سر حياتي....../ سحابه نقيه

الجزء الثالث والعشرون

ابتسمت برضى بعد ما خلصت قراءة رسالته .. مبسوطة من الطريقة الى بيعبر لها فيها عن مشاعره وشوقه لها .. رسائلة لها تأثير كبير وايجابي على نفسيتها .. رسائله بتجدد الشوق الى بقلبها وبتطبب الحب المجروح بداخل قلبها .. الواضح برسائله انه بيركز على تأثيرها على شخصيته وعلى حياته .. صار له ايام بيرسل رسائل ولا مره اتصل .. وهي كمان ولا مره ارسلت له رد لى رسائله او حسسته بشوقها له .... قلبت على جنبها وفتحت درج الكومدينا واتناولت منها صورة عرسهم .. من كل قلبها بتتمنى ان يقدر نضال يرجع لمعة الحب بعيونها مثل اول .. ضمت الصوره لصدرها وهي بتهمس .. نضال حبيبي مشتقتلك كتير ........... رن جوالها .. مسحت دمعه نزلت على خدها قبل ماتمسك جوالها وتشوف مين .. قعدت بسرعة وهي بتطلع بالأسم بعدم تسديق .. هذا نضال !! .. شوقها لسماع صوته خلاها بسرعة تفتح الخط وهي بتدعي ان ماتندم على حركتها .. برجفه واضحه بصوتها همست .. اآ.. الو .................. وقف شعر جسمها كله وحست بدغده بقلبها لما قال .. الله .. لو تعرفي كم كنت مشتاق لأسمع هالثلاث احرف منك ........ سكت لثواني ليستمتع بصوت تنفسها المضطرب ..... قال بداخله .. بدك حب ياسما .. بدك تحسي بحبي وبأهميتك عندي .. رح افرجيكي حب يقلب حياتك قلب ............ ابتسم وهو بيكمل .. كيفك حبيبتي ؟ ................. تمسكت بالجوال بإيداها التنين وهي بتهمس .. منيحه .. انت .. انت كيفك ؟ .............. تنهد بتعب قبل مايقول .. انا مو منيح ابدا .. تعبان كتير .............. بلهفه سألته .. شوبك .. مريض !؟ ......................... لأ .. بس مخنوق .. مو قادر اتنفس ...................... بقلق قالت .. لازم تروح على الدكتور نضال لا تترك حالك هيك .. قد تكون حساسية من الجو او من شي اكلته ........................ لأ الشغلة غير .. انا بعرف ليش مخنوق ................. من شو؟ ........................ حاول بكل جهده ان صوته يحمل كل مشاعره الى بيحس فيها بصدق تجاهها .. مخنوق لأن اغلى انسانه عندي زعلانه مني ومابدها تسامحني .. رح ابقى مخنوق لحتى ترضى عني وتسامحني ................. ابتسمت وهي بتسند ظهرها لسريرها وبتقول .. كيف اغلى انسانه على قلبك وزعلتها منك ؟ .......................... بإستغراب رد .. مابعرف كيف صار معي هيك ؟ انا بعترف اني بطيئ في فهم مشاعري .. والحقيقة الخطأ راكبني ومافي مجال اهرب منه .. كلي امل انها تعفوا عني وترجع تفتحلي قلبها .. لحتى افرجيها اني تغيرت وفهمت وعرفت ومستحيل اوقع بنفس الخطأ مره تاني ......................... حاولت تكتم ضحكتها وهي بتقول .. طيب جرب اعتذر لها !! ................... بلهفه سأل .. بتظني بتوافق ؟ ....................... امم .. لا ما اعتقد ........... ماقدرت الا تضحك لما سمعت صوته بيتذمر ........... ساعديني سما ......................... مابقدر ..................... ليش !؟ ................... هذا غش وانت لازم تحل مشكلتك لحالك ................ تنهد بقلة حيله وهو بيقول .. طيب .. مو مشكلة ....................... ماهان عليها تمسح هالنبره بصوته .. بتردد قالت .. الإعتذار هو الفكرة الصحيحة .. لكن كيف رح يكون هو الشيء الى بيضمن لك حل مشكلتك ............... كيف يعني !؟ ........................... بسرعة ردت .. مابعرف انت اعرف كيف يعني !! ................. طيب ... بتردد واضح بصوته سأل .. سما .. ممكن .. في مجال .. هل رح توافقي اذا ................ قلبها كان بينط بصدرها وهي عرفانه شو رح يقول .. بده يشوفها .. وهي بدها تشوفه ومشتاقة له كتير .. مشتاقه له لدرجة مستعده تقول له موافقة اذا طلب يشوفها .......... دقات قلبها تسارعت لما سمعته بيقول .. خلص انسي .. انا كتير سعيد اني سمعت صوتك .. وانك رديتي على اتصالي ................... قرب من سماعة الهاتف وهمس .. بحبك سما .. بحبك اكتر مما اقدر اوصف .. بأمان الله حبيبتي ......... وسكر الخط .............. ابتسمت بحب وهي بتهمس لصوت الخط المقطوع .. وانا بحبك كتير .. لا تنسى هالشي ابدا .........

