🔷 للقدر رائي آخر 🔷

بارت الرابع -٤-

بارت 4

#للقدر_رائي_اخر

خليت راسي بحضنهه ونزلو دموعي ع الساكت هدتني واجة خالي طلعنة  علمود اغير جو كوة قنعني لبست تيشيرت نص ردان اسود وبنطرون كابوي والحجل مالتي وعندي كلادة ذهب خالو هدانياهه  بيهه بنية وعدهه جناحات مثل الملاك  وفتحت شعري وخالتي لبست نفسي لان اشتريناهم سوة وبيبي كالت اني اروح للجيران صديقتهه بكدهه وراحت  طلعنة اني وخالو وخالتي صدك تونست ولعبنة اني وخالة العاب وراهه ركبنة سيارات مداعمات اني وجرجيس وليليان وكلمن بسيارة كملنة وكال يلا نروح للمول رحنة واشتريت تراكسودات مال بيت نص ردان ونص برمودات ونص بجايم واشتريت دشاديش نوم وخالتي هم اخذت تراكسودات وتعشينة واكلنة ايس كريم وطلعنة كتلة اكول خالو اني من اروح وين اكعد
جرجيس : اي حجيت ليوم وي محمد كال خصصتلهه غرفة وليوم جبناهه اخشاب تركي
ريتاج :  ها همزين مو يم عمو حسين
ليليان : هههه ليش متحبي
ريتاج : مو ماحبه بس عدة ولد واكيد متدينين ماريد يمهم ع اقل عمو محمد بس هوة ومرتة ايناس كلش حبابة واحبهه ومصطفى بالبيت
جرجيس : اي احد يضايقيج او شي كليلي او خابريني
ليليان : لا همه حبابين عمامهه واني راح اشعلج شمعة لأمنا العذراء حتة تنور طريقج
ريتاج : اوف جان بنفسي اروح للكنيسة
جرجيس : يلا من تجين اخذكم
ريتاج : تمام ورجعنة وكبل نمت لان  تعبت كعدت على كيفي ب11 الصبح نزلت لكيتهم كاعدين
ريتاج : اين انتم ياقوم شو خانسين شعدكم
جرجيس : جنة ناخذ غيبتج
ريتاج : نننننن تغار مني
ليليان : ههههه يلا تعالي اكلي
ريتاج : اوك كمت اكل وبهالاثناء عمو محمد خابر على خالي وكالة جيبهه خالو كلة تتريك ونجي باوع علية وكال
جرجيس : شبيهم مستعجلين راح ناكلج
ريتاج : خالو بعدني ممحضرة غراضي
ليليان : اني كعدت من الصبح نضفت وطلعتلج كلشي ورحت جبت صدريتج اليم الخياط
ريتاج : هاا هواي صارو
ليليان : اي اربع جنط ذني الكبار
جرجيس : ادري عروسة خوما عروسة
ريتاج : ليسمعك يكول كنتورك فارغ
جرجيس : ههههههههه ديلا كومي ام لسان
ريتاج : تمام
صعدت فوك لكيت خالة مطلعتلي هدوم تيشيرت نص ردان ابيض ومخطط برصاصي كصير واصل لبطني ولبست ويا بنطرون اسود الكمر مالتة مرتفع وبي دكم من جهه وحدة اني شعري هوة سرح ف عفتة مفتوح وحطيت باودر ومسكارة وعدلت حواجبي وحطيت حمرة بيجي حيل حلوة ولبست كلادتي الذهب اسمي والحجل والكارتير وجنطة سودة وترانشوز ابيض  نزلت وخالو نزل غراضي بوستني خالتي وشبكتهه وطلعت فلوس
ريتاج : خالة شسوي بيهم عدي
ليليان : ميخالف كلبي ضميهم خاف تحتاجين واذا نقصتي كليلي واني اجيج للمدرسة
ريتاج : تمام بستهه وكامت تبجي وكوة خالي جرني منهه هية تبجي واني ابجي صعدت بالسيارة وصلنة ونزل خالو دك الباب هواي ظل يدك ماكو رجع صعد
ريتاج :ها شكو
جرجيس : مادري شو ادك محد ماكو راح اخابر عليهم

ريتاج : اوك خابر عليهم ومحمد كلة دقايق واني يمك وصدك 5 دقايق واجة سلم علية وكلة احنة كل جمعة نجمع يم اخوية الجبير
جرجيس : ها زين
نزلو غراضي المفتاح محمد جابة ويا ودعت خالو وكمت ابجي حيل
محمد : ها باباتي شنو السالفة بيت اهلج هذا
ريتاج : عمو متعودة عليهم روحي ذولة
محمد : يلا باباتي تتعودين غسلي وجهج حتة نروح
ريتاج : وين ؟
محمد :  لبيت عمج حسين         .. بنت لدعير ..
ريتاج : ها اوك غسلت وجهي وعدلت مكياجي لان جان بجنطتي طلعت فوني الساعة 12 ونص طلعت محمد كال
محمد : ها كملتي
ريتاج : اي
محمد : يلا
قفل الباب ورحنة على بيت عمو حسين مشي لان بنفس الشارع وكفنة كبال بيت جبير عبالك قصر مساحتة تعبر الدونم دك الباب وطلع ولد يطلع عمر نهاية العشرينات مرتب بس شكلة جان عصبي باوع علية من فوك ليجوة وكالت تفضلو
محمد : رتوجة تعاي سلمي على جدج اول شي
ريتاج :  اني امشي وارجف خوف ع ارتباك بحيث احد يكلي بز اكوم ابجي بيت جبير حيل وبصفة بمساحة غرفة بس كلش جبير يسمو ديوان محمد فات قبلي نزعت الحذاء وطبيت عمامي وجدو ولد هم كاعدين شافوني وضلو يباعون تبسمرت بمكاني عاد جدو صاح كال حدري بوية حدري مفتهمت قصدة بس مشيت حضني وباسني كال انتي الغالية من ريحة الغالي

وللحكاية بقية ...