قلوب عاشقة❤ بقلم "هستريا"

التخرج

فات شهرين علي ابطلنا في الشهرين دول خلصو امتحانتهم وقربو جدا من بعض وبقو صحاب جدا .
ادم وفرح قربو من بعض وبقو صحاب بس فرح حاسه ان في حاجة بتجذبها ناحيه ادم ومش عارفة ايه هي.
حازم بيقرب من حياه وحياه معجبه بيه جدا وبخفة دمه وحاسة انها مشدوة له بس مش بتبين حتي لصحابها.
وبنسبة لشمس ورؤي دول مركزين بس علي مستقبلهم وتحديدا شمس مش بتدي اهتمام لأي حاجة غير دراستها وموهبتها الي بتحاول تنميها ورؤي مركزة بس في شغلها مع حازم ودراستها وبتحاول تتعلم من حازم عشان تحقق حلمها وتبقي مخرجة وشمس ورؤي الاتنين مش عارفين ايه الي مستنيهم في المستقبل.
(يوم التخرج )
ادم طلع الاول علي دفعته، وحياه طلعت التانيه.
شمس طلعت الاولي علي دفعتها وفرح كذلك.
وحازم طلع الاول ورؤي التانيه.
كل واحد اتكرم مع دفعته وخرجو اتقابلو برة وكل واحد كان معاه اهله.
شمس:بابا احب اعرفك دول ادم وحازم صحابنا
عزالدين بأبتسامة:اهلا يا ولاد شمس حكتلي عنكو كتير وديما بتشكر فيكو
حازم بأبتسامة:ربنا يخليك يا انكل
عزالدين بأبتسامة:لا انكل ايه قولي عم عز زي العيال دول كدا
حازم :تمام يا عم عز
امجد ابو رؤي:ازيك يا حازم رؤي حاكتلي كتير عنك وعن شغلك
حازم بأبتسامة:شكرا يا عمو والله رؤي دي دراعي اليمين مش بقدر اشتغل من غيرها
عبدالعزيز ابو فرح:ازيك يا ادم
ادم بابتسامة:الحمد لله يا انكل
عبدالعزيز:بس انت طلعت احلي من ما فرح كانت بتقول
فرح بصدمة:ايييييه ايه ايه يا بابا بس يا حبيبي
عبدالعزيز بضحك:في ايه مش انتي الي قولتي انه حلو اوي وكيوت ولذيذ و
فرح مقاطعة:وبس بس مقلتش حاجة تاني خلاص هتفضحني يا حجوج
ليلي مامت فرح:يبت بتسكتي ابوكي ليه مش انتي الي بتقولي كدة وتقعدي تمسكي دبدوبك وتسرحي وتوصفي فيه
فرح بصدمة:انا
شمس بضحك:ايون حصل وانا الدبدوب
فرح:دة انتو متفقين عليا بقي
حازم وهو بيضحك جامد علي منظر فرح:هههههههههه مش ممكن هموت من الضحك ياجدعان
فخر الدين ابو حياه بضحك:جرا ايه يا عبدالعزيز بطل تحرج بنتك بقي الله
وقضو وقتهم بين ضحك وهزار
اسماء مامت حازم:ولا يا حازم بقولك ايه
حازم :نعم يا ماما خير
اسماء:انت مقولتش لأدهم يجي ليه اهو كان يخرج شويه يفك عن نفسه
حازم:منا كلمته بس طلع عنده مهمة
اسماء:طب واسر مكلمتوش ليه برضو
(اسر يبقي صاحب حازم بس اكبر من حازم)
حازم:كلمته بس انتي عارفة هو مش بيحب التجمعات
اسماء:خلاص يا حبيبي .
