🔷 للقدر رائي آخر 🔷

البارت التاسع -٩-

بارت 9
#للقدر_رائي_اخر

اخذت من دعاء حساباتها طبيت ع الفيس دزيتلهه طلب كلبت ماكو ميطلعلي شي لان مو صديق ذبيت التلفون وكمت نزلت جوة كلهم كاعدين طلعت لبيت محمد متعودين احنة كلنة نطب ونطلع واحد ع الثاني فتحت الباب لكيت مصطفى برة
حيدر : ها ولك شو كاطع
مصطفى : لو ما البارحة جنت يمكم
حيدر : اي وقبلهه
مصطفى : ليوم راح اعزم الولد نركيلة ودومنة شتكول
حيدر : اي هاهية صار هواي مملتمين
بهالاثناء هية طلعت تعدلت كبل احس كلبي رف
ريتاج : هيلاو
مصطفى : هلا بالحب كلو
ريتاج : شلونكم
مصطفى : بخير ...هيو حيدر شبيك صافن
حيدر : ها هلا بت عمي شلونج
ريتاج : تمام وانتة
حيدر : الحمدلله
ريتاج : اكول مصطفى اريد اروح للسوك اكو هنا سوك
مصطفى : اي شتسوين
ريتاج : اريد اشتري قرطاسية بعدني ممجهزة
مصطفى : حيدر يجيبلج
ريتاج : ها ليش
مصطفى : مو عدهم مكتبة خلي ياخذج وشوفي شتردين لو شتكول حيدر
حيدر : رفعت راسي اجتي عيوني بعيونهه جانت ضاربتهن الشمس لونهن اخضر ع عسلي مدري يالون بس سحروني ابتسمت وكتلة بكيفك
مصطفى : خوش لعد روحي ليوم حتة باجر نكمل الوثيقة
ريتاج : انتة تاخذني مو
مصطفى : لا حيدر
ريتاج : مو اخاف نطلعة لو نزحم علية
حيدر : ولو بنت العم تعبج راحة اختي هم دتجهز ب5 امرلكم وكمت كتلة يلا مصطفى من رخصتك
مصطفى : مرخوص حبيبي مو تنسة ليوم تعال من وكت
حيدر : الله كريم
رحت اتمشى وبس افكر بيهه اريد اطلعهه من دماغي ماكو باوعت التلفون دعاء دتصل
دعاء : الو
حيدر : ها
دعاء : حبيبي تجيني ليوم
حيدر : اكول ليش متولين مني اني وين وانتي وين كبل سديتة مالي خلكها وصلت للبيت تغديت وصعدت للغرفة فتحت التلفون لكيتها قابلة الطلب راسلتهه
حيدر : مساء الخير💬
ريتاج : مساء النور تفضلي؟💬
حيدر : تبيعون گيمر😐
ريتاج : استغفر الله ياربي
حيدر : ابليس كدامج ودتستغفرين
ريتاج : كولي شتردين تراا مالي خلك
حيدر : لا هيج بس عبالي نصير صديقات لان ماعدي
ريتاج : لا تسلمين
حيدر : اوكفي ليش مستعجلة
انطتني حضر 😂 هاي منو وياهه الخبلة شبيهه
ضليت اضحك صحت على نهى اجتي
نهى : ها شبيك
حيدر : ليوم نروح للمكتبة مو تردين تجهزين للمكتبة
نهى : شنو شعجب ليوم
حيدر : لضلين تلغين كعديني ب4 ونص الكاج حاضرة حتة نمر على بيت محمد ونروح
نهى : شعدنة مارين
حيدر : ناخذ بت عمج
نهى : هاا هنا الحجي صايرة تطورات
حيدر : دمشي روحي وطفي الضوة وسدي الباب
نمت كعدتني نهى طبيت سبحت ونشفت شعري ورتبتة بدلت ونزلت لكيتهه مكملة اخذتهه وتوجهت الهم انداريت لنهى كتلهه لتنزلين اجيبهه واجي كالت تمام نزلت سلمت كتلهه لمرت محمد
بس من رخصتج صيحيهه حتة لنتأخر
ايناس : يلا ريتاج اجة حيدر ماكملتي
ريتاج : ايي كملت داعدل شعري ثواني
حيدر : نزلت ورة شوية ضافرة شعرهه ولابسة قميص عسكري وبنطرون اسود باوعت عليهه
هيج راح تطلعين ؟
ريتاج : اي ليش ملابسي بيهن شي؟
حيدر : لا ماكو فضيني
مشت كدامي واني وراهه اعصابي نار كوة امشي احس الدم صعد الراسي من طالعة هيج بس لو الي سلطة عليهه مشيت الطرق كلة كل شوي اريد اندعم كد ما سوق سريع .....

وللحكاية بقية..