🔷 للقدر رائي آخر 🔷

بارت57

تنبيه ... القصه هذي كاتبته ب 2014 و منزلته ب 2015 في مسابقه على الفيس بوك  و كذلك نزلته على قناتي على تليجرام.. و نزلة في 2017 على يوتيوب
أي احد ينزله بدون حقوقي غير مبري الذمه !!!!!
لان داشوف اكثر من شخص دينشرها ب أسمه !؟

ريتاج : لالا حباب لتسوي هيج ذولة اهلي بعدين همة بعدهم مرايحين وخر حيدر حباب مشتاقتلهم والله صار هواي مزايرتهم وخر
حيدر : تنزلين بس بشرط
ريتاج : ميخالف قابلة قابلة والله اقبل بس وخر
حيدر : باعي
ريتاج : شنو كول
حيدر : تنزلين تقريلهم الفاتحة وتخلين على كبرهم مي ورد وبهاي الطريقة راح يرتاحون
ريتاج : باوعتلة وبجيت حضني
حيدر : وج كافي لتعذبيني كافي تبجين اروحلج فدوة كافي
ريتاج : اقرالهم قران حباب يابة
حيدر : لج تدللين اقرالهم بس امسحي دموعج كافي
نزلنة وخليت على كبرهم مي ورد وقريتلهم الفاتحة ظل حيدر يقرالهم قران ودموعي تنزل بهدوء كاعدة بصفة ومخلية راسي على جتفة وهوة يقرة كمل وباس راسي وعمو حسين كال يلا يابة نطلع بس ضليت كاعدة وخليت وجهي على كبر ابوية وابجي اصعب شي ع البنية تعيش وتكبر بدون اب شكد ماجانو معوضيني بس ابد مو مثل الاب ابد كوة كومني حيدر بست كبورهم نفضت الثوب وكمت صعدنة اباوع ع الطريق ودومعي تنزل جرني حيدر لحضنة وهمس
حيدر : وج ابوية كافي ميصير هيج بالله لو ادري هيج تسوين ماجيبج
ماحجيت شي طلع كلينس ومسح وجهي وكال كافي ووصلنة ونزلنة اول مرة بحياتي ازور الامام علي صح قبل جانو خالو وخالة يجيبوني بس عمرنة مازرنة جنة نروح بسيارت خالو للمقبرة ونمر ع السوك مرات نشتري وبس حيدر كال لبسي العباية
ريتاج : حيدر والله ماكدر امشي عفية
حيدر : ريتااااج
ريتاج : هوة طويل شلبس يعني من نوصل البسهه ماكدر امشي
حيدر : خوش
ظل لازم ايدي وصلنة نقطعة تفتيش سلمني لخالتي ليكول اني صغيرة 😑 طلعنة ولكيتة منتظرني شفنة هواي شغلات حلوة ع الطريق بس كال ميطببوهن من نطلع نشتري ف دنمشي واجتي مرة كالت يحفظكم امير المؤمنين محتاجة الله يوفقكم طلع حيدر الف ونطاهه ظلت تدعي وكل مانشوف احد فقير (مجدي) اكول لحيدر ينطي وهوة ينطيهم حلو حيل المكان عبالك حتة هواة يختلف بالرغم من انو محلات وبيوت وعالم بس هوة نضيف بنص الحر وصلنة للتفتيش هاي اخر واحد سلمنة التلفونات ولبست العباية وخالتي مجلبة بية ضيعناهم لان كومة نسوان وصلنة وفتشتنة وهمة ماكو ضلينة نباوع وننتظر ماكو وحدة خالتي كالت خلي نطلع وننتظرهم برة طلعنة ولكينة حيدر ومصطفى ضلو يضحكون لان خالتي شوية وتبجي هههههه طبينة وكعدنة بالامام كلش حلو المكان صارت الصلاة صلينة وهيام وحوراء وبنات عمة كالن راح نروح للسوك خالتي كالت اروح ومصطفى ماحجة كلهه روحي بس ديري بالج وحتة ايناس
ريتاج : حيدر اروح وياهن
حيدر : لا
ريتاج : لاحباب
حيدر : لا
ريتاج : ليش
حيدر : اني اخذج خطوة مترحين كافي
ريتاج : حيد.. قاطعني
حيدر : كلت كافي
صاحتني خالتي وكتلهه لا ماروح راحن وشوية وحيدر اخذني وظل لازمني ومن يصير ازدحام يخليني كبالة ويلزمني من جتفي ويمشيني اشترينة كومة شغلات ملابس الية والة ودهينة وهالسوالف واشترينة لنونو مالتنه نموري ههههههه واشترالي قران ومصلاية طبية بنفسجي حيل حلوة وجادر مال صلاة رجعنة هواي شغلات خليناهن بالامانات وطبينة جانت الساعة ب5 حيل تأخرنة لكيناهن راجعات خالتي مشترية ساعة لمصطفى حيل حلوة فضة
ريتاج : اكول بيش
ليليان : ب 35
ريتاج : راح اخذ من حيدر بس انتي اشتريلي وبالبيت انطيهياة
ليليان : اوك حبيبتي تدللين
كمت وكعدت يم حيدر
ريتاج : اريد فلوس
حيدر : شتسوين بيهن
ريتاج : اريدهن
حيدر : اي حبيبي اطيج شتردين تسوين بيهن
ريتاج : اكو دشداشة حلوة حيل خالتي مشتريتهه واريد تجيبلي مثلهه
حيدر : مالكيتي غير هاي الجذبة ترة عيونج فاضحاتج
ريتاج : حيدر انطيني وبعدين اكلك حباب سربرايز والله
حيدر : اوك شكد تردين
ريتاج : 35
طلع محفظتة واانطاني 25 براسها و10 كمت انطيتهه لخالتي اخذت صبا وراحت جابتلي اخذتهه خليتهه بجنطتي وضلينة كاعدين وراهه توضينة وحيدر طلع كال اجيب لبن وتمر حتة تفطرون ونصلي ونطلع صدك راح وأذن وشوية اجة بقة زايد انطا للزوار وجايب كارتونين تمر انطة لاهلة واخذ اجة انطاني تمرة ولبن
ريتاج : ماحب التمر
حيدر : ميخالف بس وحدة افطري بيهه بعدين طيب هذا
اخذت منة وشربت اووو ارتاحيت صلينة وطلعنة طبو لمطعم حيدر اخذني لغير مطعم ومصطفى وخالتي ويانة طلبنة كباب جابولنة شوربة ولبن ومقبلات وجابو الكباب ضل حيدر يسويلي لفات وينطيني كملنة وغسلنة خابر اهلة واندل مكانهم رحنة وكالو راح نرجع بس نصلي العشة طبينة للامام صلينة واخذنة الغراض الي اشتريناهم والتلفونات وصعدنة الطريق كلة نايمة على ايدة فزيت لكيتة مرجع راسة ونايم بس وخرت كبل فز وهمس
حيدر : ها شبيج
ريتاج : ماكو سلامتك وين وصلنة
حيدر : طبينة البغداد مابقة شي
ريتاج : اففف واخيرا تعبت
حيدر : من صعدنة السيارة وانتي نايمة منين تعبانة الله يساعد ايدي
ريتاج : يومية انام عليهه بعد ماريد يلا
حيدر : وين يومية تنامين على صدري زاحفة

ريتاج : هوة منو الي يجرني ويكلي ماعرف انام الة انتي بحضني

والحكايه_باقيه