The Write Path

[8] Parenthesis Rules

Panaklong/Parenthesis (())

Tinatawag din ito minsan na 'round brackets' o 'curved brackets.'

A. Ginagamit upang kulungin ang pamuno.
Halimbawa:
a. Ang aming guro (Juan Mariano) ay ginawaran ng natatanging parangal.
b. Ang aking aso (bulldog) at pusa (bengal) ay laging magkaaway.

B. Ginagamit sa pamilang na nagpapahayag ng taon.
Halimbawa:
a. Merriam Defensor Santiago (1945-2016)

C. Ginagamit sa pamilang o halaga na inuulit upang tiyakin ang kawastuhan.
Halimbawa:
a. Taong daan at animnapu't isang (361) sundalo ang lumahok sa pagdiriwang.

D. Ginagamit upang bigyang paliwanag sa isang salita, parirala, o pangungusap.
Halimbawa:
a. Si Sergio Osmeña, Sr (ang ika-apat na pangulo ng Pilipinas) ay pumanaw noong taong 1961.

Tandaan:
Sa pormal na paraan na pagsusulat ay mas iminumungkahi ang paggamit ng kuwit kaysa sa panaklong kung may karagdagang paliwanag ang isang pangungusap.

E. Para ipabatid ang hindi tiyak na dami o bilang ng isang bagay.
Halimbawa:
a. Did you bring your cell phone(s)?
b. Kasama mo ang (mga) anak mo?

Tandaan: Hindi rin ito madalas ginagamit sa pormal na paraan ng pagsusulat. Kalimitan itong nakikita sa mga nakasulat na tanong lalong-lalo na sa mga social media site.

F. Para magdagdag ng personal na kumento sa isang pangungusap.
Halimbawa:
a. Marami ang nadismaya sa nangyaring eleksyon (isa na ako roon).

G. Upang ibigay ang kahulugan ng daglat o abbreviation.
Halimbawa:
a. Ayos sa NASA (National Aeronautics and Space Administration) ay lumiliit daw ang buwan.

Tandaan: Katulad ng nabanggit sa itaas, kung pormal ang paraan na sinusunod mo sa pagsusulat, hindi inirerekomenda ng mga gramaryan ang paggamit ng panaklong. Hangga't maari ay iwasan ito.