انجبرت اعيش بين عيال (مكتملة)

البارت ١٦

فهد : وين راشد ماشوفه
مازن : اي راشد تركناه عند ابوي يكلمه بموضوع جوري
فهد بستغراب : اي صددق كنت بسال سعود عنها
مازن : طيب انا بروح اخذ لي دش وابدل والبس شي دافي
فهد : طيب
سعود بعد ماطلع مازن لغرفته جاء عند فهد : سلام
فهد ببتسامه : هلا والله اشتقنا
سعود بادله الابتسامه : وانا اكثر
فهد : يالله قول لي وش صار بعد اخر مره تلاقينا
سعود : تقصد لما قلت لك على جوري
فهد : اي لما قلت لي على جوري
سعود : ماصار شي جلسنا عادي بالبيت بعده طلعو بيوم علشان يتمشون ومدري وش تكلمو فيه بس لما رجعو كان السوال هل جوري اختنا صدق او لا
فهد بندماج  : وبعدين
سعود : بعدها عاد شوفة عينك دعانا ابوي محمد قرر يجلس معها لان عندها جامعه
فهد : وبعدين
سعود : بعدين عاد صار هالسالفه وجاني ابوي قال ليش جالس عندي للحين روح لخوك وشفه
فهد بستغراب : ابووك قال كذا
ابتسم سعود : اي حتى انا كنت مستغرب مثلك
فهد باحراج : لا مو مستغرب بس كيف يعني
سعود : عادي عادي
فهد : طيب ووش صار
سعود : تركنا راشد عنده يكلمه بالموضوع عاد
نروح شوي للسعوديه
دق الباب
راشد : ادخل
صالح دخل كان راشد مو منتبه ويرتب دولابه : راشد
راشد ارتبك وبسرعه  تكلم : هلا يبه شفيك عسى مافيك شي
ضحك صالح : بشويش بشويش كنت بقول لك لاتقول لخوانك اي شي لاننا بنروح لهم باقي ساعتين وتوصل الطياره
راشد ابتسم : ابشر يبه
كان متردد يسال ابوه عن اللي بباله
صالح بدا يقرب منه وراشد كان سرحان ومو منتبه بعدها استوعب لما شاف ابوه قدامه
صالح بحنيه : لاتخاف بس انا وانت اللي بنروح
راشد ضم ابوه على طول استغرب صالح يعني اول مره يكون كذا مع اولاده بس يكفي السنين اللي ضيعها وهو يشوفهم يكبرون بعيد عنه مسح على شعر راشد
صالح : يالله حبيبي جهز نفسك واكل لك حاجه
راشد : ابشر يبه
طلع وسكر الباب وراه راشد شسويت انا بس هذا ابوي مو غريب اخخ ياسعود يارب اللي ببالي يتحقق
نرجع لنييويورك
سعود : بتجلس ولا بتروح
فهد سند ظهره على الكنب : وليش اروح ماوراي شي
سعود : اجل بروح ابدل واجي
فهد : لاتتاخر ترا ماني مستلم هواش من اختك بسببك انت والثاني اللي راح لغرفته من ساعه
سعود ضحك عليه : ابشر  ابشر اصلا انا خايف عليها منك
وكانه استوعب شي بكلامه
فهد بستغراب : شفيك
سعود بصدمه ومو مستوعب : خايف عليها
فهد ضحك : شفيك خايف عليها مني خويك ماتعرفني يعني مارح اسوي شي لانها اختي الصغيره
سعود بعدم وعي : خايف منه يسوي شي فيها
فهد انتبه لخويه وكيف صار راح بتجاهه ومو فاهم وش صاير له هزه : سعود مارح يصير شي كلنا معها
سعود استوعب وتنهد بتعب : طيب طيب بروح الحين اذا صحت نادني على طول
فهد وعينه مافرقت سعود وهو متوجه لغرفته : ابشر
جلس على الكنب وبدا يفكر شفيه سعود فجائه انقلب وبعدها بداء يقول خايف عليها ليكون خايف عليها استوعب وعدل جلسته خايف يكتشف زعيم العصابه عنها بس اذكر انه شاف بنت مره مع اخوها وتركها تنهد بارتياح مارح يجيها انا اعرفه صح انه خبيث وعليه غدرات بس مستحيل يسوي فيها شي لازم اقول لسعود علشان مايخاف على الفاضي
انتظرهم فجائه سمع صرخه من غرفة محمد راحو يركضون مازن كان يعدل البلوفر وسعود لابس بس شورت لانه بعد ماياخذ حمام يلبس شورت ويتعدل بعدين يلبس
فهد دخل الغرفه شافها طايحه بالارض وماسكه راسها تنهد براحه بدا يقرب منها تراجع على وراء من نظرتها له
سعود ومازن وصلو بنفس الوقت انتبهو لنظراتها اللي مش طبيعيه تجاه فهد بعدها رجعت ملامحها طبيعيه
جوري التفتت مو مصدقه : سعود مازن
سعود راح لها وضمها : اي انا جيت
جوري بغصه : محمد مدري مين سوا فيه كذا
سعود : لاتخافين خلاص بيصير بخير بس انتي اهدي
مازن حب يلطف الجو : وانا منتي مشتاقه لي
جوري بطفوله تمسح دموعها : اكثر شخص
سعود ناظره بغيره : افا وانا وين رحت
فهد تنهد : يعني اعقلكم تركتوه وجيتو بدونه
جوري التفتت لسعود : صدق وين راشد ماشوفه
سعود : هو مع ابوي عنده كم شغله بيخلصها ويلحقنا
مازن يتسلل وضمها بقوه : منتي ناويه تسلمين تحملي
جوري تضحك : بعد طيب خنقتني
بعد عنها : زعلان لاتكلميني
جوري قربت منه وهو اطول منها : انزل شوي
نزل بس مستغرب باست خده وبعدت خدينها حمرا
مازن فتح فمه : هااا
سعود: واوو وانا مالي
فهد : تعال فكنا انا ابوسك
سعود بقرف : لاتكفى
جوري التفتت على فهد ببتسامه : مدري كيف متحملهم
فهد غريبه هالبنت ومتناقضه شصاير فيها وبمزح : مثل ماتحملتك تحملتهم
انصدمت من كلامه
سعود : اقول اترك ~ وبالفرنسي ~ صغيرتي المدلله
جوري شافت الساعه : باقي ساعتين على الدوام
سعود قرب منها ومسح على شعرها : روحي ارتاحي لما يجي وقت الدوام اصحيك
جوري : تمام
اول ماراحت جلسو بدون كلام بعدها تكلم فهد
فهد : سعود اختك فيها شي ؟!
