انجبرت اعيش بين عيال (مكتملة)

البارت ٢

اهلين كيفكم اتمنى بها الروايه والروايات الثانيه اشوف تفاعل 😭💔لان لما اشوف منكم تفاعل اتحمس زياده واكتب بارتات كثيرررر

دخل للبيت شاف الكل واقف عند باب المطبخ وواضح متوترين و
مازن بخوف : هاتي السكين هاتيها
سعود اول ماسمع سكين راح يركض : مجنونه انتي
كانت شايله السكين بيدها وحطتها برقبتها :لاتقرب مارح تلمسني وانا حيه مارح تاخذ اللي تبي
فجاءه انهارت تبكي ونزلت السكين على الارض راح واخذ السكين وضمها
سعود يمسح على راسها  : اششش مارح يأذيك احد لاتخافينن
جوري رفعت راسها وبعيون تلمع وطفوليه : من انت ووين ماما
سعود مسكها وقفها : محمد جيب كاس ماي
مسكها واخذها للصاله جلست وجلسو مازن ومحمد وراشد وسعود
نعرف عن ابطال الروايه طبعا الاخوان كلهم جميلين الا شخص واحد
سعود : ملامحه حاده جميييل عيونه عسليه وشعره مايل للشقار طويل عريض بس جسمه مرتب ملامحه حاده وهاديه يمتلك شركات كثيره عمره ٣٠
مازن : الاخ اللي بعد سعود عمره ٢٧ عيونه بني وشعره كثيف بس مرتب جسمه رياضي وطويل يشتغل مع سعود بنفس الشركه
راشد : الاخ اللي قبل الاخير عمره ٢٣ عيونه بني على عسلي وملامحه عاديه مو جميل نفس اخوانه بس فيه ملامح جمال ونفس الشي جسمه رياضي
محمد : الاخ الاصغر للعايله عمره ٢٠ عيونه لونها رصاصي لجده لان امهم كانت امريكيه وعيونها عسليه ونص العيال طلعو عليها وجسمه رياضي يشتغل بشركه توصيل للحين ما استقر مع اخوانه ويخلص دوامه ١ظهر يرجع ويرتب ويمسح وينظف وهو المسؤول عن البيت وترتيبه باررد بطريقه مو طبيعيه مايهتم للاشخاص بحياته بس اخوانه واي دخيل مايتقبله ماعداء فهد
جوري : شعرها اشقر عيونها رصاصي مايل للعسلي وجمسها صغير مع بروز بالصدر خفيف ونحيفه عمرها ١٩ بس اللي يشوفها يقول ان عمرها اقل بسبب حجمها
£
نرجع للروايه
سعود يمسح على راسها وبيده الكاس يعطيها : انتي الحين بتسكنين معنا لان امك سافرت فتره وترجع
جوري بخوف : لا لا امي ماسافرت امي ماتحب تسافر ومستحيل تتركني عند احد بدون ماتقول لي
سعود تنهد وش هالمصيبه اللي جات على راسي : طيب يا وش اسمك انتي
جوري : انا جوري
سعود ابتسم بحنيه : طيب ياجوري انا سعود وهذا مازن وهذا راشد وهذا محمد
مازن : ياهلا جوري الحين انتي بتكونين اختنا الصغيره
جوري حست انها ارتاحت شوي : بس اذا جات ماما بروح معها
سعود : اي بتروحين
ضمته بقوه وهو انصدم من الحركه وبعدها بادلها الحضن محمد قام متوجه للمطبخ لان باقي وقت قليل على وقت الغداء
جوري كانت تتبعه بعيونها : وين بيروح وليش زعلان
راشد يلتفت للمطبخ : بيسوي الغدا ومو زعلان هو كذا
سعود رفع راسها : يالله الحين قومي بدلي والبسي وتعالي للغداء ~ناظر مازن ~ قوم معها يامازن دلها الغرفه
راحت مع مازن وهي تتفحص البيت
جوري : بس انتو ال ٤تعيشون بروحكم
مازن : اي والحين صرنا خمس وانتي معانا
جوري احمرت خدينها
ابتسم على طفولتها وصل لغرفتها كانت فخمه وفيها دولاب بالدور الثاني نهايته وبعد خطوات غرفه
جوري بتسال : وين غرفكم ؟!
مازن اشر على نهاية الممر : هذي غرفتي والغرفه اللي بجنبك لسعود وراشد ومحمد غرفهم تحت
جوري ابتسمت : طيب فيه غرفتين هنا وش فيها ؟!
مازن حرك شعرها : تروشي وبعدين سعود يعرفك على البيت
جوري دخلت الغرفه وانبهرت فيها سرير كبير ودولاب وحمام فيه انواع من الصابون واللوشن والعطور بزاويه وكان مرتب والبانيو فيه ماي دافي ومناشف بالجنب
نزلت ثيابها ودخلت للبانيو ضمت رجليها ونص شعرها بالمويه وتفكر وش رح يصير لها وانها رح تعيش بين ٤عيال
عند العيال
مازن مستند على الجدار : وش بتسوي ياسعود الحين ؟!
