🔷 للقدر رائي آخر 🔷

البارت الثالث

بارت 3
#للقدر_رائي_اخر

ليليان : شنو بكيفة ياخذج اني احاجي كافي ياعيني لتبجين
ريتاج : صعدت لغرفتي واني اصلا منا مخنوكة على بابا وماما مشتاقتلهم حيل صار هواي مزايرتهم وضليت ابجي ليل الساعة ب9:00 دخل علية خالو
جرجيس : كومي هاي شنو ليش تبجين
ريتاج : ديحجي وانداريت علية
جرجيس : عاط بية كال ولج هاي شمسوية بعيونج شوفي من البجي شصايرات كومي اشو كومي
ريتاج : وين اكوم
جرجيس : امشي غسلي وجهج
ريتاج :  كمت غسلت ورجعت
جرجيس : ليش تبجين
ريتاج : مشتاقة لبابا وماما صار هواي مزايريهم
جرجيس :  اني اخذج الجمعة
ريتاج :  كمت ابجي وحضنتة
جرجيس : ها نوب شكو
ريتاج :  اذا اجة محمد تقبل ارجع ويا؟
جرجيس : رفع راسي وكال ليش شكو متضايقة من شي
ريتاج : مو هوة اليوم .. قاطعني وكال
جرجيس :  اي ادري ومستحيل اخلي ياخذج
ريتاج : حضنتة وكتلة يسوع يحفظك  يا احلى خال بالدنيا
جرجيس : باسني وكال يلا كافي بجي عيونج الحلوات ميلوكلهم تبجين
ريتاج : وخرت وكتلة ها بدت اللواكة
جرجيس :  ركض وراية وكال ابد متصيرلج جارة
ريتاج : نزلت ركض ورحت ورة بيبي
جرجيس : ها جبانة بس تتختلين
ريتاج :  ننننننن تغار مني
ضحكو كلهم تعشينة وضلينة سهرانين على فلم هندي وحب وكرزات وببسي وجباسة ل2 وصعدو لان دوام
واني كلبت شوية بتلفوني ونمت
ثاني يوم الصبح كعدت على صوت خالتي وهية دكعدني
ليليان : كومي ماماتي كافي نوم
ريتاج : اوووو عوفيني نعسانة
ليليان : كومي عمامج هنا
ريتاج : كمزت من مكاني لا صدك
ليليان :  والرب هم هنا وجرجيس وامي جوة ووجوهم متبشر بخير
ريتاج : صخام بعيني لا ليلو حبابة ماريد اروح
ليليان :  دكومي ياامي كومي حبيبتي بدلي ملابسج ونزلي والرب يحلهه
ريتاج :  اوك كمت
لبست تراكسود رياضي بجامة  بوري وتيشيرت نص ردان ورفعت شعري ذيل حصان غسلت وجهي ونزلت ارجف اخاف ياخذوني وياهم اني متعودة هنا حياتي وذكرياتي وكلشي طبيت سلمت لكيتهم كلهم جايين عمو حسين وعمو علي وممحمد ومصطفى سلمت وبوستهم ورحت كعدت يم خالو
واجتي خالتي سلمت وكعدت عم السكوت وسمعت صوت عمو حسين
حسين : خوية اطيكياهه من الاخير احنة جاين ناخذ بت اخونة هاهية ربيتوهه ونشكركم ومنوافيكم حقكم بس تبقى راجعة النة ونريدهه يمنة
جرجيس : وشنو بهاي السهولة تكولهه بيوم وليلة ريتاج مو بس بت اختي لا هاي بنتي وقطعة من روحي مو بهالسهولة ياابو حيدر
حسين : ادري والله والنعم منكم بس اول ماجتي للدنيا خالتهه كالت تكبر واخذوهه وهاي كبرت وان مانحلت بالتفاهم ترانا شيوخ وانت اختار بالتفاهم لو  بالقانون بس مانريد تكبر دام النفس عليك طيبة
جرجيس : شنو ابو حيدر جاي تهددنني بيتي
حسين : والله ياخوية شتعتبره اعتبرة بت اخونة ونريدهه
ريتاج : اني بس دموعي تصب ضلو هواي يحجون والنقاش جان حيل حاد ولازكة بخالي ولازمة ايد خالتي اندار علية عمي وكال يلا بوية همي نفسج
جرجيس : ولو يا ابو حيدر على الاقل خليهه يومين واني اجيبهه هم تحضر غراضهه ونشبع منهه
حسين : لعد نترخص منكم
جرجيس : ها وين جهزنة الغدة
حسين : دايمين انشالله ماتقصرون بس هم يالله وكامو راحو
ريتاج : صعدت لغرفتي نار قفلتهه و كمت ابجي واعيط واصيح احس صوتي صار مبحوح من كد البجي والصياح
ليليان :  لك جرجيس كوم راح تموت نفسها
جرجيس : شبيدي عليهه ياخوية ماشفتي عمامهه شلون ماحترمو كوة لزمت نفسي واله اني اسمح لهذا يهددني اووف
ليليان :  صعدتلهه ريتاج حبيبتي خالة فدوة لعينج كومي لسوين هيج بنفسج
ريتاج : ماريدهم ماريد ذولة الهمج اعيش وياهم اكرهم
ليليان : دفتحي الباب ياعيني
ريتاج : مافتحهه عوفيني
ليليان : ياعيني غير عمامج ويخافون عليج ويردوج كدام عينهم
ريتاج : واني ماريدهم اكرهم اموت نفسي والرب
ليليان : لج اصحي على نفسج وصاحت على خالو جرجيس تعال اكسر الباب
جرجيس : شكو شبيج
ليليان :  اسمع تكول اموت نفسي
جرجيس :  باباتي شهالحجي ميصير هيج اشوف فتحي الباب
ريتاج : مافتحهه عوفني بحالي شلون تقبل ياخذوني انتة وعدتني
جرجيس : شبيدي ياخالو اذا مقبلت ياخذوج بالقانون وهذا حقهم
ريتاج : كافي روحو
كسر خالو الباب وحضني وضلينة نبجي هواي لحد مانمت  بحضنة ماحسيت الة دنيا الصبح باوعت ع المرايه عيوني مورمات حيل اوف هاي شصاير نزلت جوة لكيت بيبي وخالتي صبحت عليهم ورحت يم بيبي خليت راسي بحضنهه

وللحكاية بقية ...