وبعد كدة مشيو الاهالي كلهم
حازم:ها هنعمل ايه بقي
فرح بغمزة:سيبها عليا دي يا معلم
حازم وادم:انا مش متفأل
شمس:لا متقلقوش هنتبسط اوي
فرح:طب حاليا انا عايزة اكل
حازم:طب يلاانا هوديكو احسن مطعم وانا الي هعزمكم
شمس:بص يا زوما من نحية هتعزمنا فأنت هتعزمنا بس مش في احسن مطعم
ادم بأستغراب:اومال فين
شمس:تعالو ورايه
خدتهم شمس علشان ياكلو ووصلو المكان الي هياكلو فيه
حازم بصدمة:كبدة !!كبدة يا شمس ومن علي عربيه كمان
شمس:مش شامم الريحة مهفهفة ازاي
ادم بقرف:مهفهفة دي تقرف
فرح بتسأل شمس:بت يا شمس عشر سندواتشات يكفو
شمس:يكفوكي انتي اة
جريت فرح عشان تجيب لنفسها
حياة:انا هجيب خمسة بس اصلي مش جعانة اوي
حازم:اومال لو جعانة هتعملي ايه هتكلي العربية بالراجل
وجريت هي كمان لعربية الكبدة
رؤي:طب واضح انهم بعونا هروح اجيب ليكي وليا
شمس:اشطا يا رورو هتيلي اربعة كفتة وتلاتة سجق وخمسة كبدة عشان بحب الكبدة ... اة وقوليلو يكتر المخلل عشان بحب المخلل برضه
رؤي:ماشي
كل دة تحت نظرات ادم وحازم الي باين عليها الدهشة والصدمة
شمس :ايه ياجدعان هتفضلو متنحين كدا مش هتاكلو
ادم بقرف:انا اكل من الكلام دة لا يمكن
حازم :انا مستحيل اقرب من الاكل دة
عدي شويه وقت
شمس بتريقة:ها زوما اخبار الكبدة ايه
حازم وهو بياكل:تجنن
فرح :ايه يا ادم حلوالسجق
ادم:دة تحفة
رؤي بتريقة:اومال ايه مش هناكل ويع وإخيه
حازم:يتقطع لساني قبل مقول كدا
حياة بأبتسامة هاديه:خلاص يا جماعة بالهنا والشفا
حازم بأبتسامة:احلي بالهنا والشفا سمعتها في حياتي
شمس :لا يا شيخ طب اطفح يا حازم
حازم بضيق مصطنع:منا بطفح اهو عيلة فصيلة
بعد مخلصو اكل
حازم :ها هنروح فين
فرح ببساطة: دريم بارك
حازم:ماشي يلا اييههههه
شمس بضحك:انت جي انهاردة تتصدم بس
حازم:مهو انتو الي بتعملو حجات غريبة انهاردة
ادم:انا مش هروح انا مليش في الكلام دة
شمس:لا انا مش هرد ردي انتي يا فرح
فرح:هيجي هيجي متقلقيش
ادم بأبتسامة:واثقة اوي انتي
فرح : طبعا ... هتيجي ؟
ادم: هاجي ❤
شمس: شجرة ؟نجيب شجرة واتنين لمون ونروح احنا يعني ... يلا يعم النحنوح عايزين نركب
ادم:وهنركب ايه ان شاء الله وانا عربيتي مش معاية والا حازم كمان
رؤي:سهلة نطلب اوبر اطلبي اوبر يا بت يا فرح
فرح:من عونيا
حازم:وانهي اوبر دة الي هيخدنا كلنا
شمس:هيخدنا بس استني علي رزقك
وجه اوبر وركبه
البنات في الكنبة الي ورا وادم وحازم محشورين حرفيا في الكرسي الي قدام
ادم :الطويلة الهبلة الي قاعدة وراية وراشقة رجليها في ضهري
شمس:لموأخذة
فرح:بت يا حياة كوعك راشق في جنبي
حياه:سوري هتاخر اهو
رؤي:لا مهو انتي هتتخري كوعك هيرشق في جنبي انا
حياه:الله وانا اعملكو ايه يعني
حازم وكان شبه قاعد علي رجل ادم:ادم انت تقيل اوي كدا ليه
ادم:يا رااجل لا عندك حق ريح عليا كمان ريح افرش يلا وحط رجلك عند السواق
السواق كان ماسك نفسه من الضحك عليهم
حازم:كان ايه لزمتها الزنقة دي بس
رؤي:هو كدا يا بوص إذا كان عجبك
حازم:بتهكم :و ايه لزمتها بوص بقي متقولي يلا احسن
رؤي بضحك:متخليك فريش كدا دة احنا في رحلة
ووصلو دريم بارك
البنات كلهم كانو داخلين بيجرو وبيضحكو وشعرهم طاير وشكلهم يخطف القلب وقد كان فعلا في قلوب اتخطفت
حازم بأبتسامة حب:انا حاسس ان روحي بتتسحب مني يا بوب وقلبي مش في مكانة حاسه عايز يطير ويجري ورا الي خطفته من اول نظرة
ادم:وانا كمان يا حازم والله مش عارف ايه الي بيحصلي دة
حازم وهو بيبوص لأدم:دة الحب يا بوب
ادم:حب!!! ... معتقدش... دة مجرد اعجاب
حازم بتهكم:اعجاب ... ملكش في الطيب نصيب
دخلو كلهم يلعبو
شمس:بصو بقي احنا نبدأ بالشلال نتبل نركب بعديه الغسالة ننشف
حازم:يبنتي بس فتيي بقي
شمس:يلا بس نركب الشلال
وراحو ركبو الشلال وخلصو وخرجو
