انجبرت اعيش بين عيال (مكتملة)

البارت ٢١

دق الباب سعود : ادخل
مازن : سعود
تفاجئ بانها موجوده كانت نايمه بنفس وضعيتها
سعود ابتسم : فيك شي
مازن  بصوت واطي : كنت ابي اكلمك بموضوع
سعود : تعال
مازن : بعدين
سعود بنظرات استغراب : وبعدين تعال قول
مازن : امم بكلمك عن جوري
سعود ناظرها وعقد حواجبه تقدم مازن جلس بالكرسي
سعود : تكلم حرقت اعصابي
مازن : بصراحه جوري
بدت تتحرك
سعود تنهد : اطلع وانا بلحقك
مازن وقف : بروح الحديقه
سعود : طيب
طلع مازن بعدها شوي من حضنه وقف وراح بتجاهها شالها ودخلها تحت الغطاء لحق مازن حصله يدخن عقد حواجبه مازن مايدخن الا اذا كان شي مررره مضايقه
سعود جلس بجنبه : شفيه الحلو
مازن ابتسم بتسليك : مافيه شي
طلع الدخان
سعود : مارح تتكلم ؟!
مازن : سعود جوري عندها
سعود : وش
مازن : شفت الحاله اللي تجيها وانا احاول اسولف معها
سعود : اي اعرفها ملاحظ انها كثرانه
مازن : اي هذي حالات لما اخذت كورس الطب كان فيه هالحاله بس انها مموهه يعني مو مره مركزين عليها علشان كذا انا بقول لك وانت اذا صار شي تصرف لو صارت لها اني مره ابيك تحاول تسولف معها عن اشياء راحت يعني تاثر فيها هالفتره استغل ان محمد مجروح يعني قول لها محمد يبغاك تسوين شي او محمد يبغى تجيبين له العلاج
سعود مو فاهم شي : مافهمت ولا شي للحين الحين هي فيها شي صح ؟!
مازن : بالضبط
سعود : وهالشي للحين انت ماتعرفه
مازن : ايييوه
سعود : وبعد الحين انت جالس تبحث عنه
مازن : اي
سعود تنهد : ليش يصير معها كذا وش تتوقع صاير لها
مازن : هو بالابحاث انه صاير لها صدمه نفسيه قويه
سعود شهق : صدمه نفسيه كيف ومتى
مازن : واضح الحاله هذي من زمان كانت معها مو تو وفيه اشياءتخليها توصل للحاله ذي
سعود : طيب بس استعجل ببحوثك
مازن : ان شاء الله
سعود التفت متوجه للفيلا الخاصه فيهم : مارح تنام
مازن : مو الحين شوي
سعود: لاتطول تعرف ابوي هنا وبكرا بنروح الشركه كلنا
مازن : طيب 
راح لغرفته تذكر انها موجوده خاف يصحيها وتصحى تركها وجاب وسادات كثيره بينه وبينها تغطى ودخل بنومه عميقه عند مازن ظل يشتغل على الابحاث بالحديقه فاجئه الكوب اللي انمد له رفع راسه وابتسم
محمد : قال لك لاتستىهر بس انت تحب تعاند
مازن يناظر بالاب : سمعتنا
محمد : اي سمعتك
مازن : لاتقول شي لابوي ولا لراشد السر هذا بيننا احنا الثلاثه
محمد : اكيد
مازن : وانت غريبه مو نايم
محمد : وين انام ذبحني التفكير
مازن : تفكير
محمد : اي تفكير 
مازن : تفكيير في ايش ؟!
محمد : افكر في هذاك اللي شفته اليوم
مازن : اللي سالتك عنه حتى انا احس اني شايفه
محمد  بجديه : بسسس وين
مازن : لاتتعب نفسك بتشوفه كثير عند عم مانويل
محمد : صح جوري تعرفه
مازن ناظره بستغراب : كيف تعرفه ؟!
محمد : مدري والله بس اذكر انه قال لها انه شايفها بالكليه
مازن : اها يمكن والله واحنا شفناه بالدوام
محمد : هذا اقوله يمكن
مازن : يالله طيب خل ننام علشان نصحى الصبح
محمد : يالله
كل واحد راح غرفته الكل نام الساعه ٥ صحى على ثقل بصدره فتح عينه بس الرؤيه عنده ضبابيه تذكر انها نايمه عنده كان راسها على صدره ابتسم وبدا يصحيها
سعود يحرك شعرها وبصوت خفيف : جوري جوري جوري اصحي يالله وقت الدوام
فتحت عيونها بعدها جلست تستوعب المكان : انا نمت هنا ؟!
سعود ضحك بخفيف : اي من التعب نمتي هنا
جوري وجهها احمر  تكلمت بسرعه : اسفه اسفه اسفه
سعود : مرتاحه
جوري ابتسمت : الحمدلله
قامت من على السرير متوجهه لغرفتها انتبهت لراشد طالع من غرفته ابتمست له : صباح الخير
