بارت 16
ريتاج : اكرهكم كلكم متوصلون لاضفر مني خالي
وراهه محمد ضل يصيح ويكفر واني شنو تقارنيني بهذا وهيج وهيج اووووه اسطوانة
لهناك واجة عمو حسين خنزر على محمد وصاح
حسين : الكل يطلع برة
محمد : شوف حسي قاطعة وكال
حسين : الكل يطلع برة
ريتاج : صدك طلعو كلهم اجة كعد يمي
حسين : ها يابة الحمد الله على السلامة
ريتاج : الله يسلمك عمو
حسين : فهميني يابة شنو السالفة
ريتاج : ماكو شي اني عليت صوتي على عمو محمد مجان لازم اسوي هيج
حسين : وضربج؟
ريتاج : اي لانو عليت صوتي علية
حسين :وخالج
ريتاج : شبي
حسين : اجة يهدد وتعارك وي محمد يصير هيج عمو؟
ريتاج : عمو اني ماريد اعيش هنا
حسين : انتي مكانج يمنة ان محمد غلط ولا ضربج مكانج يم عمامج وماضربج الا لن تجاوزتي حدودج وانة ماراضيت علية ولا جدج بس مو معناهه راضين عليج جا عمج ماعلمج ماترفعين صوتج ع الاكبر منج
ريتاج : عمو الله يوفقك خليني ارجع لبيت خالتي
حسين : يابة تردين تزوريهم انة ادزج بيدي بس مال تكعدين يم خالتج بعد ماكو انتي مو زغيرة
ريتاج : كمت ابجي مديفهموني كل الي اريدة ارجع لحياتي
حسين : ليش تبجين بابا ماتردين تكعدين يم محمد بيوت عمامج وين ميعجبج كعدي
ريتاج : عمو مو قصة ما اريد اكعد يمة بس هوة يريد يجبرني
حسين : لا يجبرج ولا شي ابن عمج احق بيج
ريتاج : عمو ماريد اتزوج الله يوفقك ماريد والله بس افهمني
حسين : انتي بعدج طايشة ومتعرفين الصح من الغلط
ريتاج : شنو هيج متثاكلين مني؟
حسين : ول يابة اذا مثاكلين منج ننطيج لابن عمج شو ماتعرفين تحجين انتي
ريتاج : ضليت ابجي خلة وطلع اي اموت نفسي وماقبل بي اجتي الممرضة دتبدلي المغذي جريت ايدي
: اختي بس ابدلج المغذي
ريتاج : عوفيني لتبدلي ماريد كافي
: هالشي مو بكيفج ميصير
..هبه الدعير ✍🏼
ريتاج : اهوووووووو شو دوخري كتلج ماريد
مصطفى : شكو ليش صوتج طالع
: اريد ابدللهه الكانونة مدتقبل ميصير هيج داسوي واجبي اني
مصطفى : تمام ريتاج عمو خلي تبدلة الج
ريتاج : ماريد
مصطفى : ريتاج
ريتاج : درت وجهي وجتفت نفسي
مصطفى : مو احجي وياج والتالي
ريتاج : مراح اموت اذا مبدلتلياه لتخافون
مصطفى : شهالكلام هذا باباتي ميصير
ريتاج : لدكول باباتي انتو وينكم وين بابا هوة لو عايش مجان اني هيج
مصطفى : استغفر الله ياربي
انسة احنة بالبيت من ترجع نسوي
: ماشي
ريتاج : راح مصطفى يسوي اوراق الخروج وشوي وطبو محمد وايناس تحمدتلي بالسلامة ومحمد ماكال شي بس باوع شوي وكالت يلا راح نطلع جايبتلي فستان نص ردان ولجوة الركبة نيلي وبي ورد احمر ناعم كلش حلو وجوة الخصر بشوية كلوش لبستة ولبست الحذاء شعري مفتوح اجة محمد ديسندني وخرت منة وكمل مصطفى واجة كال ها تطلعون محمد كلة يلا اجة مصطفى وكفني
مصطفى : ها تمشين لو اجيبلج الكرسي المتحرك
ريتاج : اي مو معوقة اني
مصطفى : ههههه لج لا خاف مابيج حيل اسندج؟
ريتاج : لا بس انطيني ايدك خاف ادوخ
مصطفى : تفداج الايد وصاحبهه😉
ريتاج : ههه اوي مابية اضحك
مصطفى : ضحكي اروح فدوة للرصعات منو مات واخذهه ويا
ريتاج : ضلينة نمشي وصلنة للاستعلامات وجان اشوف الاستاذ كدامي يالله شكد كرهتة واستحقرتة
حيدر : الحمدلله ع السلامة بنت العم متشوفين شر
ريتاج : كال هيج مجاوبتة وانداريت كلهم اندارو علية احسن بلكت يحس اني ماريدة ويحل عني
حيدر : كعدني ابوية الصبح كلي على ريتاج ةاحس روحي طلغت من مكانهه لبست بسرعة واخذت ابوية هوة صعدلهه واني وكفت يم الاستعلامات انتظر محمد شوية واجة هوة ومرتة جريتة على صفحة
محمد : شبيك حيدر
حيدر : شلون تمد ايدك عليهه وهية مصارلهه شهر يمك شنو ماكو وراهه احد محمد شنو تسوي هيج
محمد : مامديت ايدي الا لمن طلعت اعصابي وساعة عصبية ولة اني اول وتالي بس حذرتهه كتلهه يابة لترفعين صوتج انوب تخابرلي خالهه ويجي يتهدد
حيدر : محمد كلمة ومتنعاد الي يمسهه بحجاية يعني يمسني انة والي يضربهه يعني يضربني اهانتهه يعني اهانتي واخر مرة اكول الي يسمعهه كلمة يلكاني سيف بوجهه وهاي اني كتلك
محمد : شنو كاعد تهددني حيدر
محمد : والله ياعمي شلون متفهمهه افهمهه ريتاج خط احمر انتظركم بالاستعلامات راح وصعدو نزل ابوية كال الجو يخنك هنا رايح انة بالسيارة انتظرك شوي ونزلو عود مريضة ولابسة فستان والله سيت مال نوم هذا مو فستان مخصر على جسمهه وخصرهه ومن جوة كلوش وكصير الدم صعد لراسي بس التقن عيونهه بعيوني نسيت كلشي جانت ذبلانة وعيونهه حمر الكانونة بيدهه ولازمة ايد مصطفى تحمدتلهه بالسلامة مجاوبت عفتهه على راحتهه هية اول وتالي الية مشينة صعدت وي محمد واني اخذت ابوية ورجعنة طبينة بالديوان وابوية حجة وي جدي وجدي وياه بست راسة وطلعت خابرتني دعاء او ناسيهه صار شكد ممحاجيهه لازم افض وياهه
حيدر : الو
دعاء : شلون حبيبي شو ماكو شكد دزيتلك رسايل متجاوب ادري كتلي لتخابرين بس ظل بالي عليك
حيدر : انتي وين
أنت تقرأ
🔷 للقدر رائي آخر 🔷
Romanceتحكي القصة عن ريتاج يتيمة الام و الاب التي تعيش في جو الدين المسيح بعيد عن دين الاب لكن القدر غير رائيه وعاد ريتاج الى نظام الاب و التقت بشريك حياته لتبدأ قصة حب بين ريتاج و ضابط حيدر ابن العم بعد عدد من الصعوبات و الحواجز