****

تقدم جلال خطوة نحو بنته وقال وهو مادد ايده لها .. يالله شيري .. خلينا نمشي ...................... ماألتفتت لأبوها ..ولا حتى سمعت شو قال .. عيونها معلقة بمالك وقلبها بيعتصر من البؤس المرسوم على وجهه .. خطت خطوة وحده لحتى صارت امامه مباشرة .... رفعت ايدها السليمه لوجهه وحطتها على خده .. و بشفايف مرتجفه همست .. انا اسفة لأنك اضطريت تسمع هالكلام واسفه انك اضطريت تدافع عن حالك امامي .. شو ماكان الماضي .. انا مابيهمني ......... بأمل لمعت عيون مالك وهو بيهمس باسمها .. شيري !! ............... كملت وهي بتطلع بعيونه بحب .. انا مابعرف الا مالك واحد .. مالك الى كان ساكن بالشقة جنبي .. مالك الحنون .. الملتزم .. مالك الى بيخاف علي من النسمه الطايره .. مالك الى طير عقلي وخطف قلبي بحبه .. مالك الى بيغمرني بحبه وبيضمني لحضنه ليحميني حتى من الكوابيس باحلامي ............. التفتت لأبوها وقالت بصوت جاد .. الى قلته كله مابيهمني .. ولا حيغير نظرتي لزوجي .............. تقدمت خطوة لأبوها وهي بتطلع بعيونه بقوة .. كلنا بنغلط .. المهم نصحح الغلط ومانستمر فيه ..... شاورت على ابوها بإتهام وهي بتكمل .. انت نفسك غلطت كتير ................... صرخ فيها جلال .. شهيناز احترمي نفسك .. انت كيف بتحكي معي بهالطريقة !؟ ................. اطلعت فيه لثواني قبل ماتقول وهي بتلف جهة مالك .. معك حق .. كيف تجرأت!! .. مسكت ايد مالك وهي بتقول .. يالله حبيبي خلينا نحترم حالنا ونمشي ................. بحركة مباغته سحبها جلال من ايدها المصابه فصرخت من الألم قبل مايوقف مالك بينها وبين جلال ويمسك ايد جلال بقوة ويضغط عليها ليمنعه من اخذها معه .. عيونهم اللتقت بنظرات ناريه قبل مايقول مالك بصوت متوعد .. اترك مرتي .. ماسمعت شو قالت .. مابدها تروح معك .. وانا قلت لك مارح اخليك تاخذها غصب عنها لو شو ماكان الثمن .. وتأكد ياجلال رح تلاقيني دائما بينكم ....... ضغط على ايد جلال بقوة لحتى يضطره يفتح ايده ويترك شهيناز ............ ترك جلال ايدها وهو بيصرخ .. انت مجنونه .. انت اصلا مخدوعه فيه .. كل الى عشتيه مو حقيقة .. كان مؤامره من امك ضدي .................. حاوط مالك اكتافها وقربها منه ليبعدها عن جلال الى واضح انه فقط السيطرة على اعصابه .............. كمل جلال .. استأجارك في هالعمارة بالذات وتعرفك على هالصعلوك كان خطة من امك .. كل هذا كان بالتعاون مع ام رنا .. امك بدها تدمرني وتنتقم مني مو عارف ليش !! .. انت وقعتي ضحية لمخططاتها .. اصحي شهيناز واطلعي من المؤامره الى عايشتيها .. هاي ماهي الحياة الى بتحلمي فيها .. هاي حياة رسمتلك اياها امك .. امك الحقوده .................... التفت الجميع لصوت الضحكة الجاي من طرف السيارات السود .. 2 من رجال جلال ماسكين حنان وام رنا وبيسحبوهم كأنهم ساحبين مجرمين !!..... كملت حنان .. حقوده!! البركه بالعيشه الى عشتها معك .. وبعدين لا تنسى ياجلال انا تعلمت من الماستر ................ التفت جلال لها وصرخ فيها بغضب .. اخرسي .. عيشتك عيشة مابتحلمي فيها ابدا بس انت ناكره للجميل .................. بإستغراب ساخر سألته .. عنجد !؟ .. عيشه ما احلم فيها !! .. ليش كيف كنت عايشة قبل مااتزوجك !!؟ .... احتدت نبرتها وهي بتكمل .. لا تنسى حالك ياجلال .. انا حنان بنت الحسب والنسب .. لا تنسى انك ماشفت النعمة الا لما تزوجتني ...................... بخطوات سريعة كان جلال صار جنبها وشدها من ايدها وصار يهزها بعنف وهو بيقول .. اخرسي قبل ما اذبحك ..................... رفعت راسها بتحدي امامه .. دخيلك اذبحني .. الموت احسن من هالعيشة .. ضحكت على ابي واخذت كل املاكه وبسببك مات بحسرته .. امي سافرت عند اهلها وماشفتها ولا حتى قدرت احضر جنازتها بسببك .. حتى لما ربي رزقني اولاد حرمتني منهم .. ليش بتكرهنا هالقد ياجلال !! .. شو عمل لك ابي وشو عملت لك انا !؟ .. بابا عاملك كأبنه الى ماجابه وامنك على كلشي .. انت طعنته بظهره بأقرب فرصه وخنته وخنت الأمانه الى سلمك اياها ............ اطلعت حوليها وهي بتكمل .. كل العز والإمبراطورية الى بيفتخر فيها جلال بيك اساسها اموال ابي .. ولا نسيت ياجلال !! .................. رجع هزها بعنف وهو بيهددها .. قلت لك اخرسي ........... ما اهتمت لتهديده وكملت.. سنين وانا بفكر انتقم منك ...... ابتسمت بإنتصار وهي بتضيف .. مابتتخيل كم كنت مستمتعه وانا اشوفك بتخسر حبيبة قلبك شيري .............. صوت الكف الى وقع على خد حنان خلي شهيناز تخبي وجهها بصدر مالك وهي بتبكي ... لفها مالك ومسح على ظهرها ليهديها وهو مو مسدق الى بيسمعه ............. حطت حنان ايدها على مكان الكف وكملت بحقد .. حرقت قلبك مثل ماحرقت قلب اهلي وحرقت قلبي على اولادي .. انت خسرت شيري للأبد ياجلال .. خسرت الشي الوحيد الى بتحبه وبيحبك .. شيري ماعادت إليك ولا بدها اياك .. شيري صارت ملك لرجل تاني .. شيري صارت ملك لمالك وانت مافيك تعمل شي ................. ضربها جلال كف تاني ليسكتها وهو بيصرخ فيها . اخرسي .. اخرسي قبل ما اذبحك ............ التفت على شهيناز وهو بيقول .. سامعة !! سدقتي انك ضحية لمؤامرة امك !! سدقتي اني الوحيد الى بتهمه مصلحتك !! .................... سحبت حنان ايدها من جلال و تقدمت من شهيناز وهي بتقول .. شيري .. لا تزعلي حبيبتي .. ماقصدي اذيكي .. وماكان عندي وسيله غيرك ....................... هزت شيري راسها وهي بتسد اذانها ودموعها بتنزل جريان على خدودها .............. كملت حنان .. الأمور تطورت بينك وبين مالك بطريقة كان لازم استفيد منها .. خطتي الأساسيه كانت غير حتى اسألي ام رنا .. انا ماكنت راسمه ابدا ان مالك يدخل حياتك بس كان وجوده ضروري ليكمل الإنتقام من ابوكي ......................... اطلعت فيها شيري بعدم تسديق .. حاولت تسيطر على الرجفة الى اعترت جمسها كله وهي بتقول .. مو مسدقة الى بسمعه .. انت امي ومصلحتي لازم تكون عندك اهم من اي شيء .. كيف بتعملي فيني هيك!! .. كيف بتلعبي بحياتي وبمشاعري كل هالسنين !! ........... مسكت بطنها بألم وهو بتنقل عيونها الباكيه بين حنان وجلال ..... كملت بصوت يادوب بيطلع من البكاء .. انا مو مسدقة انكم امي وابي .. اني حبيتكم !! ......... زاد اصفرار وجهها وهي بترجع خطوة لورا وبتكمل .. انا مابدي اكون منكم .. مابدي اياكم .. انا ............ ماقدرت تكمل كلامها .. رغبة شديدة بالإستفراغ راودتها وماقدرت تقاوم .. لفت بسرعة على جنب واستفرغت من القرف الى سمعته وماعادت تتحمله ومو قادره تتصورة ....... بقلق ساعدها مالك من غير مايقول ولا كلمة .......... دورت على منديل بجيب بنطلونها ومسحت فيه تمها وهي بتقول بوهن .. خلينا نمشي ...... وقفت وهي متمسكة فيه .. تجمعت الدموع بعيونها وبدأت تنهمر بغزاره على خدودها وهي بتطلع فيه وبتتوسله .. خدني بعيد من هون .. مابدي اشوفهم ابدا بحياتي .. الله يخليك خدني بعيد .................. قرب منها جلال وبصوت قلق نده لها .. شيري حبيبتي ................. قاطعته بصراخ باكي .. ابعد عني .. مابدي اياك ............ نقلت نظرها بين حنان وجلال وهي بتصرخ بغضب وبتبكي بنفس الوقت .. ابعدو عني .. لا تقربو مني .. لا تدخلوني بمشاكلكم .. بكفي .. دمرتو حياتي كفايه.. انا مابدي اياكم .. مابدي اياكم ................ ترنحت بتعب وهي بتحط ايدها على تمها لتمنع شهقتها وهي بتهمس .. بكرهكم ............. لف خصرها بلطف وسندها على صدره ليدعمها .. غمضت عيونها وهي بترجع براسها لورا لتسنده على صدره وبتهمس .. يالله نمشي ..................... بخطوات بطيئة راقبهم الجميع بيتجهو لسيارتهم .. قبل ماتدخل شهيناز السيارة التفتت على ام رنا الى قالت .. سامحيني شيري .. والله ماكان قصدي .. انا درويشه يابنتي ومابقدر اوقف امام الناس الكبار ............ اطلعت فيها بلوم قبل ماتدخل السيارة .... سكر مالك الباب وبسرعة لف للجهة الثانية .. قبل مايدخل قال لريان .. مشي معنا ريان ................. لا انا والشباب بنلحقكم هلأ .. طريق السلامه مالك ولا تنسى تتصل فيني لما توصل ................ هز مالك راسه بطيب والتفت على باقي الشباب ولوح لهم بأيده .. سلام شباب .. يعطيكم العافية ....... ودخل .. وخلال ثواني غابت السيارة عن انظار الجميع ................

وقف السيارة امام العمارة .. اطلع فيها وكيف وجهها مصفر حتى وهي نايمة .. طلب من الدكتور يعطيها مهدي بس هي رفضت .. نزل من سيارته ولف لجهتها ... فتح الباب وقرب منها وهو بيهمس .. شيري .. حبيبتي .. وصلنا ...... بتعب فتحت عيونها شوي ورجعت غمضتهم .. هزت راسها وهي بتهمس .. مابدي افيق .................... مسح وجهها بحب قبل ما يفتح الحزام ويحط ايداه تحتها ويشيلها ...... ماتحركت ولا فتحت عيونها .. بس قربت راسها من صدره ولفت راقبته بإيدها السليمة ............... دخل شقته وتوجه الى غرفة النوم وعلى مهل حطها فوق السرير ...... مافتحت عيونها ولا تحركت ولا حتى ساعدته بشيء .. بس لفت وجهها لطرف الثاني ........ بقي واقف يطلع فيها لحتى تأكد انها رجعت نامت .. رفع ايدها الملفوفه بضاغط وحطها جنبها ......... توجه للحمام وهو بيشحل ملابسه وبيرميهم على الأرض .. محتاج دوش ساخن يهدي عضلاته ويغسل اصاباته .... بعد ما طلع من الحمام اطلع بالمرايه على القطب الى بطرف جبينه .. لما تأكد ان كلشي تمام اخذ حبتين بندول وتوجه للسرير .. كشف اللحاف ودخل تحته وبقي لدقائق يتأمل وجهها النائم لحتى شوي شوي تسكرت عيونه من التعب وغط بنوم عميق .....

