ناديّت لك والكل منا في بلد

بارت ١٣

اليوم الثاني
فتحت عيونها وانصدمت من قرب وجهه لها وكان يناظرها
بحب : آه ياوجهك المليان عذوبه ، صباح الخير فعلا
توسعت عيونها : انت مارحت انا كيف نمت لو احد شافنا
خالد حط راسها على صدره ويمسح عليه : والله عاد كيفي
قامت ولمت شعرها : خالد لاززمم تروح بعدين لسى ماتزوجتك انا
خالد : على فكره اقدر اخذك الحين وغصب عنهم بس انا ابي اخذك بالفستان الابيض
راحت له وسحبت يده : لا لا لااازم ترو...
قاطعها طق الباب جدتها : ميعاد صاحيه ؟
ميعاد ب ارتباك : هل هلا جده اي صاحيه
الجده : انزين فكي الباب
ركضت ودخلت خالد بالدولاب وقالت له مايتحرك ،
رجعت وفكت الباب : هلا امريني فيه شي
الجده جلست بخبث : لا بس بسولف معك
ميعاد جلست عندها : سولفي
الجده : اللي خطبك وش اسمه ووش عرفك عليه
ميعاد بخوف : اءء اسمه خالد ، ابوه يصير صاحب ابوي الله يرحمه وكان يعرفني واحنا صغار ، وخطبني وبس
الجده : وانتي موافقه عليه
ميعاد : ايه
الجده : بس انا مو موافقه عليه
ميعاد عرفت ان جدتها خبيثه : مايهم اهم شي انا موافقه عليه وراضيه
الجده : ليه تعامليني كذا
ميعاد : مثل ماكنتي تخططين مع منى وام ريما علي
الجده : انا تشكين فيني !
ميعاد : ما أشك انا ، انا شايفه كل شي بعيوني ومتأكده ، واعرف الخبيث من الطيب
الجده بعصبيه : انا اللي ضيفتك بهالبيت بس عشان الغالي عبدالعزيز الله يرحمه و...
ميعاد بضحك : ما اتوقع انه الغالي الا عشان فلوسه
الجده : طلعتي قليلة دب وام لسان ، وطلعت انا الغلطانه اللي دخلتك بيتي
ميعاد : والله عاد ماني بحاجه لك ولا لبيتك ، عندي فلوس واقدر اشتري لي بيت ! بس عشان ابي اعرف لوين بتوصلون ، والحي..
انفتح الدولاب وبصوت رجولي : والحيين بتروح معي وتصير ملكي ، وابن امه اللي يقرب منها تفهمون
الجده بصدمه : ايا قليلة الادب والتربيه ماففي ووجهك حيا تدخلين ذا بغرفتك ، وش يعرفني اذا كم له وهو بغرفتك ووش تسوون !
خالد بهدوء : زوجتي وتحل علي وأسوي فيها اللي ابي وما اظن ان احد له دخل فيني انا وزوجتي
الجده : اجل يسوي فيك اللي يبي ، طلع ينلعب عليك
ميعاد : لو ينلعب علي كان لعبتي علي بسهوله انتي والكلاب اللي معك ، بس ذا حب خمس سنين مو اي حب
طلعت الجده بعصبيه وصربت الباب بقوه : لا اشوفك ببيتي
ميعاد : ما اتشرف اجلس ببيتك
خالد سحب يدها : يلا جهزي اغراضك انتظرك بالسياره
ميعاد : لا لا باخذ لي شقه
خالد : ولا حرف بسرعه تجهزي انا تحت
طلع من الشباك وضحكت على شكله وجهزت اغراضها ونزلت لتحت
شافت محمد : اجل اللي برا حبيبك
ميعاد : اي ياعمري خلاص صرت زوجته وبروح عنده
مشى ب استحقار وطلع لغرفته
منى : شهالحب اللي بريال
ميعاد وقفت وناظرت لها وب استهزاء : والله الرياال ذا يجيبك على وجهك وابيعك فيه يارخيصه
منى كانت بتعطيها كف بس مسكت يدها ولوتها وضربتها وكسرت يدها : المره ذي كسرت يدك ، المره الجايه جسمك كله
تركت يد منى ، منى طاحت على الارض تتاوه
مشت للسياره وركبت : اف ياربي ما اتحمل اشوفهم وع ، خالد تكفى ابي اروح لمكان ماففييييه احد خلاص تعبت
خالد يأشر بعيونه : تامرين امري انتي واقول لك من عيوني هذي قبل هذي
وصل لبيت خالد ونزلت قبله وراح فتح لها الباب : تفضلي الى منزلك أيتها الاميره
ضحكت ميعاد ومشت ، دخلت للغرفه وبدلت
طق الباب ودخل : شوفي الحين كل واحد له غرفه بس بعد الزواج كلنا بغرفه وحده
ميعاد ماترد عليه وكانت تناظر الارض بشتات
جلس جنبها ب استغراب : ميعادي ، فيك شي
انصدم لما قربت منه وحضنته ، وصدمته زادت لما سمع شهقاتها وبكاها
ميعاد غرقانه بدموعها : خالد تكفى لا تتركني مثل قبل سنين ، ما اقدر اواجه هالدنيا قلبي مايتحمل
خالد شد عليها بخوف : الله ياخذني اذا تركتك والله ابقى معك طول العمر ، خذيه وعد مني وووعد والله
ميعاد برجفه : لا تخذلني شد علي شد
قرب لها اكثر وشد عليها لما حس انها هدت وصارت ثقيله وعرف انها نايمه
شالها ودخلها بسريرها وانسدح جنبها يتأملها ويمسح على شعرها
همس بخوف عليها : آه حرام بحق عذوبه وجهك ومبسمك تحزن ، مين اللي يقدر يشوف هالوجه ويضايقه ، وعد وعد ياملاكي أني ما اتركك واظل حبيبك .. وسندك .. وابوك .. وكل حياتك ..
غطاها عدل وقام قفل النور وسكر الباب وراح لغرفته ينسدح ويتأمل السقف : آه ياوووجهك
وكان للمره الثانيه انه يشوف وجه ميعاد ، المره الاولى لما نام بغرفتها وكان منبهر من جمالها بس بدون ماتلاحظ
ودخل ب خياله وافكاره ، وخذاه النوم ونام
_____ بعد شهرين _____
وكأن بعد بكرا زواج ابطالنا ، راحت ميعاد لبيت مها تجلس عندها ثلاث ايام عشان الزواج قرب ولازم تبعد شوي عن خالد ويشوفها بيوم الزواج ، وبما ان مها صارت وحيده ابوها مسجون واحيانا نور وشموخ يكونون عندها
كانت هي ومها وشموخ ونور يلعبون ب موية الزرع ويكبون على بعض وضحكاتهم عاليه
مها وميعاد فريق
نور وشموخ فريق
يتسابقون ويركضون وكان احلى يوم بالنسبه لهم
بعد التعب الكل راح يبدل وجلسو بالمجلس
ميعاد : مين تسوي معي حلا
الكل : انا
ميعاد قامت : اجل يلا ، مها جيبي السماعات عشان ننطرب
مها : من عنيا
راحو للمطبخ وبدو يسوون اثنين حلا ، ويغنون ومنطربين
خلص الحلا وجهزوه بالمجلس ياكلون ويناظرون فلم
في العشاء