روايه عشق القيصر "قضيه ظل الشبح"

(الحلقه 6)

فى ايطاليا
ظلو جالسون طوال اليوم فى نفس المكان
ظلت تنظر اليه وتزفر كل خمسه دقائق بملل وهو جالس بلا حركه ينظر امامه على البحر
كان شكله وسيم بزيه الاسود كان يرتدى بنطلون باجى اسود وتيشرت اسود وفوقه جاكت اسود له كاب من الخلف ويرتدى كوتشى اسود برقبه طويله يشبه البياده ولاكن اسود وشكره الاسود يتطاير مع الهواء
نظرت له وابتسمت بداخلها فهو يشبه بطل الافلام عضلاته البارزة مع شعره يعطيه منظر جميل و..وسيم
زفرت مره اخرى بضيق على تفكيرها المراهق
القيصر بدون أن ينظر لها:بطلى نفخ بقا انتى متعرفيش تبقى ساكته
فيروز بحدة:انا حره اعمل الى انا عيزاه
القيصر بسخريه:انتى مفيش فايده فيكى
لتجيب :لا انا مش بزهق عادى ماحنا اعدين مش بنعمل حاجه
التفت و نظر لها بقوى:وانا مش عايز صداع
فيروز بحزن تحاول مجاىته فى الحديث :انت عارف انا كنت فى امريكا ....بتعالج
ليغمض القيصر عينيه لا يريد أن يسمع قصه مهانتها حقا هو لا يريدها أن تسترجع ذكرايتها الاليمه فهو على علم بكل ما مرت به تلك الصغيره ليجيب ببرود:عارف
فيروز :وكمان..
قاطعها القيصر :انا عارف قصه حياتك كلها ومش عايز اعرفها تانى فاسكتى بقاااا
فيروز باندهاش:انت بجد عارف كل حاجه
القيصر:اه يا سنيوريتا ثم نظر لها نظره ذات معنى فبلاش نقلب فى القديم وشيلى فكره انك تستدرجينى انا مش عيل صغير
نظرت له بصدمه كيف عرف
القيصر ببرود:عادى عرفت من عنيكى
فيروز:انت غامض اوى
القيصر ببرود:مفيش مشكله يا سنيوريتا
فيروز بضيق:ممكن تبطل تقولى كدة
نظر لها القيصر بهدوء:قصدك سنيوريتا
فيروز بضيق:اه انا ليا اسم
اقترب منها القيصر وهمس بجانب ازنها:لاكن انا هسميكى سنيوريتا اسم انا بس الى اعرفو اعتبرى سين مبنا
فيروز وهى تبتعد عنه وقد اصتبغت وجنتيها بحمره الخجل من قربه لتهمس هى الاخرى باندهاش:اشمعنا يعنى
القيصر:عشان مينفعش تبقى غير كدة سنيوره
فيروز محاوله تغير الحديث:انا جعانه
القيصر بجمود:وانا اعمل اى يعنى
فيروز بغضب:يعنى تجبلى اكل
القيصربحدة:اسمعى انا مش شغال عندك استحملى شويه
فيروز بضيق:اووووف اووووف بجد انا زهقت من الارف دة مع واحد قاتل مختلس مش طايقه يا ربى
القيصر ببرود:القدر بقا
فيروز :حظ اسود
القيصر:معلش مش مشكله
فيروز بغضب:متقوليش معلش
لم يجيبها واستدار مره اخرى
اقتربت منه وظلت تضربه بقبضتبها الصغيره:انت اى بارد انت بجد مش طبيعى مجنون انت بجد واحد مريض قاتل ذئب بشرى عايش على دم الناس مفيش فى برودك يا اخى حرام عليك لتقول الاخيره بصريخ
امسكها القيصر من يدها ونظر بعيناها بقوى:لو رجع بيا الزمن كان زمانى حرقت العالم من غضبى بس الشخص الى قدامك دة دلوقتى كلو تليج فمتحوليش تخرجى النار الى جوايا عشان متحرقيش سامعه ليقول الاخيره بصوت جهورى ارتعبت منه
اومات له بخوف وزعر من شكله الغاضب المخيف
متحوليش تختبرى صبرى عشان مش عندى كتير من الهدوء تمام سنيوره خليكى شاطره.....
____________
النمسا
كان يجلس اعلى شجره كبيره فقد إعتاد على تلك الحركه منذ أن كان طفل يهرب من امه وكان يجلس ايضا مع تلك الفتاه التى احتلت كيانه فهى ابنته قبل أن تصبح حبيبته وبعد ذلك زوجته التى لم يرى مثلها فكانت ابتسامتها تبخر كل احزانه ولاكن الان لا يوجد ابتسامه يوجد احزان فقد يجلس لينعم ببعض الهدوء والخصوصيه
نظر الى تلك الصوره بالم
فهد بحزن انا اسف مقدرتش احميكى بس صدقينى بعمل كل دة عشانك متزعليش أنى مشيت فى الطريق دة غاصب عنى اسف
تنهد بحزن ووضع الصوره فى جيب بنطلونه الاسود وارجع رائسه الى الخلف واغمض عينه بحزن
______________________
فى مكان اخر بالنمسا
انتى متاكدة
اكيد متاكده يا اوس
اوس بجديه:تمام بلغينى بكل جديد
_انتو مش هترجعو بقا
اوس:الموضوع مش سهل الناس بتضيع شباب بتموت عائلات بتتدمر منقدرش نرجع وانا شايف كل دة
_طب هتعملو اى دلوقتى
اوس بهدوء متحوليش تسالى عن حاجه خالص
لتردف باحراج اه حاضر تمام خلى بالكو من نفسك ومنها خليى بالكو منها
اوس:تمام متقلقيش هى كويسه اقفلى انتى بقا سلام ...
__________________
فى مصر
حنان بحزن :وحشتنى اوى
شريف بهدوء مرعب:هترجع أنشأ الله اعتبريها مسافره
حنان:انت ازاى هادى كدة دة انت ابوها يعنى المفروض تحس بيها اكتر منى
شريف بغضب:كويس انك عارفه انها بنتى وخايف عليها اكتر منك ومش هستحمل يجرلها حاجه بس اعمل اى اعد اصوت ولا اركز عشان ارجعها سليمه الموضوع اكبر من انك تتخيليه فمتحوليش تدخلى فتسكتى بقا ومسمعش صوتك تانى
يدخل اياس المنزل :مساء الخير بتزعقو لى
مساء النور يابنى عرفت حاجه عن اختك يابنى
اياس:متقلقيش يا ماما هنلاقيها قريب
نظرت حنان لشريف:ربنا يسهل الحال
شريف بغضب:تعالى ورايا على المكتب يا اياس......
_________________________

