🔷 للقدر رائي آخر 🔷

بارت ٢٢

حيدر : ذبيتهه ورحت كملت كم شغلة تغديت ورحت زينت  رجعت سبحت لبست القاط نشفت شعري ضربتة شسوار لبست ساعتي خابرت اختي كتلهه راح اجي كالت راح نكمل نزلت واشتغلت الهلاهل وامي كامت تبجي كالت واخيرا شفتك عريس يوم الي تملي البيت بجهالك بست راسهه وطلعت اتفقت وي ابوية يجيب الشيخ ومنا المشية صعدت بالسيارة وصلت خابرتهه طلعتلي اختي كالت راح نكمل شوية ونزلن هنة وياهن اميرتي شطالعة تجنن كيكة سحرتني واخذت كلبي وعقلي صعدتهه ليورة مترهم تكعد ليكدام

خليت البردات وسقت رحنة للمصور نزلت وطبينة نزعت الشال والجبة زيدت عذابي مو بس اني الي نبهرت بيهه حتة البنات ماعرف بيومهه شلون لزمت نفسي عنهه اخذنة لقطات ورجعنة جانو جماعة محمد ومصطفى موجودين كلهم اعرفهم اصدقائي هم نزلتهه وطببتهه وطلعت سلمو علية وباركولي رجعت للبيت هوسو وركصو شوية صح بنفس الفرع بس مسافة ويانة بنات ف طلعنة بالسيارات وصلنة وكفنة يم الباب جماعتي رمو طلقات بالجو واني هم رميت كعدنة بالطرمة وشوية وابوية كال يلا كمت اني والشيخ من ورة الباب
ريتاج : ضايعة بعالمي الي ماعرف نهايتة شنو وسمعت صوت رمي نشفت الدمعة بعيني كلبي كام يوجعني واجاني مغص بطني افففف اختنكت ماانتمي هنا ماريد هالشي يصير
حيدر : صاحهه الشيخ وكفت هية ورة الباب سئلهه صوتهه جان يرجف وكوة تجاوب قبلت وراهه اني سئلني وجاوبت كملنة واشتغلت الهلاهل وكالو ادخل عليهه طبيت جانت كاعدة وخالتهه واكفة بصفهه هوسولنة ولبستهه الذهب وهية ترجف والدمعة بعينهه كملنة من الذهب وطلعت هديتهه خاتم الماس وهوسو بصوت عالي لايك لايدهه حيل هوة والحلقة بستهه وكعدنة كيك وعصير وبعدهه ترجف خبلتني لبستهه امي الذهب واختي وخالتهه ومرت محمد هم لبسولهياه وباركولهه اخذنة كم صورة بتلفوني وانطت التلفون الخالتهه هم صورتنة وراهه طلعت لان كلة نسوان دوخني رجعنة للبيت وركص ورمي وسوو عشة بدو ينضفون صعدت لغرفتي سبحت اوووف تعبان بس يلا يهون لعيونهه خابرتهه متجاوب ضليت ادك ماكو اني منا مطفي كبل نمت ماحسيت الة ساعة 12 يوو شكد نمت جريت التلفون خابرتهه جاوبت
ريتاج : الو
حيدر : هلا بالعروسة
ريتاج : هلاو
حيدر : شلونج
ريتاج : بخير وانتة
حيدر : الحمدلله شلون صرتي
ريتاج : ليش شبية
حيدر : مو بس ترجفين
ريتاج : هاا لا احسن
حيدر : حبيبي مبروك عليج ان شاء الله يوفقني واسعدج العمر كلة
ريتاج : يبارك بيك
حيدر : شكو ماكو
ريتاج : ماكو سلامتك
حيدر : منو يمكم
ريتاج : محد اخوات ايناس خطية اشتغلو وياهه وراحو
حيدر : همممم واميرتي الحلوة
ريتاج : منو
حيدر : ههههه شبيج شكم جكليتة عدي اني
ريتاج : مفتهمت
حيدر : هههههه لتفتهمين
ريتاج : اوك
حيدر : ريتاج
ريتاج : ها
حيدر : وعلا
ريتاج : شنو
حيدر : كلمة ها متنعاد افتهمتي
ريتاج : لعد شكلك
حيدر : كولي ها حبيبي ها صخامي شبيج
ريتاج : ...
حيدر : الوو وينج
ريتاج : وياك
حيدر : وين رحتي
ريتاج : اريد انام
حيدر : هممم شنو نعستي
ريتاج : اي تعبانة
حيدر : خوش اني هم عدي دوام
ريتاج : بيش الساعة تطلع ؟
حيدر : ب7 ونص ليش
ريتاج : ها لا هيج
حيدر : كولي شكو
ريتاج : هيج
حيدر : احجي وياج
ريتاج : ها
حيدر : شعدج شتردين
ريتاج : الاحد يبدي الدوام
حيدر : اي؟
ريتاج : وبعدلي نواقص
حيدر : مثلا شنو
ريتاج : جنطة وترانشوز
حيدر : الجمعة نطلع واشتري
ريتاج : لا عادي اوصي من النت
حيدر : الجمعة نطلع واشتري
ريتاج : اوك
حيدر : خوش
ريتاج : تصبح على خير
حيدر : انتي الخير كلة
ريتاج : بيباي
حيدر : هلا
ريتاج : خليت التلفون صامت ونمت كعدت ب1 الضهر جسمي متكسر والتلفون يدك حيدر افف والله مالي خلكة شمرت التلفون ورجعت نمت ..
حيدر : كعدت الصبح دزيتلهه رسايل ماكو يمكن نايمة عفتهه على راحتهه غسلت وجهي ولبست الزي عدلت شعري ونزلت هدوء كلهم نايمين طلعت بالسيارة شغلت الراديو فيروز احب اسمعهه الصبح وصلت صفيت السيارة نزلت باركولي شغلي متراكم ضليت اشتغل اشتاقيتلهه باوعت الساعة 10 الوقت ميمر اخابر ماكو شنو بعدهه نايمة كملت وضليت منتجي ع الكرسي صارت ب1 خابرتهه هم ماكو شنو السالفة ظل بالي عليهه لهيت نفسي وي الشغل كملت كم ورقة ومذكرات وامور صارت ب2 طلعت خابرتهه ماكو متجاوب اخذت سيارتي وتوجهت لبيت محمد طبيت ماكو احد طلع مصطفى سلمت علية كال محمد ومرتة بالدوام والجهال نايمين واني طالع صعدت فتحت الباب على كيفي جانت نايمة لابسة برمودة وكيمونة دنكت شكد جنت تعبلن مجرد النظر الهه احس شكو تعب انشال مني دنكت بست راسهه فزت
ريتاج : حيدر
حيدر : ههههه ايا كسلانة واني عبالي صار بيج شي كومي
ريتاج : شنو شو هنا
حيدر : كعدت ع الجرباية ادنت هية
اشتاقيتلج واجيت اشوفج يصير لو لا؟
ريتاج : يصير بس مادري اتفاجئت
حيدر : اي ادك عليج ماكو
ريتاج : اي التلفون صامت
حيدر : وليش حاطتة صامت
ريتاج : متعوده
حيدر : همممم جريتهه ودفعتني كمت مكاني شنو شبيج
وللحكاية بقية ...