سعود يده على خده ويفكر : مدري والله انتو اللي باخذ رايكم اذا بترضون تخلونها خليتها
راشد جالس بجنب سعود : انا عادي
مازن : وانا عادي
سعود رفع راسه : وانت ؟!
محمد : مدام كلكم موافقين فا ماقدر ارفض
سعود قاطعه : لا يهمنا رايك
محمد : موافق بس بشرط ماتقرب اشيائي ولا تجيها
سعود : طيب بكذا نكون متفقين
مازن يفكر : اقول سعود
سعود : همم
مازن : البنت ماعندها ثياب شلون بتلبس
سعود ضرب جبهته : نسسيت ~التفت على محمد ~
محمدانتبه لنظرات سعود : بس لفتره قصيره
سعود : طيب
راح لغرفة محمد وطلع بلوزه وبرمودا حطها فوق سريرها لانه تقريبا اكثر شخص يتناسب معها محمد وانتبه لصوتها تبكي بالحمام دق الباب
جوري سمعت صوت الباب مسحت دموعها حاولت تغير صوتها :مين
سعود : فيك شي ؟!
جوري : لا مافي شوي وطالعه
سعود : ننتظرك
طلع وسند نفسه على الباب اتمنى اني اكون قد هالقرار تنهد ونزل للدور اللي تحت وشافهم يرتبون الطاوله
مازن رفع راسه : وينها
سعود يجلس بالكرسي : وراي
عند جوري اخذت الروب لبسته طلعت للغرفه شافت البدله اخذتها وتذكرت ان ماعندها ثياب ومنحرجه تطلب منهم لبست كبيره عليها حصلت حزام بالدولاب ورتبت البرمودا والبلوزه وسيعه بس تمشي الحال نزلت لهم شافت محمد يشيل الصحن والمويه ركضت له وخذت منه الكل يدعي ان محمد مايتهور ويسوي شي 
محمد جلس : شكرا
الكل التفت له وجوري ابتسمت انحرج منها : العفو
الكل للحين منصدم
محمد يناظرهم : خير اكلو اخلصو
بدو اكل بعد ماخلصو جلسو بالصاله
سعود : اليوم بنروح للسوق بما اننا اجازه نشتري لك ثياب
جوري تغيرت ملامحها وانبسطت كانت تفكر كيف تقول له : ان شاء الله
مازن وقف يتثاوب : بنام انا صحوني اذا جيتو تروحون
محمد جاب اكواب الشاي كل واحد اخذ كوب مازن اخذ كوبه وراح لغرفته
سعود يناظر راشد ومحمد: وانتو
محمد : بروح معكم ابي كم شي
راشد : وانا بعد بروح لكوفي واشتغل على كم شي بالشركه
قامو وكل واحد راح لغرفته
سعود : جوري روحي ريحي شوي وابصحيك اذا جينا نطلع جورري
جوري ماكانت منتبهه له انتبهت له : امم سعود ابغى اقول لك شي عادي ؟!
سعود ابتسم بحنيه : قولي وش فيه
جوري منحرجه : ماعندي فلوس
سعود : لا خلاص كل شي بيكون من عندي وبيكون لك مصروف خاص بس بسالك انتي تدرسين ؟!
جوري : امم قدمت بالجامعه وقبلوني وصار على الدراسه اسبوع
سعود انصدم :وليش مارحتي ؟!
جوري وكانها تضيع الموضوع : كانت امي مريضه وماقدرت اروح
سعود : جد ولا فيه سبب ثاني
جوري : امم بصراحه هذا السبب وثاني شي كانت الجامعه شوي بعيده من بيتنا وامي تخاف لا اروح
سعود : خلاص بيصير كل يوم احد مننا يوديك او نجيب لك سايق
جوري فهت فيه: سايق ؟! لي انا
سعود ابتسم : اي لك
جوري انحرجت ولا عرفت ترد
سعود : يالله قومي روحي نامي
جوري رفعت راسها وبطفوليه : عادي اطلب اخر طلب
سعود : وش ؟!
جوري : امم انا ما اعرف انام الا لما تكون امي معي
سعود : خلاص بنام معاك تعالي
جوري انحرجت : لا لا لاتنام بس ابغى تجلس شوي لما انام عادي
سعود ضحك : طيب
راحو للغرفه كانت بارده فيها عطر فروله دخلت للسرير غطاها وجلس بالكرسي بجنبها لما نامت وتسلل لبرا الغرفه
مازن طلع من غرفته : نامت ؟!
سعود : اي وانت وين مانمت
مازن:بروح اتدرب
سعود :لاتتحمس  زياده زين
مازن ضحك عليه : لاتوصي مافيني عصبيه اليوم
دخل لغرفته اخذ دش لبس شورت صدره عاري ودخل سريره ركب المنبه نام بعدها وماحس بشي
الساعه ٦ صحى على صوت دق الباب
سعود بصوت خشن ويدل على انه صاحي من النوم : من ؟!
مازن : انا مازن يالله اصحى الساعه ٦
سعود انتبه لساعته قام بسرعه للحمام اخذ دش سريع ولبس بدله وجاكيت وشال على رقبته مشى بالممر وشاف بالدور اللي تحت محمد وراشد طالعين من غرفهم ومازن يمشي نازل لهم