🔷 للقدر رائي آخر 🔷

البارت ١٣

بارت 13

#للقدر_رائي_اخر

ريتاج : لا طبعا اخاف بس نهى انتي امج وابوج كبالج الله يحفظهم ويطول بعمرهم انتي يمكن سبوع كامل بالهواي عايفتهم مو مثلي عمري كلة مشايفتهم وعود اروح بين فترة وفترة شاشبع منهم كل ماروح كوة يكوموني والله بودي اظل يمهم
نهى : كافي حبيبتي  ربج ميخلي حمل مطروح
ريتاج : والنعم من الرب
نهى : اكلج صدك انتي تزورين
ريتاج : وين
نهى : الامام
ريتاج : مادري
نهى : افف والله ملل اتزوجي حبابة حتة نسوي نيشان
ريتاج : اهووو لو اموت كافي نهى
نهى : ههههه على كيفج عيني تعاي ننزل
ريتاج : اوكفي بيش الساعة
نهى : ب6 ونص
ريتاج : اووووو شكد نمت
نهى : هههههه اييي يلا نروح
ريتاج : اوك
اخذت نفس ونزلت كاعدين بالهول بس محمد ومصطفى وعمو حسين وجدو  بالديوان شوي وصاحتني مهى كالت ابوية يريدج بالديوان
مشيت واحس جسمي كلة يرجف اوووف
حسين : تعاي بابا ريتاج
ريتاج : ها عمو اجيت سلمت على جدو وكعدت سكتو شوي
حسين : ريتاج بوية انتي بنيتنة وعزيزة حيل علينة حتلو ممعاشرتنة انتي من ريحة الغالي وليوم طالبج بموضوع
ريتاج : الله يحفظك عمو والله اني كلش احبكم
حسين : طالبج ليوم انة لابني حيدر على سنة الله ورسولة وماريد تروحين للغريب المنك وبيك احسن حاجيت عمج وكال القرار قرارهه شنو رأيج انتي؟
ريتاج : اول ماحجة نزلو دموعي
عمو والله انتة على راسي بس اني بعدني زغيرة واريد اكمل محاطة بالي هالشي
حسين : لا تبجين بوية ماراح اكص ركبتج اني انتي حليوة وصح ناعمة بس ازغر منج وشايلات بيوت واذا ع الدراسة تدرسين حالج حال نهى سوة
ريتاج : عمو اني قاطعني
حسين : بوية لترديلي جواب هسة فكري الايام كدامج وان شاء الله تجين وتكليلي موافقة وهذا رأي جدج هم
ريتاج : اخذت نفس ورحت بست راس جدو وصاحني عمو حسين باسني وكال عكب باجر رايحين للنجف حضري روحج حتة تزورين
ان شاء الله عمو شكرا
حسين : هلا يابة
ريتاج : طلعت اوووف الحمدلله عدت على خير امشي واكلب بفوني بالفيس وجان الطخ بحيدر مدري شجاني ضحك وكال
حيدر : ول يابة انتي الجاي والرايح تلطخين بي انتبهي لطريقج
ريتاج : خزرتة ومجاوبت دامشي وجرني
حيدر : بعد امشي عدل ولتلطخين بأي احد افتهمتي
ريتاج : اتخصرت عود ليش ؟
ضحك وغمز وكال بعدين اكلج
مشيت طبيت ديسون بالعشة رحت للهول لكيت الولد والجهال ومهى ونهى
كعدت ع التخم واكلب بلفيس اجة ابن عمو علي اسمة كرار
كرار : سلام بنت العم شلونج
ريتاج : هلاو عيني تممام وانتة
كرار : بخير كاصدج بخدمة اليوم
ريتاج : ههههه كول
كرار : البنات شتحبون هدية تجيكم بعيد ميلادكم
ريتاج : غمزتلة كتله ها ها😂
كرار : اشش الله يفضحج محد يدري لتكولين
ريتاج : ههههه تمام هية شكد عمرهه ؟
كرار : 15
ريتاج : تحط مكياج؟
كرار : بس بالصور من تدزلي
ريتاج : باوع اعرف بيج مال هدايا كلش حلو هسة قبل شوي ناشرين بوكس وتيشيرت وساعة فضة وكلادة ناعمة فضة نازكة حيل كلش حلوة
كرار : اممم شو شوفينياهه
ريتاج : شوفتهياة وكتلة نوصي حاجيت الصفحة كالو نكدر نجيبة ليوم ماعدنة طلبات
حيدر : طبيت جوة واشوفهه كاعدة وي كرار تغمز ويضحكون احس صرت نار رحت للغرفة مال امي جوة اروح واجي كعدت واحس راسي ينفجر من الالم صعد عدي لضغط وخشمي طك دم  شوية وتوقف رجعت لكيتة كاعد بودي اكوم اذبحة تعشينة كملنة وكاعدين نشرب جاي جان خابرو ريتاج اعتقد موصية انوب اطتة التلفون حتة يدلي واني مثل الطرطور عبالك كامت وكال لمصطفى
مصطفى : شموصية شنو ؟
ريتاج : هيج بوكس كوم وياية
كرار : امشي اني وياج نروح
ريتاج : اوك يلا توني داكوم وصوت رج البيت رج
حيدر : اني اوصلج
ريتاج : هااا لا عادي
حيدر : امشي يلا
ريتاج : تمام
كرار : ريتاج تعاي هاج الفلوس
ريتاج : اي هنة شكد
كرار : 60
ريتاج : تمام
مصطفى : شنو ريتاج ليش اخذتي منة تعاي هاج
ريتاج : لا هاهية بيباي
حيدر : اخذتهه وبس اريد انفرد بيهه حتة اطيح حظهه طلعنة ودنمشي بالكراج
ريتاج
ريتاج : هاا
حيدر : شنو هاي الشفتة ليش اخذتي من كرار وشعدج ويا
ريتاج : مماعندي شبيك
هاي ديخابرون
حيدر : خوش اخذت وجاوبتة صعدنة بالسيارة
اكعدي اجيبة واجي
ريتاج : الفلوس تعال
يااا هذا شبي نزل جابهه واجة وراح لغير طريق
وين رايحين
حيدر : سكتي لااكفر بيج
ريتاج : ششبي قاطعني بصوت عالي
حيدر : كتلج سكتي
ريتاج : وصلنة لفرع ضلمة وكف السيارة اندار علية وكال
حيدر : شنو هاي ريتاج
ريتاج : شنو
حيدر : فهميني شنو هاي المسرحية كعدتي المغرب تشاقين ويا وفجأة تجي هدية وهوة يدفع فلوسها
ريتاج : لا مو هيج اني اداينت منة لان مجايبة
حيدر : مصطفى موجود ومحمد وابوية واني
ريتاج : انتة ؟
حيدر : شنو مو بعينج
ريتاج : انتة مو ابن عمي يعني عادي اخذ منك؟
حيدر : اي عادي
ريتاج : هوة هم ابن عمي اشو كلت هيج عاط بية

وللحكاية بقية