انجبرت اعيش بين عيال (مكتملة)

البارت ١٤

دخل وهو كان يلهث التفت مانويل له وكل اللي كانو موجودين يناظرون فيه
مانويل ركض له وشاف الجروح اللي بوجهه : ماذا حدث
ماتكلم وملامحه البارده هي نفسها وهدوئه نظراته الحاده كان وجهه فيه كم شرح يده جرح بسكين
مانويل : حسنا بني خذ اختك واذهبو للبيت واتمنى ان تاتي غدا لاطمئن عليك
هز راسه بالايجاب التفت حصلها نايمه على الطاوله مشى بتجاهها سندها على يده وحط يد تحت رجولها ويد على ظهرها وكل الانظار له مستغربين زين عرف ان هذا اخوها وماتكلم
حطها بالسياره ركب توجه للبيت حطها بالغرفه راح للمطبخ بداء يعالج الجروح اللي بوجهه دق جواله
حاول يبين صوته ان مافيه شي : الو
سعود بصوته المعتاد : هلا اخبارك
محمد استند على الطاوله وجلس بالكرسي : بخير
سعود بضيقه : صدق ؟!
محمد مايدري ليه بس تكلم : لا والله مو بخير
سعود كانه حاس : وش صاير انا حسيت ان فيك شي قول وش صاير
محمد : لاتحاتي بس صاير لي كم شغله والحمدلله انتهت
سعود : محمد قول وش صاير
محمد : تذكر رئيس العصابات ذاك
سعود عقد حواجبه وحس بضيقه اكثر : شفيه
محمد مايبي يزيد على اخوه : مافي شي بس اني شفته وتذكرت
سعود بعدم تصديق : طيب وجوري وين
محمد : نايمه
سعود : طيب يالله بتركك الحين
سكر منه محمد وتوجه لغرفته حاول يقاوم النوم بس ماقدر
نرجع للسعوديه شوي بعد ماسكر من محمد توجه لغرفة مازن دق الباب
مازن : ادخل
سعود فتح الباب : مازن تعال غرفة راشد بسرعه
مازن قام ورتب السرير ولحق اخوه سعود دق الباب
راشد : ادخل
دخل ودخل وراه مازن
راشد بستغراب : وش فيكم !!
سعود تنهد : محمد
راشد ومازن بخوف : شفيه
سعود : تذكرون سالفه اللي شفناه ميت ومسكنا رئيس عصابه
راشد : اي اذكر
سعود : هو نفسه رجع يضايق محمد واتوقع انه سوا له شي ومو راضي يتكلم علشان مانخاف زياده عن اللزوم
مازن بعصبيه : كيف مايبينا نعرف دايم محمد كذا ليه
راشد بهدوئه : لانه معاني اشياء كثيره ومايبغى احد يجربها
مازن : بس مايسوي كذا عاد يتعرض لكل شي واحنا ماندري
سعود بعد تفكير : انا لازم ارجع
راشد بسرعه : كيف وابوي
سعود : ابوي صح انه هو الكل بالكل بس ماعمره اهتم في واحد فيكم ماتقول لي متى اخر مره جاك وزارك
مازن : بصراحه يا سعود انت ابونا
قاطعهم صوت ماكانو متوقعينه وارتبكو: وبعدين
وقفو كلهم سعود : اسف يبه
صالح : تتاسف هاه انا كم من مره قلت لك لاتترك اخوانك ولا تجي بدون واحد منهم ادري اني مقصر معكم بس الحسنه اللي سويتها بحياتي مافرقتكم ابد وانتو اخوان
الكل مو فاهم شي
صالح بصرخه : ليه واقفين عندي للحين روحو لاخوكم
رفعو راسهم وناظرو ابوهم بعدم تصديق
صالح : انا دايم كنت اناديكم للعمل او لصفقات بس بصراحه ماكنت ابيكم علشانها علشان اشوفكم تكبرون عندي واشوف اهتمامكم ببعض وحبكم لبعض صح اني مره مقصر معاكم وماربيتكم وكنت قاسي عليك ياسعود بس مهما صار انتو عيالي وانا ابوكم
راشد : الله يخليك لنا يارب
سعود : يبه استئذن شوي وارجع
صالح : خذ راحتك
طلع واول ماخطر على باله فهد اتصل عليه
سعود بتوتر للحين سالفه اخوه شاغله باله : الو
فهد بصوت فيه نوم : هلا
سعود : صحيتك
فهد يمسح على عيونه ويشوف الساعه ٦ المغرب : شفيك انت شفي صوتك كذا
سعود : فهد طلبتك ابيك تروح البيت انا ٨ ساعات على ما اوصل
فهد عقد حواجبه : ليه وينك انت
سعود : بالسعوديه
فهد بشهقه : متى رحت وليش ماقلت لي
سعود : فهد مو وقتك الحين اذا جيت بقول لك على كل شي بس تكفى رح للبيت شيك على اختي ومحمد
