ناديّت لك والكل منا في بلد

بارت ٩

توسعت عيونها وصرخت : وش الي تقدر تتكلم وخر عني مابيننا كلام ولا شي انت بالنسبه لي غريب
خالد : تجحدين ايامنا يعني ؟
ميعاد : الله اكبر ، لا اذكرك انك انت اللي تركت يدي وخليتني للتساؤلات ، تركتني ٣ سنوات ، مستوعب ثلاث سنوااات !
خالد : طيب واذا قلت لك هالشي مو ب ايدي ؟
ميعاد : تقدر تتكلم وتقول ايش السبب بس شكلك تو تحس بقيمتي وتو تتذكرني وعبالك اني غبيه ولا ينلعب علي ، ولا لعبه بين يديك متى مابغيتيني خذيتني ومتى ما طفشت مني تركتني ، غلطان ..
خالد بصراخ : أنا كنت مجبور من امي ، أمي كانت بتزوجني بنت خالتي لمى وانا رحت سافرت وتركتها ، والحين رجعت .. وللأسف ماتت
// قبل سنه //
ركض لما سمع خبر ان امه بالمستشفى .. وعلى فراش الموت ،
ركض لها : يمه يمه تسمعيني يمه فيك شي
امه بتعب : يايمه انا راضيه عنك دنيا واخره ، تعبت وانا ادور عليك وانهلكت وهذا حالي ، الله يقص لساني اذا قلت لك او جبرتك على شي ، خذ حبيبتك
خالد تنهد بحزن : بعد إيش يايمه ؟ تفارقنا قبل سنتين والحين البنت ما ادري وينها ولا اعرف عنها شي ، وكلامك عنها حيل ضايقني ، وانا اكثر انسان اعرف ميعاد عدل ، بس الله يهديك يايمه الحين كيف بدور عليها وبفهمها كل شي ، بتتفل بوجهي والله ..
ام خالد : والله ياويلدي لو مو تعبانه كان دورت عليها لو من تحت الارض وخطبتها لك ، بس شوفة عينك
خالد : يمه انتي من ذيك الليله كنتي متغيره علي ، أول مرا اشوف امي كذا ، كنتي حنونه وطيبه وماترفضين لي طلب ، وش صار وغيرك ؟
ام خالد : من بعد ماقلت لي ان لمى تطلع مع عيال بشقه وانا ماكنت ادري ورحت مسكت لمى وسالتها وغصب عنها اعترفت ودموعها على خدها .. وندمت حيل اني ضايقتك او جبرتك ، وصدقني يايمه اذا طلعت من هالمستشفى راح اخطب ميعاد لك اليوم قبل بكرا
خالد : خلاص يمه ضاعت من يديني
ام خالد : مافي شي اسمه ضاعت من يديني لو تدورها صدقني راح تلقاها ، لو مت يايمه ابيك تدورعليها زين واذا لقيتها اشرح لها كل شي واذا تحبك راح ترجع لك وتقدر تتزوجها
قاطعت عليهم الممرضه وهي تطلع خالد لان خلص وقت الزياره
بعدها بيومين ماتت
كان يحكيها لميعاد
وكمل : بس شكلك ماتحبيني
ميعاد بكبرياء : طيب يلا شكرا باي بروح
مشت ومسكها : قولي اللي بقلبك
ميعاد تمثل الكره : مافي شي بقلبي لك ، غير اني ا ك ر ه ك
خالد : طيب انا اشوف انك تحبيني
ميعاد : يمكن احبك قلليييل مو كثير بس .. بس ما اتقبلك بجنبي مرا ثانيه ، تعودت ببعدك وكرهتك مع الوقت
خالد : طيب يصير تناظرين بعيني (:
ميعاد نزلت راسها ، مسك فكها ورفعه لها وجت عينها بعينه
ظل يتأمل عيونها وهي بدون ماتحس
وتبتسم من تحت النقاب
ابتسم بحب : يعني باقي هالحب ، أحبك
توترت ونزلت راسها وبعدت وراحت على طول 
أبتسم ومشى
مشت ويدها على قلبها ، جلست على الطاوله وهي تشوف ابتسامه نور الغريبه
وحكت لهم كل شي
نور ب اعتراف : ميعاد والله اسفه بس هو قال لي اليوم لازم تطلعون ولازم امسك ميعاد واقول لها كل شي
ميعاد : يع كريه
مها : ميعاد والله افعالك تقول العكس ، نظراتك تقول العكس ، وحتى حركاتك وطريقه كلامك ، كل شي يثبت العكس ، يثبت انك تحبينه
ميعاد نزلت راسها : صدقوني حبي له ثاااااابت وكل ماله يزيد ، بس ما اقبل بهالسرعه ، وأحس مدري
شموخ : طيب هو يبيك ماتشوفين كيف كلامه ونظراته لك !
ميعاد : بس مهما صا رالشي اللي سواه قبل ثلاث سنوات حيل حاز بخاطري ، واذا لي خاطر عنده بنشوف كيف يقدر يراضيني
وصارو ياكلون ويسولفون ، طلعو يتمشون بالاسواق
وخاطر ميعاد منشرح وتحس انها اول مرا تتبتسم وتضحك واول مرا تحس بهذا الشعور ، اخر مرا حسته قبل ثلاث سنين ..