انجبرت اعيش بين عيال (مكتملة)

البارت ١٨

راحت غرفتها وش يصير لي من ذاك اليوم وانا تجيني هالحاله ياربي لازم اروح للمستشفى اللي كنت فيه بكرا
الحين لازم ارتاح علشان اروح للدوام العصر
بغرفة محمد
صالح جلس وحط يده على خده : الحين تقولون لي وش سالفه هذا الشخص معكم
مازن كان بيتكلم
صالح ناظر محمد : انت تكلم
محمد مايحب يتكلم ومابغى اتكلم معه ناظر سعود
سعود انتبه لاخوه : يبه عادي اتكلم بداله
صالح : تكلم يالله
سعود : يبه هذا شخص كان مع محمد بالشركه وهو طلع مع عصابه وصار فيه شبه يعني فيك تقول سوا فهم وصارو يترصدون لمحمد وبفتره كنا نروح للكوفي اللي عند الجامعه وبيوم طلعنا حصلنا ١٠ منهم واستقوو علينا واصبنا كلنا تذكر قبل ٣ سنوات لما جيتنا وشفت راشد بسرير وقلت لك انه طاح بالدرج لا كنت اكذب يبه واتمنى تسامحني لانا ماحبينا ندخلك بسوالفنا
صالح : طيب ووش صاير معه الحين
وهو يناظر محمد
محمد : يبه هالموضوع خلص
صالح بقله صبر وبحده : كيف خلص والحين انت متصاوب وبفراشك
محمد سكت يعرف ان كلام ابوه صح بس مايبغى ابوه يتدخل بسوالفه : يبه خلاص وعد مني اكون منتبه
سعود : يبه ماودك ترتاح بعد السفر علشان نجلس سوا مع بعض
صالح : الا بروح لغرفتي بس يا محمد مانتهى نقاشنا
مازن : يبه شرايك
التفت صالح : وش عندك
مازن : نطلع نتعشاء الليل كلنا
صالح بتفكير : فكره حلوه خلاص نشوف وش يصير الليل راشد مارح ترتاح
راشد : الا يبه بروح
صالح : سعود اذا ماصحيت صحني ٦
سعود : ابشر يبه
توجه لغرفته والباقي مثله سعود جلس عند محمد اما محمد كان بقلبه كلام كثير واذا حط عينه بعين سعود يغير اتجاه نظرته لان سعود اكثر شخص يفهمه مع انه مايتكلم معه كثير سعود جلس بالسرير قريب من محمد
سعود بهدوء وصوت واطي : محمد
محمد ناظر السقف : همم
سعود مسك يده : ناظرني
محمد حط عينه بعين سعود وفيه غصه بس يحاول يكابر
سعود : منت مجبور تمابر وتكتم كل هذا
محمد شد على يد سعود : مابي يصير لكم شي بسببي كفايه اخوياي تركوني بسبب كلام اخاف انتو تتركوني
سعود : اششش اشش لاتقول كذا انت اخوي ولدي جزء من حياتي يومي انا بدونكم والله ولاشي من لي غيركم والله من سمعت صوتك حسبت ان فيك شي لاعاد تكابر تكفى والله هالشي يوجع وانا اعرف هالشعور
محمد بدت دموعه تنزل قام سعود وقرب منه ضمه بدا محمد يبكي بصمت بعدها بداء صوت البكاء يطلع كانه طفل
سعود بحنيه يمسح على ظهره : كل ذا كاتمه حرام عليك
بعد فتره هدء محمد بعد عن سعود وعيونه حمرا
سعود : ارتاح الحين علشان نطلع الليل كلنا
محمد هز راسه بالايجاب طلع سعود وقفل النور راح لغرفة راشد حصله نايم ومتغطي بس النور شغال قفله وسكر الباب راح لغرفة جوري الباب مقفل اكيد صاحيه لانها تترك الباب مفتوح النور شغال بخفيف ونايمه بشورت وبدي علاق ناعم ورديه كانت نايمه بالكنبه اللي بغرفتها واضح انها كانت جالسه ونامت بدون ماتحس
راح لها وشالها ناعمه طاح شعرها من جنب ظل يتاملها وقت تشبه امه يعني جوري اخته من امه وابوه مررره مبسوط طلع بعد ماغطاها شاف نور شغال بغرفة مازن راح لها حصله جالس على اللاب واضح انه مركز ومندمج يدور على شي استغرب دق الباب مازن التفت للباب
مازن : ادخل
سعود : مانمت فيك شي ؟!