فتح عيونه على لمستها الناعمه لوجهه ..عيونها الحمرا والدبلانه كانت بتطلع فيه بحزن ..... مسك ايدها الى على خده وقربها من تمه وباسها ........ بصوت مبحوح همست .. ماعاد إلي غيرك ............... ابعد شعرها من على عيونها وهو بيهمس .. انا كلي إلك .. كل حياتي ملكك ....................... نزلت دمعه على خدها وهي بتكرر .. ماعاد إلي غيرك .............. دخل ايده تحتها ولفها وقربها لصدره وهو بيهمس بإذنها .. وانا ماعاد إلي غيرك .. لا تتخلي عني شيري .. انا مابقدر اعيش من غيرك .. انت قلبي وعمري وحبي وحياتي .................. خبت حالها بصدره زيادة وهي بتهمس .. مالك .. انا خايفه .. وقلقانه .. انا محتاجه ابكي بس تعبانه ومو قادره .. ماعاد فيني قوة حتى لأبكي ................. بلطف رفع راسها و طبع قبلات سريعة على عيونها الباكيه .. من اليوم مابدي هالعيون تبكي ابدا .. من اليوم ماعاد بدي تخافي او تقلقي من شي .. عيشي حياتك متل مابدك شيري .. وانا رح اكون جنبك دائما احميكي ................. الإصرار الى بعيونه ريحها وطمنها شوي .. نزلت عيونها لصدره العاري وبأصابعها بدأت تتحسسه لحتى وصلت لأكتافة .. رفعت نظرها له وهي بتهمس .. انت ملاكي الحارس ................... لمس انفها بأنفه .. وانت ملاكي الطاهر ............... قربت شفايفها من شفايفه وهمست وهي بتغمض عيونها على مهل .. انت حبيبي ......... همس بحب قبل ما تطبق شفايفه على شفايفها .. وانت كل حياتي ....

******

مسحت دموعها الى بتنزل بغزاره على خدودها قبل ما تحط الكتب الى بإيدها بالصندوق ......... رجعت تناولت مجموعة من الكتب من المكتبه ومشيت لوحده من الصناديق المفتوحه على الأرض .......... دخل سالم المكتب وبسرعة توجهه لها ولفها من ورا .. سند راسه على ظهرها وهو بيقول .. وبعدين حبيبتي !! ................. ماقدرت تتعمل وانفجرت بالبكاء ..... على مهل لفها سالم ليشوف وجهها .. مسح على وجهها بحب وهو بيهديها .. هششش .. حياتي لا تزعلي .. فكري الموضوع بشكل مختلف .. يمكن هلأ رح تعيشوا بطريقة طبيعيه اكثر .. مابدي اياكي تزعلي نزوكتي .. مابيهون علي دموعك حبيبتي ............... اطلعت فيه بعيونها الباكيه وهي بتقول .. شو متوقع مني ياسالم .. بابا وماما شرشحو بعض على العلن وهلأ الجرايد اكيد بدأت تكتب فضيحة العصر .. هذا غير شيري المنهاره تماما على حسب كلام مالك .. ومع كل الى صاير ولا واحد من اخوتي اتصل .. حتى معاذ الى كان احن واحد فيهم مابده يدخل بهالفضيحة وخايف على عيلته وعلى البزنس تبعه ............. تمسك بقميص سالم وهي بتضيف بتساؤل .. معقول لهالدرجة بتوصل الأنانية بالإنسان !! .. ليش اخوتنا الرجال مابيوقفوا معنا لما بنحتاجهم !! .. ليش الأمهات بتقتل حالها لتجيب صبيان !! مو منشان هالمواقف ............... خبت وجهها بصدر سالم وكملت بكاء .. ضمها سالم وباس راسها وهمس .. انت مرأة بدرزن رجال .. تحملتي جبروت ابوكي .. وضغط امك ... ساعدتي اختك الصغيره وحميتيها قدر الإمكان .. قمتي بواجباتي وضحيتي براحتك منشاني .. الى عمل كل هذا يانزوك بيقدر يواجه هالمشكلة المؤقته ................. سألته ووجهها لسى مخبى بصدره .. والفضيحة الى رح تنزل بالجرايد !؟ ............. لا تهتمي بالجرايد ولا بكلام الناس التافهه .. موجه ورح تعدي ورح ينساها الناس بأسرع مما تتخيلي ......... مسح على ظهرها وهو بيكمل .. اهتمي بالأشخاص الى حولك .. انت عملتي كتير ولسى قادره تعملي اكثر .. انت المرأة الحديديه القادره تعمل كل شي ... انت جوهره وانا المحظوظ الى حصل على قلبك ............. رفعت عيونها له وهي بتهمس .. دائما بتعرف كيف تحتوي مشاعري وتقلب مزاجي ............. باس خدها قبل مايسأل بمزح .. يعني خلص ماعاد في بكا ..................... اطلعت فيه بحيره وهي بتسأل .. شو لازم اعمل !!؟ كيف لازم اتصرف!؟ .................... مافي بأيدك تعملي شي .. خلي العاصفه تاخذ وقتها وتمر .. خليكي على تواصل مع ابوكي وامك .. لا تنسى انهم اهلك ومهما صار بيبقو اهلك .. اعرضي على امك تجي معنا اذا بدك ............ هزت راسها وهي بتقول .. ماما حتسافر عند اخوالها .............. ساعدي ابوكي قدر الإمكان بالشغل لحتى يتجازو هالمحنه و يدبر غيرك.. اعملي اي شي بيريحك وبيخلي هالعيون ماتبكي مره تانيه ...... سكت شوي قبل مايكمل .. حتى لو بدك تقعدي هون كم اسبوع لحتى تستقر الامور وبعدها تلحقيني .. ماعندي مانع .........................سندت راسها على صدره وهي بتهمس .. الله يخليلي اياك حبيبي ولا يحرمني منك .. عرضك بيعني لي كتير .. وانا متأكده انك قلت هيك بس منشاني ..... لفت ايداها حوليه وضمته بحب وهي بتضيف .. بس انا مافيني ابعد عن هالصدر الحنون لحظة .. اذا مافتحت عيوني بالليل وشفتك جنبي مابنام .. واذا ماسمعت ضحكتك الصبح كل نهاري بيتعكر .. واذا ماغمرتني بحبك ماممكن اعيش .............. ضمها سالم لصدره بحب وهو بيقول بمزح .. اتاريني ذو قوه فعاله !! ............. رفعت راسها له وهي بتقول .. فعالة كتير .. انت هديه من رب السما لي ياسالم بحمد ربي عليك ألف مره باليوم .. مابعرف شو عملت لحتى استاهلك !! ....... ابتسمت بحب وهي بتكمل .. بعدين انا بدي اكون اسره معك .. فلازم اكون جنبك دائما حتى نكون اسرتنا ....................... بفرح اتسعت عيون سالم وهو بيقول .. عنجد حبيبتي .. يعني رح يصير عنا بيبيات !!؟ .. ماعاد في قصة "نأجل الموضوع شوي منشان الشغل" او منشان "الوقت هلأ ابدا مو مناسب" !! ........... هزت راسها بأي ............... رفعها ودار فيها وهو بيقول .. هاي احلى خبريه سمعتها بحياتي ...... نزلها وبدأ يشلح جاكيته .......... ضحكت نازك .. سالم .. شو بتعمل !! .................... قرب منها وبدأ يفكفك ازرار فستانها وهو بيقول .. شوفي يانزوكتي لازم نبدأ من هلأ لأن من هلأ لعشر سنين اذا ماجبنا ولد كل سنه مابنلحق نجيب 12 ................... فتحت عيونها على الأخر .. 12 !! ................. اه حبيبتي 12 ويادوب .. انا لازم استثمر جمالك واجيب اولاد كتير حتى نحسن نسل البشريه .. انت مو شايفه الاشكال الى بنشوفها بالشوارع !! .. اصلا واجب على كل زوج عنده زوجه جميله وساحره وفاتنه متلك ان مايوقف خلفه ............. ضحكت .. نظريه غريبه .. طيب وبلكي طلعو بيشبهو سابع جد مثلا وكان مو حلو!؟ ................... قبل ما يجاوب سالم دق جوال نازك ... اتجهت لطاولة المكتب وتناولت جوالها .. التفتت لسالم وقالت بقلق .. هذا بابا .................

********