سر حياتي....../ سحابه نقيه

المقدمة

حاول يتجاهل صوت الجرس بس ماقدر .. تأفف بصوت عالي وهو بيضرب الهدف أمامه قبل ما يمشى بعصبيه لجهة الباب ليشوف مين الى بيدق عليه بهالساعه المبكره من النهار ... بطريقه رمى قفازاته الحمرا وتناول منشفه معلقه جنبه ومشى للباب وهو بينشف عرقه ... فتحه بقوه وهو بيقول بنزق .. نعم ......................... رفع حواجبه مستغرب من الصبيه الواقفه أمامه مبتسمه بمرح وحامله بأيدها قالب كيك .... قالت .. صباح الخير ................ بأقتضاب رد .. أهلا ......... من الطريقه الى زمت فيها شفايفها فهم أن رده ماعجبها .. ومع هيك رجعت الأبتسامه المشرقه تنرسم على وجهها وهي بتقول .. انا جارتك الى ساكنه معك بنفس الطابق .. شاورت براسها على باب بيتها المفتوح وكملت .. وجيت أرحب فيك بينا بعائلتنا الصغيره بالنيابه عن سكان العمارة ........................ بتلقائيه تحرك ليقف أمام نظراتها الفضوليه وهي بتحاول تختلس النظر لجوا لتعرف زياده عن هالجار الجديد ........... جسمه الضخم منعها من أستراق النظر فقررت تتصرف ببلاهه لتحصل على المعلومات الى وعدت فيها ام رنا .... رجعت رسمت ابتسامه عريضه على شفايفها وهي بتتحرك بمرونه وبتمر بسرعه من الفتحه الصغيره الى بقيت بين جسمه والباب وقالت بمرح .. خليني أقطع لك قطعه من الكيك .. لازم تدوقه .. هدا صنع ايداي ................ لحقها وهو بيقول بعصبيه .. هاي يا أنسه وين رايحه !؟ ................... توجهت للمطبخ المفتوح على الصالون وحطت الكيك على الطاوله وصارت تفتش بالخزن على صحن ......... قرب منها بعصبيه وهو بيقول .. لو سمحتي يا أنسه ......... قاطعته وهي بتقطع الكيك .. انت ساكن لحالك !؟ .. دارت بنظرها في انحاء الشقه وهي بتضيف .. شكل شقتك شقة شاب عزابي .. وبعدين خلال الأسبوع الى سكنته هون ماشفت اى حدا طالع او داخل من شقتك !! .............. قبل مايقدر يجاوب ناولته طبق فيه قطعة كيك وعيونها مركزه على الحيط وراه .. مشيت للصالون وهي بتسأل .. لوحاتك غريبه !! .. شو بتشتغل !؟ ............ بغضب مكتوم قال من بين أسنانه .. يا أنسه ............. خبطت جبينها بخفه وهي بتلتفت عليه وبتقول .. يالله ما أغباني .. نسيت أعرفك بنفسي .. أنا شهيناز واصحابي بيندهولي شيري .. يعني كرزه .. ارجوك أستخدم هالأسم لأن شهيناز اسم قديم مابحبه .. رجعت تطلع بالبوسترات وتلمسها بتعجب وهي بتسأل .. ماقلت لي شو أسمك وشو بتشتغل ؟ ............ أخد نفس يهدي حاله وهو بيقول .. مالك .. ملاكم محترف ................... التفتت له بسرعه وعيونها مفتوحه على الأخر بدهشه وهي بتقول بحماس .. والله !! ...................... عقد جواجبه وقال بجديه وحاول يكون لطيف بكلامه قدر الأمكان ويسيطر على غضبه الى بيكبر مع كل حرف بيطلع من تمها .. أنسه شهيناز ..بقدر أخدمك بشى !؟ لأني مشغول ................ قالت بسرعه وهي بتتأمل بوستراته بأهتمام .. بصراحه بدي منك خدمه ................... التفتت له و بوجه جاد كتير قالت .. بدى اياك تدقلي واحد قتله مرتبه .............. الأستنكار والأستغراب كانوا واضح على وجهه .. بس بسرعه انقلبو لغضب أول ماشافها بتحط أيدها على تمها لتكتم ضحكتها ....... من بين ضحكها قالت .. موطبيعي .. مو معقول .. من كل عقلك سدقت !! ..... هوت بأيدها على عيونها منشان تروح دموع الضحك وهي بتقول .. يالله أنا رايحه شكلي طالعتك من الحمام منشان هيك مارديت بسرعه من أول دقه .. أبقى نشف شعرك منيح منشان ماتمرض ...ولا تقلق أنا كل فتره بتفقدك لأشوف اذا متحاج شى هيك ولا هيك ...... قربت منه ومسكت أيده وبحراره سلمت عليه وبأبتسامه مرحه قالت .. يالله باي مالك .. بشوفك بعدين ........ بقي مالك واقف مكانه وهو بيشوف أعصار الألوان الى أسمه شهيناز بيطلع من شقته بنفس السرعه الى دخل فيها ..........................

