انجبرت اعيش بين عيال (مكتملة)

البارت ١

طلع من بيته ولايدري وين يروح وكيف جاته هالبنت عند باب بيته وكيف بيتصرف معها وهو عنده ٣اخوان وبعدين بنت مين هذي وليش انا بالذات اوديها للملجا؟!
راح لاعز صديق له لانه يدري مارح يحصل اجابه الا عنده دق الباب بعد دقايق
فهد : من ؟!
سعود : انا سعود
فهد : هلااا ياهلا بسعود
سعود حط راسه على كتف فهد
فهد مستغرب من حاله صديقه : سعود تعال ادخل
سعود دخل وجلس جاب له فهد مويه كان الجو برا برد وبدايه الشتاء وماكانو بالسعوديه كانو بامريكا
فهد بعد ماسوا القهوه الحاره وحطها بالطاوله : شفيك سعود منت على طبيعتك
سعود : والله جاتني مصيبه ولا ادري كيف اتصرف وجيتك اسالك
فهد اهتم بخويه وانه صدق جايه يبي النصيحه : قول اسمعك
سعود : اليوم الصبح سمعت صوت الباب وطلعت حصلت بنت نايمه عند الباب و معاها ورقه اتمنى تهتمو فيها لاني ماقدرت اهتم فيها
فهد مستغرب ومنصدم : ماتعرفها ولا قد شفتها ؟!
سعود  حط راسه بين يدينه : لا هذا المشكله فكرت اوديها للملجا ؟! بس مدري قلت اشوف رايك
فهد يفكر ومو عارف شيقول : والله مدري شقول لك ياصديقي اقول لك حطها بالملجا بس اللي بيروح فيها الملجا وانت اخبر المكان تذكر لما كنا فيه وش صار لنا اجل كيف لو انه بنت كم عمرها صدق
سعود : مدري بس تقريبا ب ١٥ او ١٦
فهد : كبيره مو صغيره
سعود ياخذ نفس : اخخخ يافهد ماني عارف وش اسوي واحس اني ضايع
فهد : وش يقول لك قلبك ؟!
سعود : مدري اخليها بس وش موقفي من اخواني ؟!
فهد : قول لهم انها اختهم
سعود : ومن وين جات هالاخت
فهد : سعود ترا اخوانك كبار مو صغار ويفهمون
دق جوال سعود رد : ايششش يالله جايك
فهد يلحق سعود اللي راح يلبس : وش فيه
سعود يعدل جزمته : صحت وراشد يقول انها تصارخ تنادي امها
فهد تنهد : الله يعينك طمني اذا فضيت
سعود :انتبه لنفسك انت بعد
طلع متوجه للبيت يشوف وش المصيبه اللي ببيته