سر حياتي....../ سحابه نقيه

الجزء السابع عشر

بحماس قالت .. ارفع الصوت .. ارفع الصوت .... زبطت جلستها وهي بتضيف .. اللقطة الحاسمة ................... رفع الصوت وهو بيهز راسه مستغرب .. داخلة بالجو كتير .. بتتفرج على الفلم بكل تركيز وبكل حواسها .. حتى عيونها مابترف .. بس ايدها بتنزل للبوشار وبتطلع لتمها بتنزل للبوشار وبتطلع لتمها ................ قربت منه وهي بتهمس .. هلأ .. هلأ رح يعترف لها بحبه ...................... بملل سألها .. طيب بما انك بتعرفي الفلم خلينا نتفرج على شي تاني !! ................ تعليقه ما قطع اندماجها او تركيزها بالفلم ........ بدأت دموعها بتنزل مع لحظة اعتراف البطل بحبه لحبيبتي ............. هز نضال راسه وهو بيقول بقلبه .. الله على عقلكم شو صغير ................ دقائق كان الفلم خلص وسما رمت حالها بحضن نضال وهي بتقول .. مافي احلى من هيك نهايات ...................... رفع وجهها له وهو بيسأل .. طيب النهاية سعيدة ليش كل هالدموع!! ................... اطلعت فيه بعيون حالمه .. مابعرف .. هو الحب هيك .. مشاعر قوية بتخلي دموعك تنزل منغير ماتحس فيها .. بتخليك تايه مابتعرف شو تعمل .. تضحك ولا تبكي .......... ضمته زيادة وهي بتضيف .. بموت بهالأفلام .. البنت الفقيرة الى بتحظى بحب اكثر الرجال اثارة .. الشاب الى بترغبه وبتتمناه كل البنات .. روعه صح !! ....................... لأ مو صح .................. رفعت له راسها بإستغراب .. كمل نضال وهو بيلمس خدودها بنعومه .. انا مابحب الا فلم واحد ............. شو اسمه؟ .................................. قرب وجهه من وجهها على مهل وهو بيضيف .. اسمه نضال وحوريته الساحرة .................... قبل ماتصل شفايفة لشفايفها كان صوت الجرس بيضرب بشكل متواصل ............... بعد عنها نضال وهو بيقول .. خير ان شاء الله .. وتوجهه للباب ليفتحه ................ ويادوب فتح الباب والا بأعصارين بيدخلو لنص البيت بدون سلام ............ وقفت سما مستغربة من المنظر الى امامها .. وقف جنبها نضال يتفرج على المنظر وهو بيحاول يستوعب او يفهم شيء من الكلام ( ماعندك احترام / انت سوداويه / كيف بتسمح لحالك / مين محسبه حالك / والله لأدفعك التمن غالي / انت لك عين تحكي ! / والله لأخلي شباب العيلة ياخذوتاري منيك / اتحامي بالصيع الى حوليكي / مابسمحلك تحكي معي بهالأسلوب / على كيفي رح احكي بالطريقة الى تريحني / كيف بتجرؤ وبتحكي عن مشاعر الماضي / ليش انت بتعرفي حرمه للماضي / انت عمرك مارح تفهم / خلينا الفهم لسيادتك / قلت لك احترم حالك لما تكلمني / ليكون بكلم الأميرة نور وماعندي خبر/ طبعا واحد بتصرف بهمجيه متلك كيف رح يعرف شي اسمه احترام / لا تصرفك بالمطعم كان كله رقي ماشاء الله ) حاول نضال يسكتهم بالهدوء مانفع .. فصرخ .. خلاص ................ سكتت نور ولفت وجهها للطرف الثاني وهي بتكتف ايداها امامها بعصبيه و بتهز رجلها بتوتر .. وسكت حسام الي بيحاول يضبط هندامه شوي وعيونه الى بتقدح شرار لسى معلقة بنور ......... كمل نضال .. شو صاير فهموني !؟ وليش شكلك هيك مبهدل ................. كان هالسؤال نقطة انطلاق لمشادة كلامية تانية ......... شاور حسام على نور وهو بيقول .. اسأل اختك ؟ .............. وجهت نور كلامها لسما وهي بتقول بعصبيه وبأصبعها بتشاور على حسام .. اخوكي المحترم يامدام ............... قاطعها حسام بإستهزاء .. انت لك عين تتشكي كمان !! لازم تكوني خجلانه من حالك على الى عملتيه ... وجه كلامه لنضال وهو بيكمل .. اختك المحترمه غسلتني بالعصير امام كل زبائن المطعم ................ وبدأت اصواتهم تتداخل مع بعض وكل واحد يحكي شو صار ..... فجأة الكلام والشكوى ماعادت موجهه لسما ونضال .... رجع الحديث بين نور وحسام .. الحقيقة ندمانه اني مارميتك بشي صحن او كاسه او سكينه كان احسن / بدك تقتليني / حسام لا تطالعني عن طوري / اكتر من هيك !! / انت السبب بكل شي صار / لا انت السبب انت رفضتيني لما خطبتك / لأنك قليل حس واحترام .. من يوم يومك قليل احترام / قرب لعندها ونكز كتفها بأصبعه وهو بيقول .. انا قليل احترام والا انت السوداوية الى بتحب تعيش دائما بظروف تخلي الناس تشفق عليها وتداريها / شدت جسمها لتجارية شوي بالطول ونكزته على كتفه مثل ماعمل معها وهي بتقول .. مابسمح لك / تسمحي ولا ماتسمحي هاي الحقيقة / انت شو عرفك بالحقيقة !! / قرب وجهه منها زيادة وهو بيهمس .. الحقيقة انك علقتيني بغرامك منشان تتسلي وبعدين تركتيني / ابعدت وجهها شوي وهي بترد بإستنكار.. انا !! انا الى عملت هيك ولا انت الى هدمت كل الى بينا بتصرفاتك / بحزن واضح بعيونه رد .. انا كنت بتمنالك الرضى تاترضي بس انت مابعرف شو قلب عقلك بعد ما كنا متفقين على الزواج / لفت وجهها لبعيد وهي بترد بحده .. ولا شي / شفتي .. هاي انت ماتغيرتي دائما بتهربي من السعادة بتحبي تعيشي بحزن حتى الناس تحزن عليكي / بعصبيه لفت وجهها له من جديد وهي بتقول .. يعني حضرتك مفكر اني مابدي احب ولا يكون لي شريك ولا افتح بيت ولا اجيب اولاد!! / تأملها بتهكم من فوق لتحت قبل مايرد.. انت بدك تبقي لابسة الأسود وبس / صرخت فيه غضب .. على شو بنيت اتهامك !! على الإنبساط الى عايشته ولا الضحكه الى مابتفارق وجههي !! / مابتسعي لتغير من وضعك / وكيف برأيك بغير من وضعي وحالتي ؟/ اتزوجيني / اطلقت ضحكه متهمكمه وهي بتقول .. هدا بعدك / شفتي كيف / يعني يا اتزوجك يا مابدي اغير!! شو هالتعسف هدا !! / انت مابتقدري تنكري مشاعرك تجاهيي فليش العناد / شاورت على راسها بحركه طفولية وهي بترد بتهكم .. هيك بس هيك / رفع حواجبه بتهكم وهو بيكمل .. شفتي هدا دليل كلامي / خبطت برجلها على الأرض وهي بتصرخ .. احترم حالك .. انا انسانه عاقلة حتى اعقل منك / رسم على وجهه المسكنه وهو بيقلد نبرتها الحزينه والعصبية دائما .. ومرت بظروف صعبه كتير ومسكينه ولازم تراعوني لأني حساسه كتير وعلى وشك الإنهيار / حسام !! / هاي الرسالة الى بترسليها للجميع .. خليكي لابسه الأسود وخليكي حابسه حالك بذكريات رجل كلنا بنعرف انك بتكرهيه وعمرك ماحبيتيه .. انت تزوجتيه بس لأني تزوجت / غضبها صار اكبر مما تتحمل .. دفته بإيداها على اكتافه بقوه وهي بتصرخ .. كم مره قلت لك لا تتجرأ على مشاعري وتحللها على راحتك / ما اهتم للي عملته .. ركز نظره على عيونها وهو بيقول بتأكيد .. انا اكتر واحد بعرف مشاعرك لهيك اتزوجيني / مابدي يا اخي شو بالإجبار!! / همس ببطئ .. لا.. بالحب / مشيت بعيد عنه وهي مكتفه ايداها وبتقول .. انت اخر واحد يحكي عن الحب / انا اكتر واحد بفهمك وبحبك / خبطت رجلها بالأرض مره تانيه وهي بتشاور على نضال وسما .. حسام احترمني امام اخي ومرته / هز راسه بأسف وهو بيضيف .. مو قلت لك خليكي لابسه اسود ومتمسكنه .. شو بدك تثبتي للعالم .. مين بدك تعاقبي!؟ .. سدقيني يانور انت الخاسرة الوحيدة هون / مشطت شعرها لورا بقلة حيله وهي بتتوسل .. من شان الله حسام / اثبتي العكس / رفعت جواجبها وهي بتطلع فيه .. اتزوجك ! / رجع قرب منها وهو بيضيف .. انت بدك تتزوجيني لا تنكري / لفت جسها كله له وهي بتقول بتعب .. انا بدي اخلص منك / اتزوجيني / بتعب ردت .. حسام !! / اتزوجيني / فركت جبينها وهي بترد .. حسااام / اتزوجيني / غطت وجهها وهي بتهمس .. موافقة / هز راسه بعدم تسديق وهو بيقول .. لالا خدع الماضي فهمناها وماعادت تنطلي علينا / نزلت ايداها بسرعه وهي بتطلع فيه بغضب .. شو قصدك؟ / انت بتقولي هيك منشان تسكتيني بس وقت اتقدم لأهلك رح ترفضي مثل هديك المره / فتحت عيونها على الأخر وهي بتشاور على حالها وبتقول .. بتتهمني بالكذب!؟ / لا بالخداع واللعب على مشاعر الأخرين / رجع صوتها ارتفع وهي بتصرخ فيه .. احترم حالك انا انسانه بحترم كلمتي / جربناكي قبل / حسام / مو مسدقك ................... بعصبية فتحت شنتتها وتناولت جوالها .. دقت رقم وثواني قالت .. مرحبا بابا .. الحمد لله .. بابا حسام اخو سما رح يتقدم لي هلأ وانا موافقة .. اي هلأ .. يمكن هلأ عمو بيدق لك .. اي موافقة .. طيب .. باي .................... سكرت الجوال واطلعت فيه بتحدي وهي بتقول .. انا عند كلمتي ......................... من غير ما يزيح عيونه عنها تناول جواله من جيبه ودق على ابوه وطلب منه يتصل هلأ بأبو نضال ويخطب نور منه .................... رجعت كررت وهي بتأكد على كل كلمة من جملتها .. اناا .. عندد .. كلمتي دااائما .......................... بإستغراب قال .. والله مو مسدق ...... التفت على نضال وسما وقال .. انتو شاهدين انها وافقت على الزواج مني ......................... بعصبية قالت .. شو لسى شاكك !! .......................... نقل عيونه بينها وبين نضال وسما وهو بيقول .. لا ابدا .. بس مو مسدق .. خايف تغيري رأيك ....................... بنزق ردت .. شو انت صاحي وواعي شو بتحكي !! كيف راح ارجع بكلامي بعد ما حكيت مع بابا وقلت له اني ..اني ................... الدم هرب من وجهها بعد مافهمت شو عملت حطت ايدها على راسها وهي بتطلع بنضال بتوسل .. نضال الحقني ....................... ابتسم حسام بمكر وهو بيقول .. بمأذون ....................... كزت على اسنانها وهي بتقول .. اسكت انت ولا تحكي ولا كلمة ....... مشيت خطوات لعند نضال وهي بتطلع فيه بتوسل بتقول .. انت رح توقف معي وتشرح لبابا صح ....................... زم نضال تمه بحيره قبل مايقول .. انك وافقتي بإراتك ............................... هزت راسها بلأ وهي بتضيف بضعف .. لا لا انت شفت كيف كان الحوار محتد وانا معصبه .............................. بس انت الى وافقتي يا نور ماحدا غصبك ......................... تركته ومسكت سما وهي بتوسل .. سما انت صبيه متلي متلك .. رح تقوللي الحقيقة وتشرحي لبابا ........................... رفعت سما اكتافها وهي بتقول .. انا الى شفته انك انت الى وافقتي وماحدا جبرك على شي ........................ فتحت عيونها بإستغراب وهي بتنقل عيونها بين الجميع وبتقول .. انتو متأمرين ضدي ولا شو!! ............................ لا حبيتي هدا قلبك سبق عقلك هالمره ................... التفتت عليه نور وهي بتصرخ .. انت اسكت ولا تفتح تمك بكلمة .. انت سبب هالبلوه كلها ............................ اطلع فيها بعتاب وهو بيحاول يمسك ضحكته .. الله يسامحك .. حبيبك بلوه !! .................................... عضت ايدها بقوة من القهر قبل ما تقول من بين اسنانها وهي ماشيه ناحية الباب .. حدا يوصلني لعند سيارتي في الزفت المطعم ............. قبل ما يفتح حسام تمه بكلمة التفتت عليه و كملت وهي كازه على اسنانها .. انت راس المصايب ابقى هون ومابدي اسمعك ولا اشوفك ابدا .. فاهم .................... كملت طريقها للباب بس وقفت لما سمعته بيقول .. بكرا انا واهلي و المأذون جايين لعندكم لحتى يصير كلشي رسمي بينا .. خير البر عاجله ..................... من غير ما تلتفت لحدا رفعت راسها لفوق وهي بتاخذ نفس عميق لتهدي الرجفة الى بدأت تهز جسمها كله من الغضب .. بصوت يخالف الغضب المتفجر جواتها قالت .. نضال .. بستناك برا .....