*****

تفضلي ............... دخلت الشقه هي شايله بدلتها البيضا ...... من غير ماتحرك راسها دارت بنظرها تتفرج عليها ... أبتسمت بخجل وهي بتشوف غرفة النوم مفتوحه ومزينه بالورود .. يالله مو مسدقه كأنه حلم .. الى تمنيته صار .. وبتجمعنا غرفة وحده !! ......... رفت عيونها بخجل ونزلت راسها أول ماشافته قدامها .. بصوته الهادى ونبرته المتزنه قال .. مبروك ................. فركت أيداها بخجل وهي بترد بهمس .. الله يبارك فيك ...................... مسك طرف الطرحه ورفعها بهدوء من على وجهها .. وردو خدودها زياده من بوسته على خدها ... مسك ذقنها بنعومه ورفع راسها ولدقائق بقي يطلع فيها .. رف قلبها بقوه وهي بتطلع بعيونه .. يالله تسلم لي الركازه والتقل .......... قطع صوته عليها أفكارها الحالمه .. خدي راحتك بالغرفه وبدلي ملابسك ...... هزت راسها بطيب وهي بتمشى على مهلها لغرفة النوم ... سكرت الباب وراها وهي بتفكر .. مو لازم ينتهز الفرصه !! .. ليش لازم أخد راحتى لحالي !؟ ... ثواني وأبتسمت وهي بتهمس .. دخيل عين المذوق ماحب يحرجني بأول ليله ألنا مع بعض .... على السريع شلحت بدلتها وفكت الطرحه .. نزلت جزء من شعرها على أكتافها بس خلت طوق الورد حابس الجزء الأمامي من شعرها .. كانت بتشبه الحوريات بروب نومها الأبيض وشعرها الأشقر المزين بالورد الطبيعي .. رشت عطر على حالها و جددت حمرتها قبل ما تفتح الباب وتطلع وهي بتدور عليه بعيونها ... أحمر وجهها بشده وهي بتشوفه جاى لجهتها وشايل بأيده جاكيت طقمه وقميصه وماشى بصدر عاري بأتجاه غرفة النوم وهو بيقول .. صار دوري ........ دقائق وطلع وهو لابس بيجاما كحلي مقلمه .. قعد جنبها على الكنبه ولف اكتافها بأيده وهو بيقربها منه وبيقول .. ان شاء الله عجبك العرس !؟ ................ هزت راسها بخجل .. كتير .. يعطيك العافيه ماقصرت ................. يعني متل ما تمنيتي !؟ ............................... هزت راسها .. وأكتر كمان ...................... شجعت نفسها وأطلعت بعيونه .. زاد أحمرار خدودها وقت شافت نظراته مركزه على شفايفها المصبوغه بلون أحمر قرمزي لماع .. من أرتباكها بدأت تاكل بشفايفها وتقرص بفخدها ..... كتمت نفسها أول ما حست بأيده المحاوطه أكتافها بتضمها لصدره زياده و أيده التانيه بترفع وجهها له .. رفعت عيونها الخجلانه وأطلعت فيه وقت قال .. بتعرفي أنك حلوه كتير !؟ .. ملامحك فيها جاذبيه مو طبيعيه .. وخاصه شفايفك .................. بدأ صدرها يطلع وينزل بتوتر وخجل من نظراته المركزه على شفايفها .. غمضت عيونها بأستسلام لمشاعرها تجاهه وشوقها له .. رفعت أيداها ولفت رقبته وهي بتميل لورا و بتقربه منها أكتر لحتى صار فوقها .. أصابعها كانت بتلعب بشعره وهي مستسلمه لقبلاته المجنونه .. من بين أنفاسها همست بحبك نضال ........... وكأن هالكلمه كهربه تردد عالي نفضه نفض من فوقها وهو بيلهث وبيمشط شعره بأيداه بتوتر وبيطلع فيها بعيون زايغه كلها ندم وألم ........ جلست حالها وهي بترجع شيالات روبها لأكتافها وبتحاول تفهم شو صار ........ تحرك بتوتر قدامها وهو بيقول .. مو صحيح الى بيصير مو صحيح ............ همست بتساؤل .. نضال !؟ ....................... التفت عليها بسرعه .. حك ذقنه بتوتر وتردد قبل مايقرفص قدامها ويطلع فيها بنظرات غريبه خوفتها .. مسك أيداها بين أيداه وهو بيقول .. سما .. مابدى أظلمك معي ............ ابتسمت وهي بتقول .. ليش شو صار لتظلمني !؟ ................... شد على أيداها زياده وهو بيضيف .. بهالكم أسبوع الى عرفتك فيهم عرفت كم أنت أنسانه مميزه ورائعه واى رجال بيكون سعيد لو حظي بنظره وحده من عيونك .............. أطلعت فيه بنظرات تايهه وقلقه ........... كمل .. الا انا ................... نزل راسه قبل مايضيف .. أنا بحب وحده تانيه ...................