راشد بادلها الابتسامه وبتساؤل :صباح النور صحى سعود
جوري : اي صحى
دخلت غرفتها بعد نص ساعه كان الكل جالس على الطاوله ياكلون
صالح : متى ينتهي دوامك جوري
جوري : ينتهي ٢او ١
صالح : كويس محمد يجي ياخذك اجل ويجيبك الشركه شرايك
جوري :ايييي عادي
محمد : خلاص يبه بس تجي ١او ٢ او اذا خلصت تتصل فيني واروح اخذها
سعود : اجل انا بوصلك
جوري حركة راسها بالايجاب
طلعو كل شخص على دوامه
وصلت للجامعه باست سعود صارت عاده لها كل يوم 
سعود : اذا احتجتي شي اتصلي
جوري : تمام
اول ماشافته راح وقفت تكسي ركبت بهالوقت كان توه واصل انتبه لها سيارته مظلله قرر يلحقها وصلت لمستشفى كبير دخلت توجهة للاستقبال
الممرضه : بماذا اساعدك يا انسه
جوري : هل بامكاني ان ارى الطبيب هاري
الممرضه : تفضلي انستي بالانتظار سوف اخذ منه اذن بانك سوف تاتين اليه
جوري : حسنا
كان واقف وراء الجدار وسمع كلامها ليه تصرفت كذا ووش كانت تبغى بعد ساعه
الممرضه بحرج : انا اعتذر انستي هل بامكانك التفضل معي
جوري ببتسامه تسحر : لاباس
وصلت للغرفه خذت نفس دقت الباب
هاري : تفضل
كان شخص ب٥٠ من عمره بس وسيم ومحافظ على لياقته مره
جوري : كيف حالك يادكتور
هاري عقد حواجبه كانه يتذكر الوجه وين شايفه بعدها ابتسم : جوري اليس كذالك
جوري : بلى مازلت وسيما سيدي
هاري : تفضلي ومن فضلك هاري يكفي
جوري : حسنا هاري
هاري : اذا مالذي اتى بك الى هنا بعد مرور ٥سنوات
جوري : انا اعتذر اذا اخذت وقتا طويلا
نروح منهم ونرجع للشركه
صالح : الامور تمام بالشركه ومافيها اي اشكاليه سعود
سعود التفتت لابوه بعد ماكان يفكر يروح لجوري : هلا يبه
صالح : رح لجوري بالجامعه
سعود ببتسامه شاقها : شكرا يبه تو كنت بقول لك
صالح : يالله لاتتاخر عليها وطمني
سعود : ابشر
طلع توجه للحامعه راح على الصف اللي مفروض تكون فيه بعد دقايق انتهى الكلاس
سعود مسك احد الطلاب : الم تاتي جوري ؟!
الطالب : لا ولم تحضر الفصل الاول
سعود خاف وعقد حواجبه : الم تحضر هل انت متاكد
الطالب : نعم متاكد
سعود بقلق : شكرا لك
طلع الطالب بعد دقايق شافها تمشي بالممر توجه لها ببتسامه
سعود : جوري
ارتبكت مره بس حاولت ترجع لطبيعتها وبقلق : سعود متى جيت
سعود : توني جيت سالت واحد من الطلاب عنك قال انك ماحضرتي الفصل الاول
جوري بترقيع وبدت تمسك شعرها : اي كان عندي مشروع واشتغل عليه
سعود عرف انها تكذب : متاكده مافي شي لازم اعرفه
جوري : اي مافي شي
سعود : طيب
وصلو للصف بدت المحاضره عادي وبعدها المحاضره الثانيه لما انتهى الدوام طلعو للبيت كل واحد راح لغرفته بعد دقايق صالح : انا بطلع احد بيطلع
مازن وراشد : انا
محمد : وانا لاني اختنقت
سعود : انا مارح اطلع
جوري بعدم اهتمام : وانا بعد بنام شوي علشان دوامي العصر
صالح : يالله ياعيال
وراح بتجاه جوري باس راسها : نوم الهنا حبيبتي
طلعو بقو هم الاثنين
جوري : مارح تنام
سعود : لا بجلس
جوري : تمام نا بروح
سمعت صوت جوالها راحت تركض سمعت الاتصال وهو يناظرها بعدها استعجلت بالمكالمه وسكرت راحت غرفتها فتحت الاب بعد مده قرر يروح غرفته شاف النور شغال وهي على الاب دخل وسكرت الاب وبرتباك
جوري : اوه انت هنا
سعود بستغراب وصدمه من تصرفاتها : اي هنا اجل وين بكون
جوري : مدري يالله عاد تقفل النور بنام
سعود : جوري انتي فيك شي
جوري ببتسامه متصنعه : لا ايش بيكون فيه

وش رح يصير بعد ما تصحى جوري
ابوها واخوانها وين راحو
من اللي كان يروح وراها بالمستشفى
ايش اللي صار بالمستشفى
كل هذا بالبارت الجاي ابغى اشوف تعليقاتكم 🥺💔لاتحرموني منها