سر حياتي....../ سحابه نقيه

الجزء الثالث عشر

شربت شوي من فنجان القهوه قبل ماتقول .. الحمد لله مرت على خير ............ تنهدت أم رنا .. ماكفايه ياحنان !! .. خلص بكفي لهون .. في أكتر من أنك تركتي بنته تبات عند شخص غريب !! .. من متى كنا نوافق على هيك شي !! .. حرام عليك خلي شيري ترتاح .. شتتي تفكير البنت وبعدتيها عن حياتها وبيتها .. بكفي الى مرت فيه .. خافي عليها وعلى قلبها لينكسر .. وبعدين أنت ليش بتعملي كل هالشي .. مهو جلال تاركك تعملي الى بدك أياه ومابيتدخل لك بشي .. ليش بدك تكسريه هيك قدام أولاده !! .............. بحده ردت حنان .. وبعدين !! كل مره نفس الموال !؟ .. كأنك مابتعرفي كيف عايشين !! عندي خمس شباب وبنتين ومحرومتهم .. الأولاد سخرهم لمصالحه حتى بزواجهم زوجهم من عائلات ممكن يستفيد منها وتفيد أمبراطوريته .. لك حتى كنايني مابحبهم .. وياريت ترك لي البنات ...... رقت نظراتها وهي بتقول .. نازك بنتي الكبيره .. كل مابشوفها بيتقطع قلبي عليها .. عايشه بلا روح بلا أراده .. حياتها مالها طعمه .. عايشه دائما بأوامر أبوها ولا حتى فكرت مره أنها تخالفها .. للأسف ماقدرت أبث فيها ولا شي من روح المقاومه الى بشيري فمنشان هيك كنت خايفه عليها كتير .. بحاول قدر الأمكان أوقف بينها وبين أبوها بس هي مابتساعدني أبدا .. لما خطّبها بالأجبار لسالم ماقدرت أعمل شي .. لأنها نفذت طلبه فورا .. الحمد لله طلع سالم شاب ممتاز .. وانا معلقه عليه أمال كبيره .................... بألم قالت أم رنا .. فأنت حطيتي كل ثقلك وجهدك بشيري حبيبة قلبه ..................... وقفت حنان ومشيت للشباك وصارت تتفرج على الأولاد الى بيلعبو بالشارع وهي بتقول .. شيري غير .. تعلق فيها جلال من أول ماولدت .. كانت طفله جميله كتير .. هاديه وضحوكه .. الوحيده الى أجبرني جلال أني أرضعها سنه كامله .. وكان يسمح لها تنام بغرفتنا دائما .. الى يشوفه معها يفكر أنه ماعنده غيرها منشان هيك مهتم فيها كل هالقد .. لما كبرت كان مستعد يقطع أجتماع مهم منشان يجي يتغدا معها .. يلعّبها .. يساعدها بحل الواجب .. دائما القيلوله بتكون بسريرها وهي نايمه بحضنه .. كانت طفله حيويه كتير ومرحه كتير بس بسرعه بتمرض .. وأذا مرضت بتقوم الدنيا ومابتقعد لحتى تطيب وهو شخصيا يشرف على تمريضها .... ألتفتت لأم رنا وهي بتكمل .. حبه لها صار يقلقني .. كل ماكبرت شيري كل مازاد تعلقه فيها لدرجه أنه شوي شوي بيعزلها عن العالم منشان يخليها له .. حطها بمدرسة بنات ومن مجتمع هو أدرى الناس أن شيري مارح يكون لها صديقات فيه .. حرمها من أبسط التجارب الى ممكن تمر فيها وتكسبها خبره بحياتها .. لك حتى لبسها كان هو الى بيشتريلها أياه من غير ما ياخد رأيها فيه .. صحيح أني بشفق على نازك بس أنا فخوره فيها أنها قد وقتها وبتقدر تخلص حالها بأحرج المواقف .. أما شهيناز .. فلولا تدخلي الغير مباشر بحياتها ووجودك المستمر معها والا ماقدرت تستمر عايشه هيك لحالها .. شهيناز بالعشرين ومع هيك مابتفكر متل باقي البنات الى بعمرها .. تصرفاتها عفويه وأقرب للطفوله .. لسى عايشه بعالم الساحرات والجنيات والأميرات .. سدقيني يا أم رنا هاي أحسن طريقه منشان تكبر شهيناز الطفله بعيد عن تأثير أبوها .... سكتت شوي قبل ماتضيف .. وكمان منشان نحصل على الى بدنا أياه من جلال .. كلنا بدنا الحريه .. بدنا نعيش متل خلق الله الى عايشه .... دمعة عيونها لحنان وهي بتقول بصوت مهزوز .. بدي أولادي حولي .. تضرب الشريكات والمصاري إن شاء الله .......... قعدت على الكرسي وهي بتغطي عيونها بأيدها منشان ما تبين أنها بتبكي .......... بتعاطف قالت أم رنا .. هدي حالك حنان .. إن شاء الله يكون دخول مالك بحياتها خير بحقها ................ بسرعه مسحت حنان دموعها وهي بتقول .. مالك بحب شيري .. هالشي شفته واضح بعيونه باليوم الى وقف فيه قدام جلال .... تنهدت بتعب وهي بتضيف .. بس خايفه ياأم رنا يبقى هيك بيقاوم مشاعره تجاهها .. لازم يتعلق فيها كتير لحتى يقدر يحميها من جلال ويتحقق طلبنا ........................ وقفت أم رنا وهي بتقول .. الله يجيب العواقب سليمه .. أنت لو شفتي كيف كان شكل جلال وقت أجى وماشافهم هون كان مانمتي الليل ..... ضافت وهي بتمشي للمطبخ .. عامله شويت فطاير بالجبنه ولازم تدوقيهم ...............