مازن ببتسامه : لا بس كنت ابحث عن شي
سعود : وش ؟!
مازن : اشياء عاديه لاتحاتي
سعود : طيب لاتتاخر ونام شوي انت بعد
مازن : مافيني نوم والله نمت لما رحت مع جوري ماتدكر ولا صحيت الا الظهر  روح نام انت
طلع لما وصل للباب
مازن : سعود
سعود التفت : هلا
مازن برتباك : لا خلاص بعدين
سعود : فيك شي
مازن : لا لا بعدين بكلمك
سعود : طيب صحني علشان اروح انا وجوري لدوامها
مازن : ابشر
راح لغرفته بكذا الكل نام لما ٤ دخل لغرفه سعود
مازن : سعود اصحى
سعود يتحرك : همم
مازن : سعود يالله
سعود : يالله بصحى خلاص اطلع
مازن بعصبيه : كم مره قايل لك لاتنام بالشورت وانت متروش
سعود انتبه انه لابس الشورت بس : نسيت والله
مازن : طيب اخلص علي قوم بروح اصحي جوري
سعود : طيب
مازن لما وصل للباب شاف سعود رجع ينام صرخ : سعود وبعدين
سعود فز وطاح بالارض  وبالم : شفيك انت ماتحس
مازن : لا والله ميت الاحساس عندي قوم اخلص خل اروح اصحي جوري
سعود ناظره فتره وقف : بروح انا لاتروح
مازن : شمعنى
سعود بمزح : اخاف يصير شي هاه ولا هاه
مازن شهق : اختي ذي ياحيوان
سعود : بعد يالله
مازن يناظره من فوق لتحت : اجل يمكن اسوي لها شي وانت وش تسمي روحتك بهاللبس
سعود ناظر نفسه واخذ التيشيرت اللي بالكنب لبسه وطلع وصل لغرفه جوري دق الباب ماردت فتح الباب النور شغال وهي مو بفراشها سمع صوت الحمام طلعت لافه نفسها بالمنشفه وشعرها طايح طلع على طول بدون ماتنتبه ودق الباب كانه تو بيدخل
جوري : من ؟!
سعود : انا
جوري : سعود شوي بس بالبس
سعود : طيب انا بعد بروح البس وبنتظرك تحت
جوري : طيب
راح غرفته وتروش لبس بنطلون بني وبلوزه بيضاء رقبه وجكيت بني وعدل شعره حط عطر طلع من غرفته شافها واقفه بع  ماسكرت باب الغرفه تعدل الحزام كانت لابسه بنطلون ابيض وبلوزه بنفسجي ومعاها جكيت ابيض وحزام لونه ابيض على البنطلون لانه كان وسيع وشنطة الظهر حقتها شعرها كان مفكوك وطايح من الجنب
سعود صفر : واووو وش هالجمال
جوري دارت : حلو ؟!
سعود : تاخذين العقل
انحرجت وصار وجهها احمر
مازن بتصفيق : واووو غزليات وحركات
سعود : الله يعطيني الصبر عليك امشي امشي واتركيه اقول ولد
مازن مالتفت ولا رد
سعود بحده  : مازن
مازن : نعم
سعود : ليه ماترد
مازن : اقول ياولد وتبغاني ارد
سعود : طيب حقك علي اسمع اذا مارجعت قبل ٦ صح ابوي
مازن : ان شاء الله
راحو للكوفي
مانويل : اهلا بصغيرتي
جوري : اهلا بك
مانويل : تبدين مشرقه كثير
جوري : لقد اتى ابي
مانويل عقد حواجبه وبتفكير : صالح ؟!
سعود ابتسم يعرف ردت الفعل وان مانويل كان صديق ابوهم : نعم يا عم لقد اتى وسوف ياتي لزيارتك
مانويل ابتسم : اهلن به
جوري : هيا دعنا نبدا العمل لكي لا نتاخر