج ولا شي ، انا كلب بنات عشان كذا مو راضيه توافق
محمد جن جنونه من العصبيه ورص على اسنانه : امسكي لسانه لا اقصه لك
مدت لسانها : همم يلا وش بتسوي
كان هالحوار يسمعه خالد ، مشى من ورا ميعاد ووقف
محمد ناظر ب استغراب : هلا بغيت شي ؟
خالد : شتبي انت قاط نفسك
محمد ضحك : والله ماندري مين اللي قاط نفسه
خالد : احترم نفسك وخل عنك هالحركات ، هذي زوجتي على سنه الله ورسوله وتخسي انت تتزوجها
محمد ضحك بقوه : ايوه خلصت حلمك ؟ ومتى تزوجتها ان شاءالله
خالد : بتشوف بعينك
دخل خالد عند المملك وقال انا اللي بخطبها وياخذ شور البنت
مشت ميعاد من عند محمد وهي تبتسم : وانا بوافق واذا فيك خير ورجال سو شي
دخلت وراء خالد ، وقالت انها موافقه قدام الموجودين ووقعت
وكانت الصدمه ل ابو محمد ومحمد ، انتشر الخبر لـ اهل ابو ميعاد وانصدمو العمات وجدة ميعاد والكل ...
ميعاد ما استوعبت الي تسويه نهائي الا لما طلعت من البيت
مسك يدها خالد وابتسم : مبروك
ميعاد ناظرته بصدمه : ك ك ... كيف صار كذا ؟
خالد ضحك : تزوجتك وخذيتك بالحلال وش كيف
كمل : بعد شهرين الزواج
توسعت عيونها : نعمم ووشش بعد شهرين مايمديني
خالد : والله عاد انا ما اصبر ، الا ماقلتي لي وين الكره الي صار بيني وبينك ؟ قلت لك انك تحبيني بس تكابرين
ميعاد : مصدق نفسك يعني
خالد : والله عاد لو ماتحبيني ماكان وافقتي علي
ميعاد : اقول بروح للبنات
خالد : بوصل....
قاطعته : لا لا لا السواق ينتظرني
راح للسواق وقال لها لا ينتظرها ورجع لها : يلا اركبي سيارتي
ميعاد : لا مابروح معك
خالد : وليه ان شاءالله ماتروحين معي ، مو انا صرت زوجك خلاص
ميعاد : طي...
قاطعها : مافيه يلا اركبي
ركبت وراح لمحل واشترى لها خاتم الماس وباقه ورد ، عطاها الخاتم حقه : يلا لبسيني الخاتم
ضحكت ميعاد بحيا : وش لا
خالد : اقول بسرعه شفيك
خذت الخاتم ولبسته ، مسك يدها ولبسها الخاتم وباس يدها
خالد : اخيرا اخيرا اخيرا ، ياربي الحمدلله صارت حلالي
ابتسمت ميعاد بحب ونزلت راسها ، نزلها عند البنات وراح
حكت لهم كل شي ، وكانت الطامه الكبرى بالنسبه للبنات
شموخ :....
نور :....
أنت تقرأ
ناديّت لك والكل منا في بلد
Romanceماذا لو أنتهى كل شي وتغير كل شي بشكل سلبي في لحظه ؟ ماهو شعورنا هل نضعف ؟ نبكي ؟ نصبر ؟ تتكلم روايتي عن بطلتنا اللتي عانت من اشياء كثيره وبلحظه خسرت اعز ماتملك ، ولا تريد ان تجرب الحُب لكي لا تنخذل للمره الثانيه .. ياترى هل يأتي اليوم الذي يغير حيا...