ايطاليا
نامت على العشب فقد اهلكها الحديث مع هذا البارد المجرد من المشاعر كما استنزفت قوتها فى الصياح وليس هناك اكل او اى شئ
نظر اليها القيصر وابتسم على تلك المشاغبه الحمقاء كم تمنى أن يغلق فمها الاحمق هذا فقد اصابته بالصداع من ثرثرتها
ولاكن تشبه الملائكه وهى نائمه طفله رقيقه للغايه
ورموشها الطويله الكثيفه التى حفرت صورتها في مخيلته نظر الى وجهها بعمق .
يا سنيوريتا كم تمنيت ان تكونى معى فى غير تلك ايام وظروف تد التى نمر بها لكن وضعتك فى تجويف قلبى حتى لا يخدشك الاخرون فعيناكى وحدها فتنه سلبت لى عقلى كم تمنيت ابعادك عن كل تلك السموم ولاكن لم استطيع صدقينى لم استطيع ماذا فعلتى يا سنيوريتتى اعزرينى ارجوكى اعزرى ذلك الاسلوب المهلك
بدائت فى فتح عيناها ببطئ لتشعر بانفاس على وجهها
فتحت اعينها بزعر عندما وجدته ينظر لها بنظرات لم تفهمها ولم ترتاح لها
اعتدلت فى جلستها
ونظرت ارضا بخجل

لم ترد عليه
القيصر ببرود:حضرى نفسك عشر دقايق وهنتحرك المكان معتش امان
فيروز بتعب:مش قادره عضمى مكسر وجعانه
القيصر بحده :مش عايز دلع اخلصى
فيروز بتعب:بجد مش قادرة
امسكها القيصر من ذراعها بحدة :بقولك مسمعش صوتك دة يلا امشى
مشت خلفه بتعب فقد نفذت كل طاقتها وضعت يدها على قلبها بتعب واغمضت عيناها لم تعد قادره على التحرك وجميع اجزاء جسدها تؤلمها حد الهلاك بداء قلبها يقرع كالطبول وصوت تنفسها يزداد
القيصر:مشى رجلك شويه مش عايز دلع
كانت تمشى خلفه بعدم توازن تسند على الاشجار لتعاونها على المشى سمع صوت حركه من خلفهم فشدها ليجرى بها اصبحت الصوره امامها غير واضحه فهى لم تعتاد على كل ذلك المجهود منذ امس والتنقل والجرى ذاد من ضعفها
كانت تتعثر منه فى الجرى ولاكن صوت الطلقات الناريه هى التى جعلتها تجرى بسرعه اكبر قليلا
علت صوت انفاسها اصبح دقات قلبها سريعه وقف بها خلف احد الاشجار العملاقه واخرج سلاحه ليكون على استعداد وضعت يدها على قلبها بالم
القيصر بثبات وهو يحاول ردعها بالامان:خليكى هنا اوعى تتحركى متخفيش
اومات له بضعف وقد اصبحت الصوره مشوشه للغايه
انتفض من جانبها بسرعه وعلت صوت طلقات النار كانت تخترق ازنيها لتجعل دقات قلبها تزداد وفجا وجدت من يكمم فمها
انتفضت بزعر وحاولت التملص منه او الصراخ دون جدوى احد الرجال:لقد عثرنا عليها هيا لنسرع
لتسمع صوت طلقات ناريه وبعد ذلك لم تشعر باى شئ سوى انها سقطت فى الظلام الحالك لتقع فى براثن من لا يرحموا فى براثن الشياطين وجحر الذئاب
*******************
مصر
جمعت اشيائها ووضعت كل مستلزماتها فى حقيبتها
خرجت الى الصاله وودعت امها بدموع ثم خرجت من عمارتها وركبت السياره الاجرة اطلع على المطار لو سمحت
نظرت حولها بحزن لم ارد الفراق ولاكن الاهم أن تكونى بخير سامحينى فانا لم اخطاء فقد حاولت الحفاظ عليكى ولملمه شتات نفسى..........
________________
شيكاغو
طونى بغضب :كيف هذا ايها الاحمق كيف هربو منك لا جدهم لى قبل أن يعثر عليهم امجد اريدهم هنا فى خلال الساعات القادمه نعم اريد تلك الفتاه الملعونه معه اريدها باى ثمن احضرو تلك الحسناء وبسرعه ........