🔷 للقدر رائي آخر 🔷

بارت 58

#للقدر _رائي_اخر#
#هبه_الدعير

حيدر : اي والله ماعرف انام بدون حبيبتي
ريتاج : ماريد زعلت
حيدر : يمة فدوة اروح
وصلنة وبدلنة جان بعد شوية ع السحور سوو سحور ونزلنة اكلنة اذن وصلينة وصعدنة نمنة كعدت ع صوت الباب يندك جنت لابسة دشداشة نيلي قصيرة حيدر صاح منو صوت خالتي طلعت فتحت الباب كالت اروح بوستهه ورجعت نمت كعدني حيدر على صلاة الضهر صليت وهم احس نفسي نعسانة ورجعت نمت ورجع كعدني ع صلاة العصر صليت وهوة فتح الحاسبة يشتغل تمددت
حيدر : حترجعين تنامين شنو
ريتاج : اي نعسانة
حيدر : يولي كافي نوم كومي عاد صارلج قرن منايمة شنو
ريتاج : اي نعسانة جريت البطانية وجان السبلت مفتوح ونمت كعدت على كيفي باوعت الساعة ب5 ونص اووو شكد نمت حيدر مو هنا غسلت وجهي ولبست تراكسود نيلي ونزلت ديحظرون بالفطور وعمامي كلهم رايحين سويت زلاطة وحمص بطحينة وبيتنجانية وجانو الجهال همة اليضوكون الاكل ويكلونة حامض لو حلو وشنو طعمة اذن فطرنة وصلينة وصبينة وكلهم كالو طيبة عاشت ايدج كملنة وساعدتهم بالمواعين صعدت كوة اوو الدرج عندي مغامرة كوة اصعدة لكيت حيدر يخابر ارشلي طبيت وكعدت ع الجرباية كمل وكلة هاهية وسدة
حيدر : هاحبيبي
ريتاج : منو هاي
حيدر : خابروني واجب عندي بالانبار سبوع
ريتاج : لااااا وتروح
حيدر : اي غير خابروني
ريتاج : لا حيدر والله هواي
حيدر : حبيبي من ازوجنة ومطالع واجب محافظات
ريتاج : مو جنت تبات
حيدر : هذا خفر وحد
ريتاج : لا حيدر
حيدر : اششش تعاي اكلج
ريتاج : كول
حيدر : توني تذكرت شنو السربرايز الاخذتي فلوسهه
ريتاج : اي صدك تذكرت كمت طلعتهه حبهه كلش لان هوة كلة يلبس فضي ف عجبتة وكال باجر البسهه ظليت اليل كلة يمة صلة وكام لبس ودموعي ماوكفو وهوة كل شوية يكول وج لتبجين كافي  كمل واجة مسح وجهي انطاني الساعة لبستهياة
حيدر : بالله ليسمعج يكول راح اموت
ريتاج : لا بابا اسم الله عليك والله راح اشتاقلك
حيدر : واني هم بس شسوي ياعيني غير واجبي وراح افعل نت واخابرج بس كافي تبجين يظل بالي يمج
ريتاج : لتروح
حيدر : عمري كافي تبجين وديري بالج على نفسج واكلي مو تظلين بدون اكل ولبسج ديربالج افتهمتي
ريتاج : هزيت راسي حضني ونزلنة جانو نايمين باسني وكال راح اصعد وطبي جوة ظليت واكفة ورجع حضني
حيدر : حبيبتي كافي خليني اروح
طبيت جوة وهوة حرك السيارة وطلع والمخدة انترست دموع طلعت الشمس كمت ترست الغرفة من العطر مالتة خليت كومة وضليت اشتمة يلا نمت كعدت على حس نهى فاتحة كامرة ويا
نهى : لك حيدر هاي الثولة مخلصة عطرك باع شلون متأثرة
ريتاج : باوعت هوة ضليت احاجي وطردت نهى وكال يلا راح اروح انام مو تنسين الصلاة سديتة منة وخليتة ورجعت نمت ورة شوية طبت كالت والله غرفتج مريحه وميوصلهه صوت تسوي واهس للنوم رادت تنام
ريتاج : اوكفي لتنامين بمكان حيدر تعاي بمكاني نامت ومر اسبوع اجة وعبالك اول يوم زواجنة كبل فوك ونومني بحظنة ويكول اخ لوماصايم هههههه العيد جان بعدلة كم يوم ف بليل طلعنة اشترينة هدوم ونهى ومهى ويانة وهم اشترالهن هدوم مر العيد واول يوم للكرايب ف الكل اجة يمنة وطلعنة وطبيت بشهر الثامن ورحت لدكتورة كالت عملية لان ضغطج يصعد اجذب اذا كلت مخفت من العملية بس حيدر جان دائما وياية طبيت بشهري وفد يوم حيدر جان خفر خابرتة كال ب10 الصبح اجي كعدت ع الصلاة ورجعت توني غفيت وحسيت شخص وراية اخترعت لكيتة حيدر ظل صافن
حيدر : انتي ليش هيج حلوة من نايمة
ريتاج : ياحيدر هوة هيج خرعتني والله
حيدر : هههههه
ريتاج : عود ليش هيج تسوي تكلي اجي بهيج وقت وبعدين تغيرة وتجي قبلة
حيدر : لان اشتاقلج احب اسويلج مفاجأة
رجعنة نمنة ومرت الايام وبعد كم يوم للعملية جهزنة كلشي من المول جان الجهاز رصاصي واقترح حيدر نسويلة غرفة بس مقبلت كتلة مو هسة والدكتورة اقترحت الرضاعة الطبيعية واني اصلا جنت هيج ناوية حيدر مقبل يكول تكومين تحبي اكثر مني ويتعلق بيج😂 كوة قنعتة اجة يوم العملية كلش جنت خايفة من هاليوم مو خاف مثل مصير امي لا جنت خايفة مااشوف الي انتظرتة ع نار 9 اشهر ماقبلت اطب الة حيدر وياية وكمت ابجي اقتنعت الدكتورة لان حاجيتلهه عن خوفي لزم ايدي ونمت جنت كاعدة بمكان حلو حيل اجة بابا اول مرة بحياتي اشوفة هوة وماما جانو لازمين ايد بعض بس وجهم بشوش حيل وفرحانين رحت عليهم بس راحو على باب لزمت ايدهم باوعولي وابتسمو واخذوني وقبل لندخل اجة احد جرني ثلاثتنة اندارينة علية جان حيدر لزم ايدي وجرني منهم ابتسمو وطبو وكعدت عيوني ثكيلة ومغوشة حيدر باس راسي ورجعت نمت هم كعدت راسي ثكيل حيدر بصفي كلي مبروك ام نمر حمدلله ع السلامة
ريتاج : وين الطفل
حيدر : بالخدج شوية ويجيبو
ريتاج : شبي
حيدر : مابية شي مثل الورد ويشبهني
ريتاج : خلي يجيبولياة