سعود بستغراب ويعرف ايش يقصد فهد : لا مافيها
فهد بتفكير : وانت ماعندكم دوام
سعود : باخذ اجازه انا ومازن
فهد : كويس والله ترتاحون شوي وتوك جاي من السفر
سعود : اي انت بعد مانمت صحيتك وخليتك كذا اذا تبي روح لغرفتك
فهد يمدد نفسه على الكنب : للحين موجوده غرفتي
سعود : ولبكرا
فهد : طيب مدام كذا
راح لغرفته ومازن يبادل سعود النظرات ويناظرون محمد تحرك شوي راح له سعود يمسح على شعره
سعود : محمد تسمعني
محمد بداء يفتح عيونه بس بدون وعي : سعود اتخيل انا
سعود : لاماتتخيل انا هنا
محمد استوعب اللي حوله وشاف سعود مقابله وماسك يده : سعوود شجاب
ماكمل كلامه وبداء يتالم
سعود مسك يده : لاتتحرك كثير علشان ماتتعور
محمد بالم وصوت واطي : ليش تجي بحل الموضوع
سعود ناظره بنظرات حزن : ترضى اخليك كذا
محمد : وانت يامازن لاتقولون راشد جاء بعد
مازن : لا ماجاء بس احنا راشد بيكلم ابوي بالموضوع ويجي بالاخبار
محمد رجع غمض عيونه وبنفس ثقيل : جوري وين وكيفها الحين
سعود مسح على شعره : لاتحاتي كل شي بخير بس انت ارتاح وجوري بخير بس راحت غرفتها ترتاح لانها سهرة عندك طول الليل
محمد : اي زين ماسويت
غمض عينه ودخل بنومه عميقه
بعد ساعتين
سعود يدق باب الغرفه فتحت الباب وهي جاهزه : صباح الخير
جوري باسته : صباح النور
سعود : يالله علشان نروح الجامعه
جوري : لا ماله داعي بس توصلني
سعود ابتسم وبراحه : يعني ماتبين نداوم معك
جوري : لا وبعدين يالله لاني ابي اروح لمحل العم مانويل قبل
سعود : اشوفك تعودتي عليه
جوري :اي مرره
سعود : طيب يالله بالبس والحقك
وهم طالعين
مازن : وانا وش اسوي
سعود : انتبه لمحمد على ما ارجع
مازن : لاتتاخر
سعود : ان شاء الله
طلعو للكوفي
جوري : صباح الخير عم مانويل
مانويل بابتسامه مشرقه بس استغرب من وجود سعود  : صباح الخير فتاتي الصغيره كيف حالك وانت ايها الفتى
سعود وجوري : بخير
مانويل : الم تكن مسافر لعده اسابيع
سعود : بلى ولكني اتيت لاعتني باخوتي
مانويل عقد حواجبه : هل حصل له شي
سعود : لقد اصيب ولقد اتيت فور سماعي بهذا الخبر
مانويل : اه يافتاي الصغير دائما مايقحم نفسه بهذه الاشياء
سعود : لاتقلق سوف يكون بخير
مانويل : اتمنى
اخذو كوب القهوه وصلها للجامعه دخلت للصف بداء اليوم الدراسي عادي مافيه اي شي باقي الفصل الاخير
طالبه : يقولون انهم استبدلو معلمنا
الطالب : احقا لقد سمعت انها شائعه
الطالبه : لا بل هناك من دخل عليهم
قاطعهم دخول الاستاذ: كيف حالكم ايها الطلبه
الكل بخير
جوري كانت سرحانه وناظرت للاستاذ وهمس لنفسها انا اعرف هذا الشخص ولكن اين رئيته
الاستاذ : انا الاستاذ البديل للاستاذ جاك واسمي زين اتمنى ان نكون صحبه لنتهاء الفصل
جوري كتمت شهقتها لما تذكرت وين شافته دايم يجي بالكوفي للعم مانويل