انجبرت اعيش بين عيال (مكتملة)

البارت ١٢

ركبو وتوجهو للبيت  دخلو
محمد : بدلي بسوي لك الغداء
جوري : ليش اليوم طلعت بدري
محمد بستغراب : شتقصدين
جوري : اللي ببالك
محمد : لا لاني خلصت شغلي بدري وقلت امرك
جوري : امم طيب
توجهة لغرفتها رمت نفسها على السرير وماحست بنفسها الا وهي نايمه
محمد كان يسوي الغداء استغرب تاخرها غريبه مو عوايدها توجه لها يشوف وش فيها شافها نايمه وللحين الجزمه واللبس عليها والجكيت تنهد : خلصت من الاطفال ال ٣ تجيني طفله
قرب منها بخفه نزل الجزمه بخفه علشان ماتصحى شال الجكيت وسندها تحركت بنزعاج غطاها وسكر النور وطلع رتب الغداء بصحن وغطاه علشان يسخنونه اذا صحو توجه لغرفته  دخل الحمام نزل التيشيرت والبنطلو جلس بالبوكسر بس شغل الدش بالبانيو تركه يتعبى رجع للغرفه طلع له بجامه قطن عباره عن سروال طويل وفنيله باكمام طوال وبوسكر وفنيله رجع للحمام دخل للدش جلس باسترخاء بعد دقايق سمع جواله تافف وقام شاف المتصل سعود 
نروح للسعوديه قبل مايتصل على محمد كان بغرفته على المكتب انتظر شوي يفكر بتردد يتصل او لا وبالاخير اتصل رنه رنتين ثلاث لما جاه الجواب من الجهة الثانيه
محمد عقد حواجبه : هلا
سعود : لاتقول اني خربت عليك شي
محمد : اي والله حمامي خربته
سعود : كلمني وانت بالدش طيب ابي اسولف معك
محمد حس ان سعود فيه شي : طيب قول وش في خاطرك
سعود بتفكير : اخبارها
محمد : بخير
سعود : تفاصيل يومك لو سمحت
محمد ضحك بخفه : سعود انت تسمع وش تقول
سعود بتنهد : محمد والله هذا وهو اول يوم تعبت ابي ارجع عندكم
محمد حاس في اخوه لان عيشتهم مع ابوهم ماياخذون راحتهم بس سعود بزياده هالمره من اول يوم يصير له كذا : سعود تبي ترجع هنا ؟!
سعود : ياليت والله باسرع وقت
محمد : طيب ان شاء الله خير
سعود وش يخطط عليه : اقول محمد ماقلت لي تفاصيل يومكم
محمد : صح تصدق ان جوري طلعت تعرف فرنسي واللي معلمها سام
سعود بستغراب : سام
محمد : اي سام كان صديق جوري اووف دقيقه بعيد لك بدايه يومنا
بدا يحكي له وسعود مره يتعجب ومره ينصدم
سعود : واوو من كان يتوقع ان سام هو نفس الشخص اللي كان مع جوري
بعد تفكير محمد : بس ليش كانت بميتم
سعود جاته نفس فكره محمد : صدق هذا اللي ماحصلت له اجابه وبحصلها وبرد لك خبر
محمد بتردد : سعود ابي اطلب منك طلب
سعود بستغراب : وش ؟!
محمد اقول له ولا : والله ياخوي اخاف اقول لك وترفض
سعود اول مره يطلبني محمد اكيد الامر فيه شي : شفيك قول خوفتني تبي فلوس محتاج شي
محمد : لا والله الفلوس معي تعرف راتبي مااصرفه الا اذا طلعت معكم لا الطلب ثاني غير
سعود  كان جالس بعشوائيه جلس وسند نفسه على المكتب : قول شفيك
محمد : جوري
سعود بخوف : شفيها صار لها شي
محمد : لا
سعود : محمد تكلم لعبة بعصابي
محمد : بصراحه جوري تبي تشتغل مع مانويل
سعود : تبي تشتغل وليش ؟!
محمد : اليوم لما رحنا له شافته انه يشتغل لحاله وقررت بدل ماتبقى بالبيت طول اليوم بدون شي تروح تداوم وطلبت مني اني لو ما ابي اتركها اداوم معها وانا قلت لها بقول لسعود
سعود : اي اهم شي اهتم فيها ولايصير فيها شي
محمد : ابشر
سعود : الا هي وينها !!
محمد : نايمه
سعود تذكر شي : النور شغال ؟!
محمد يتذكر وطلع من البانيوم وطاح بالارض من المويه سعود على الخط ضحك : بشويش بتتكسر
محمد : ولا كلمه سكر بكلمك بعدين معها كله بسببك
سعود : روح روح اخلص
محمد لبس الروب ما انتظر يلبس البجامه وراح يركض لغرفتها فتح النور الخفيف تنهد براحه شكله يومها كان مرهق لها رجع غرفته بدل لبس وغط بنوم عميق الساعه ٥ صحى راح يشوفها حصلها بالصاله تجهز الاكل
جوري انتبهت له : صح النوم
محمد : صح بدنك وصح النوم لك
جوري : شكرا
محمد ابتسم لها : العفو يالله ببدل واجيك وانتي بدلي علشان ناكل ونطلع
جوري بستغراب : وين
محمد : مو تقولين تبين تساعدين مانويل بالكوفي
جوري بصدمه مع فرح : جددد
ركضت له ضمته بقوه بس هو كان اطول منها وراسها عند صدره بادلها الضمه وبعدت عنه : انزل شوي
نزل راسه وباس خدها قبل تبوسه
انحرجت وراحت تبدل لبست بنطلون جنز ومعاه بلوڤر اسود بكتابات بيضاء ورفعت شعرها بطريقه فوضويه حطت روج احمر مع انه مايحتاج لها لان شفايفها ورديه
نزلت كلو وطلعو للكوفي
مانويل بدون مايلتفت : اهلن بكم تفضلو سوف اتي لاخذ طلبكم
جوري ببتسامه : هذه انا ياعم
مانويل التفت وبفرح فتح يدينه : اهلن بك ياصغيرتي
جوري راحت له ضمته : هل تسمح لابنتك ان تساعدك
مانويل عقد حواجبه وناظر محمد اما محمد رفع كتوفه بمعنى مالي شغل : لماذا ياصغيرتي
جوري بتصنع علشان تقنعه : لقد مللت من الجلوس بالبيت فا اتيت لاساعدك
مانويل : هل يعلم سعود
جوري : نعم وهو من سمح لي
مانويل : اذا لن اقول اي شي
لبست المريله اما محمد جلس بوحده من الطاولات

ايش رح يصير مع سعود وابوه
محمد وش رح يسوي علشان يقنع ابوه اخوانه يرجعون
الاب هل رح يعرف بجوري
سام كيف رح تتطور علاقته بجوري