*******

حطت صينية القهوه على الطاوله الى بالنص وهي بتقول بتلعثم .. خدو راحتكم بالحكي وأنا رح أخد نازك منشان أقولـ .. أأ أفرجيها شي ....... مسكت أيد نازك وهي بتقول بوجهه محمر .. يالله نازك ........ أستأذنت نازك بلباقه قبل ماتندار لأختها وتسألها بهمس وهي عاقده حواجبها .. شو صايرلك شيري على مهلك !؟ ................ بتوسل همست لها شيري .. تعالي أول وبعدين بقول لك ............... دخلتها غرفتها وسكرت الباب وراها ....... كتفت نازك أيداها قدامها وهي بتقول .. شيري .. شكلك مو عاجبني .. في شي مخبيته علي !؟ ........ فتحت نازك عيونها على الأخر وهي بتسأل .. ليكون ..!! ................ بنظرات تايهه سألتها شيري .. ليكون شو !؟ .............. مسكت نازك أيدها وشدتها وراها لحتى قعدوا على السرير وسألتها بجديه .. تزوجتوا !؟ .................. بلعت شيري ريقها بصعوبه وهي بتقول .. أيه مو رحنا للشيخ و ........... قاطعتها نازك .. لا لا .. قصدي قرب منك !؟ .. نام معك !؟ ............. لما شافت أختها ماتغيرت ملامحها قالت بصوت واطي .. عاشرك جنسـ .......... وقفت شيري وهي بتقاطعها بسرعه ووجهها بيتلون مية لون .. لالا أبدا ..... ألتفتت لأختها وهي بتفرك بأيداها وبتقول بتوتر .. بس .. بس باسني ....... بسرعه ضافت كدفاع عن نفسها وعن مالك .. بس كان بيحلم .... رجعت قعدت على السرير وهي بتكمل .. كان بيصرخ وهو نايم .. أعتقد كان بيشوف كابوس .. ووقت جيت لعنده أصحيه .... رفعت عيونها وأطلعت بأختها بخجل ............. سكتت نازك وماقالت شي وبقيت تطلع بعيون أختها الى بتبرق بشده .. مسكت شيري أيد نازك وحطتها على قلبها وقالت بقلق .. شوفي كيف بينبض بسرعه .. أنا .. أنا خايفه يانازك .............. من شو خايفه !؟ .................... بلعت ريقها بصعوبه وهي بتقول .. عمري مافكرت ..... سكتت وحطت أيدها بين شعرها تسحبه لورا بتوتر .. ضافت .. عمري مافكرت بهيك أمور ... ألتفتت لأختها وقالت بتوسل .. فهمتي شو قصدي !! ............. زمت نازك تمها بتفكير قبل ماتقول .. يعني بدك تعيشي لحالك كل عمرك !! ................ لالا .. بس .. ماكان في بالي .. أن بيوم .. خاصه هلأ .. يعني .. أنا بتعامل مع الكل كأنهم أخواتي .. يعني مالك .. كنت معجبه فيه .. مرتاحه له كتير .. بس مافكرت .. أني .. أنه ...... غطت وجهها بأيداها وهي بتقول بصوت بيرجف .. قلبي ماوقف من مبارح .. وخدودي .. بتحرقني من مبارح .. والأصعب .. في شي جواتي ........... كملت نازك جملتها .. يطلب المزيد ............ وقفت بسرعه وصارت تمشي بالغرفه بتوتر .. عيونها بالأرض وبتفرك بأيدها بقلق وهي بتقول .. أكيد أنا تعبانه !! .. يمكن .. يمكن بدايه حمى !! ............. وقفت نازك ومشيت لعند أختها وبهدوء لفتها لتواجهها وهي بتقول بلطف .. إن شاء الله مافيك ألا العافيه .. أرتاحي حبيبتي ولا تفسري الأمور وتفلسفيها زياده .. على العموم الى صار لا تقلقي منه .. أولا هو زوجك يعني الى صار مو حرام ولا عيب ومافي حدا بيقدر يقول عنك شي .. ثانيا أنت قلتي انه كان بيحلم .. لا تنحرجي ولا تقلقي و تعاملي مع الموضوع كأن شي ماصار .. يمكن كل الى بتحسي فيه هلأ لأن الى مريتي فيه كان مفاجأه مالك جاهزه لها ........ أبتسمت نازك لأختها وهي بتزيح شعرها لورا .. لا ترهقي نفسك بالتفكير ...... حطت أيدها على قلب شيري وهي بتضيف .. سدقيني قلبك رح يدلك على التصرف الصحيح .............. سمعوا صوت سالم بينده .. نازك .. يالله حبيبتي لازم نمشي منشان نوصل قبل الليل ................ باست راس أختها وقالت .. لا تنسي .. قلبك دليلك .... تغيرت نبرة صوت نازك وهي بتقول بجديه .. شيري .. لا تتصرفي بطريقه مابترضيكي .. فهمتي عليّ !!........... مسكت شيري أيد نازك وهي بتقول بتوسل .. نازك لا تروحي .. محتاجتك كتير .................... نازك يالله حبيبتي ............... طيب طيب جاي ..... ربتت نازك على خد شيري وهي بتقول .. والله لو بقدر بقعد .. بس بتعرفي الظروف .. يالله باي حبيبتي ولا تنسي شو وصيتك ............ طلعوا من الغرفه .. أبتسمت نازك لمالك وهي بتسلم عليه وبتقول بود .. بتمنى لقائنا القادم يكون بظروف أحسن .. وبشكرك من كل قلبي على كلشي عملته ورح تعمله لشيري ................... بجديه قال .. مافي داعي للشكر ............... مسك سالم أيد نازك وطلع بعد ماسلم عليهم ووصى مالك بشيري .... وهو بيمشي لسيارته مال على نازك وهمس .. صهرك عاشق ........ أبتسمت له وهي بتهمس كمان .. وأختي كمان عاشقه ............. رفع حاجب وهو بيسألها بأستغراب .. كيف عرفتي !؟ ............ وردو خودوها وهي بتقول بخجل .. مابيفهم عيون العاشق الا عاشق ................ أطلع بعيونها بحب وأبتسم وهو بيشبك أصابعه بأصابعها وبيرفع أيدها ليبوسها ............ أبتسمت له بخجل قبل ماتتغير ملامحها وهي بتقول .. قلقانه على شيري كتير ياسالم .. خايفه عليها ............... فتح لها باب السياره وهو بيقول .. لا تقلقي عليها حبيبتي .. أنا أرتحت لمالك وحاسس أنه أكتر شخص متفهم شيري .. وبدك رأيي الأحسن مانخبر حدا هلأ بالى عرفناه ...... هزت راسها بطيب ......... غمز لها بمرح منشان يغير الموضوع وقال .. يالله خليني نلحق نتمشى شوي على الشاطئ قبل مايتأخر الوقت ...........

بعد ماطلع سالم و نازك سكر مالك الباب وراهم وألتفت لشهيناز الى أرتبكت وبدأت تبعد شعرها ورا أذنها بتوتر وهي بتقول .. لازم .. لازم .. أنظف الصاله ................ بأستغراب جاوبها .. بس أنت نظفتيها الصبح ............... وقفت بنص الطريق وألتفتت بسرعه وهي بتقول بتلعثم .. آآه صح .. لكان خليني أنظف المطبخ ............. مسك أيدها أول مامرت من جنبه وقال بنبره هادئه مطمنه .. شهيناز هدي حالك .. أبوكي مارح يعرف مكانك ............ لدقيقه بقيت تطلع فيه مو عارفه شو تعمل .............. بعدت بسرعه وقت شافت أيد مالك بترتفع لتزيح غرتها الواقعه على عيونها ... أحمر وجهها زياده وهي بتخطي لورا وعيونها بتطلع فيه بقلق .. تلعثمت بالكلام وهي بتقول .. أعمل شاي .. تشرب شاي !! .. حاسه أن بدي شاي ...... ومشيت بسرعه للمطبخ ............ ***