فهد بتنهيده : طيب
سكر منه دخل الحمام سعود هالايام شاغلينه اخوانه واكيد انه نسى يقول لي مع انه مو عوايده يرجع بدون مايقولي واخته كيف طلعت ذي البنت اخته اخذ نفس وسكر المويه لبس بدله بنطلون اسود وجاكيت سماوي وتيشيرت ابيض وكاب ركب الفيراري حقته وتوجه لبيت صديقه يشوف وش صاير
عند سعود : ياعيال لازم احد يجلس علشان يسال ابوي ويكلمه بموضوع جوري
راشد : انا
مازن بنظره شك : ليه انت
سعود : على الاقل اعقل منك
شهق مازن : طيب طيب انت وياه
سعود : مازن والله مو وقت حركاتك يالله جهز اغراضك علشان نرجع انا قلت لفهد يروح له على ماوصل
كل واحد راح لغرفته
نرجع لبيتهم اللي بنيويورك جوري صحت دارت بالبيت سمعت صوت الجرس استغربت من اللي بيجي هالوقت
فتحت الباب انصدم من الملاك اللي قدامه صح شكلها معفوس بس ملاك بصوره انسان انتبه على نفسه
فهد : اهلين انا فهد صديق سعود
جوري بستغراب : ياهلا سعود مو هنا
فهد : اي عارف بس قال لي اجي اشوف محمد يقول تعبان
ناظرت فيه فتره  وبعدها تركته وراحت ركض لغرفة محمد دخلت النور طافي نورت الغرفه وقربت منه مليان عرق وبوجهه جروح بدت تقرب منه وحطت يدها على وجهه دموعها تجمعت بعيونها مو مصدقه
جوري : محمد محمد
جاء من وراها مسك يدها : بعدي خليني اشوفه
جوري ناظرته وبنظرات شر : لاتقرب منه
فهد انصدم شفيها : بشوف وش صاير له
جوري دموعها بدت تنزل : لا لا اخاف يروح ويتركني
فهد : مارح يروح خليني اشوفه قبل يفوت الوقت
بعدت بشويش ووقفت بعيد تشوفه
بعد الغطاء عن محمد شاف جسمه معرق ويتنفس بصعوبه رفع الفنيله شاف طلقه مسدس انصدم وسكر التيشيرت
فهد بجديه : فيه اسعافات اوليه وسكين
جوري عقد حواجبها : سكين
فهد : اي
جوري راحت تركض تدري الوقت بيروح ويروح اخوها منها فتحت المطبخ حصلت العلبه وسكين بالدولاب رجعت للغرفه عطته فهد
فهد نزل الجكيت : ساعديني وامسكيه عندكم ولاعه
جوري فتحت الدرج طلعت ولاعه منه
مسك الولاعه وحط السكينه فوقه : ارفعي التيشيرت
رفعته وانصدمت بالجرح اللي بجنبه بعد يدها عن التيشيرت : اسمعي امسكي كتوفه عدل علشان مايتحرك لانه بتالمه
جوري هزت راسها ومسكته حمى السكينه وحطها مكان الجرح يبي يطلع الرصاصه صرخ محمد بلا وعيه جوري خافت فهد بجديه وحده : امسكيه عدل
اخيرا طلع الرصاصه حط معقم والعلاج وبداء يضمده تنهد بعد ماخلص : روحي جيبي صحن فيه مويه بارده ومنشفه لان حرارته لازم تنخفض
راحت وجابت نفس اللي طلبه جوري بتردد وخوف: عادي انا اللي اجلس عنده وعادي لو ماتقول لسعود
استغرب فهد : ليش ماقول له
جوري : مابيه يخاف ومحمد بيكون بخير ان شاء الله واذا بوديه المستشفى لان سعود اذا عرف بسترك ابوه ويجي هنا
فهد ياربي ياسعود اختك بتجنني : طيب
طلع من عندها واتصل بسعود
سعود : هلا فهد شصار معك
فهد للحين يفكر ب اخت سعود واستوعب ان سعود يكلمه : هلا سعود اي طلع متصاوب برصاصه
سعود شهق : وش سويت
فهد : خويك طبيب تعلمني شغلي طلعتها له وضمدته بس اسمع
سعود : الحمدلله يارب الحين يعني هو بخير
فهد : اي بس فيه حراره تركت اختك عنده
سعود: طيب وش كنت تبي تقول
فهد : اختك قالت لي لاتقول لسعود على اللي صار علشان مايجي ويترك ابوه ويترك شغله
سعود : لاتقول شي انت طيب انا اذا جيت كلمتها المهم ماتتركهم
فهد : طيب انتبه لنفسك
سعود : وانت بعد

كيف رح يكون لقائهم
ومن يكون رئيس العصابات
صالح وش ردت فعله لما يعرف عن جوري وايش رح يكون جوابه