🔷 للقدر رائي آخر 🔷

البارت الخامس -٥-

بارت 5
#للقدر_رائي_اخر
حضني وباسني وكال انتي الغالية من ريحت الغالي كبرانة الله يحميج حسيت عيونة دمعو ومصطفى صاح متسلمين ولج كمت سلمت علية وعلى عمامي ورجعت كعدت يم مصطفى همس 
مصطفى : ها شو ترجفين
ريتاج : راح اظل كاعدة هنا
مصطفى : ههههه لا كومي طبي بذاك البيت شوية واحنة نجي
ريتاج : كمت لان تقيدت الشباب كلهم محد نزل عينة عبالك ملابسة شي كد ما نظراتهم تخجل والولد الي فتح الباب ظل خازرني مااعرف ليش طبيت للبيت جان بنية تصيح اجتي ضليت واكفة وكلهن مدن روسهن جان مرة جبيرة تصيح تعاي حبيبة ليش واكفة كلهن جانن لابسات دشاديش ولافات شال بالرغم من انو الشباب وعمامي كلهم  بالديوان رحت كلهن بوسني واي وحدة ابوسهه تكول اللهم صلي على محمد شكد حلوة موقف ماعرف شلون اوصفة مكدرت ابجي بي يخجل حيل كعدت ع التخم وكل الانظار متوجهه علية شوية واجتي ايناس مرت محمد واخيرا هي الوحيدة اعرفهه وشايفتهه سلمت عليهه وكعدنة عم السكوت شوية وصاحت المرة يلا  مدن ايدجن دنصب الزلم اجوي كلهن كامن بقت بنية تطلع بكدي ابتسمتلي وكالت اني نهى
ريتاج : كتلهه اهلا وسهلا بيج
نهى : اني بت حسين وصف خامس اعدادي
ريتاج : صدوك اني هم خامس
نهى : الله مثلي زين علمي لو ادبي
ريتاج : ادبي
نهى : اني هم ادبي لعد تعاي بمدرستي
ريتاج : تمام
سكتت ورة دقايق اجتي بنية وكالت يلا تعالو صبو الغدة
نهى : يلا كومي تعاي كعدي يمي
ريتاج : اوك
رحنة جانت سفرة طويلة بيت خالي نكعد ع الميز ناكل واغلب اكلنة من المطعم خالو يحب ياكل اكل برة  هنا بالكاع كعدت نهى وكعدت يمهه اكلهم جان كلة دسم سمج جان مشوي حاطين ببلامة 6 بالنص  وبانية وتمن ولحم وخضروات وزلاطة وقواطي مشروبات غازية والخواشيك خاليهن بسلة بالنص استحيت اطلب ضليت صافنة حست علية نهى انطتني خبزة وخاشوكة وقسمت سمجة واطتنياهه اني كتلهه لا عفية مااكلة
نهى : ليش
ريتاج : ماحبه تلعب نفسي
ضحكت وكالت بكيفج بس محد نزل عينة مني ماعرف ليش انطتني ببسي وضليت اغمس بالمركة اكلت شوي  لان قبل شوية تريكت وماعرف اكل بيت مو بيتي وردت اكوم بس استحيت لان بعدهم دياكلون اكلهم كان بصوت عالي وكلش ياكلون هواي شوي وك موبايلي  كلهه رفعت راسهه طلعتة من الجنطة جان خالو كاتبة علية حبيبي❤ شلتة وكال الو
ريتاج : ها حبيبي
جرجيس : ظل بالي يمج رجعتو
ريتاج :  اي
جرجيس : تغديتي
ريتاج : ايي كال ها مبينين يمج ضحكت وكتلة اي كال يلا من تفرغين خابريني  كتلة تمام كال يسوع يحفظج وسدة مارفعت راسي لان كلهم يباعون خليتة بالجنطة وكمت غسلت وعدلت نفسي اخذت نفس وطلعت من الحمام توني فتحت الباب ولكيت الولد نفسة كال هف وطب مدري المن ذابحة وهيج يسوي طلعت شفت ولد زغير كتلة جيبيلي جنطتي جابهه الية ورحت يمهن بالمطبخ جان اكو ميز كاعدة  علية مرة ونهى جانت تغسل اماعين  وكلهن يشتغلن صاحت علية المرة حدري يمة ماجنت اعرف شنو معناهه ضليت واكفة كلهن باعن علية ضحكت وكالت ول يمة شبيج كتلهه
لا خالة مابية شي كالت لعد مو اكلج حدري كتلهه مفتهمت قصدج ضحكت نهى وكالت يمة كليلهه تعالي وعوفي حدري متعرفهه باعت علية  تعالي يمة كتلهه اي ورحت كعدت ضلت تسئلني ياصف وعلى بيت خوالي وكل شوي وحدة ناطة وسائلة سؤال كملن اخذن الجاي وراحن كعدن بالاستقبال تجمعو كلهم بقيت بس اني ونهى جانت تمسح كملت وكالت يلا كومي
ريتاج : وين
نهى : نروح نكعد بالاستقبال
ريتاج : لا عفية استحي كلهم يباعون علية
نهى : ههههههه دكومي عيني تتعودين لان اول مرة
ريتاج : اخذت نفس وطبيت كعدت يمهه
والولد نفسة احس شراين وجهه رح تطك كد ماعصبي مدري ليش همست نهى
نهى : هاا
ريتاج : هذا الولد شبي
نهى : حيدر
ريتاج :  ماعرفة
نهى : هههه اي حيدر اخوية شبي
ريتاج : شو عصبي
نهى : هوة هيج
ريتاج : شدعوة
نهى : ههههههه هوة هيج طبعة يضحك بالسنة مرة

وللحكاية بقية ...