رؤي:يح يح اعدتي تقوليلي نقعد في اول صف نقعد في اول صف شوفتي اخرتها
شمس:دة احلي حاجة اول صف ايش فهمك انتي يلا بينا ع الغسالة
حياه:يبنتي ناخد نفسنا طيب
شمس:مفيش الكلام دة يلااا
وخلصو الغسالة وبعد كدا خرجو
فرح :حاسة ان في عصافير بتلف حوالين دماغي زي توم وجيري
شمس:ههههههههه فرح عملت دماغ
ادم:حسبي الله ونعم الوكيل
رؤي:وجيه دور بيت الرعب
حازم:ايون انا مستني الحتة دي من بدري انا وحياة هنركب عربيه مع بعض عشان متبقاش لوحدها
حياة:بس يا بابا
شمس بضحك:انا اسفة يا حازم اني هضتر اقطع خيالك الواسع دة لأن مفيش عربيات كلو بيخش مع بعضه ويخشو يلفو جوة وبعدين يطلعه
حازم:يا خسارة
ادم:طب يلا بينا
ودخلو بيت الرعب
جوة بيت الرعب
حازم:بت يا شمس ... يا شمس ... شاااامس
شمس بخضة:ايه يا حازم خضتني
حازم:انا شايف حاجة بتتحرك هناك
شمس ببساطة:لا دة عم ابراهيم
ادم بعد مسمع حوارهم: عم ابراهيم مين
حازم :اة مين
شمس:دة راجل كان من الناس الي كانت بتبني في دريم بارك هنا ومات هنا في النفس المكان دة وعفريته بيطلع
حازم بخوف:عفريته ؟
شمس:اة
حس حازم ان في حاجة مسكت رجله من تحت وحد حت ايده علي كتفه
حازم بخوف:شمس في حد ورايه
شمس وهي بتبوص وراه وبرقت:عم ابراهيم
فجأة لقت حازم جري وخرج برة وهو بيقول عم ابراهيم لا عم ابراهيم لا
فرح ورؤي:نياهاهاهاهاها شربها
ادم وهو بيضحك:يخربيتك يا شمس الواد قطع الخلف
حياة :حرام عليكو ليه كدا يلا نطلعله بقي
فرح ورؤي:يا حنينه
وخرجو كلهم وهما بيضحكو لقو حازم واقف
حازم بغيظ:انتو بتضحكو مش خايفين
ادم بضحك:شربتها يا كروديا ههههههههههه
حازم بأستغراب:شربتها!! هو ... دة ... كان
شمس وفرح:مقلب يا زوما
حازم بغيظ :يا ولاد ال
حياة برقة:خلاص يا حازم متزعلش نفسك هما بيهزرو
ليتحول حازم من الغيظ للسرحان و الهيام
حازم بحب:ياريت يهزرو كدا علي طول
رؤي:نحانيحو عايزين نلعب يلا
ادم بحماس:ها هنركب ايه تاني
فرح بأبتسامة: انت عايز تركب ايه
ادم:اي حاجة انا معرفش اسامي الالعاب الي هنا قولي انتي
شمس: وربنا لا انت ولا هي هقول انا احنا نركب الاعصار
حياة:لا انا مش بحب اللعبة دي
فرح:لا هتركبي مش كل مرة
حياة بخوف بسيط:بليز يا فرح مش عايزة
حازم حس بخوفها
رؤي :لا هتركبي ولا انتي خايفة
حياه:لا مش خايفة بس ... خلاص هركب يلا
حازم كان قلقان وهو شايفها خايفة وكان حاسس ان في حاجة هتحصل .
وراحو كلهم يركبو الاعصار .
اللعبة خلصت ونزلو كلهم
شمس ورؤي كانو دايخين وبيتسندو علي بعض واقعدو علي رصيف
فرح كانت نازلة بتتوح ودايخة وكانت هتتكعبل وتقع لولا ايدين ادم الي لحقتها ومسكها من وسطها وفضلو باصين لبعض شويه وعلي وش فرح ابتسامة خفيفة لكن ثواني وادم سابها و وقفت وشكرته وهي بتبصله بحزن وراحت قعدت جنب البنات
شمس : حياة فين يا جماعة؟
حياة مقمتش من علي الكرسي وراسها موطيه
وحزام الامان متفكش ومترفعش عنها
حازم باصلها:ايه يا حياة عايزة دور تاني ولا ايه
مردتش
حازم بقلق:حياة مالك فيكي ايه، ورفع راسها لقاها رجعت لورا وكان مغمي عليها
حازم بخوف وصوت عالي:حياه حياه فوقي ، وفك حزام حزام الامان وشالها
حازم:اطلب. الاسعاف يا ادم
الراجل الي بيشغل اللعبة:متقلقش يا باشا دي حاجة عاديه فوقهابشوية ميه.
حطها حازم علي الارض
حازم بخوف:ادم الحقني
كلو اتلم حوليها وفرح جابت ميه وشمس جابت برفيوم
شمس بخوف بس بتحاول تداريه:اهدي يا حازم عشان خاطري اهدي خد البرفيوم دة حاول تفوقها بيه .
وفرح رشت ميه علي وشها حازم بيشممها البرفيوم
لحد ما فاقت
اول ما فاقت حازم ضمها لحضنه وفضل حضنها جامد وخايف يخرجها من حضنه وهي لفت اديها حاوليه بس بعد كدا خدت بالها وبعدت عنه بسرعة
حياة:انا كويسه خلاص تعالي يا شمس سنديني
حازم وقف وقال بهمس لأدم:هو انا شفاف ولا ايه
ادم وهو بيكتم ضحكته:يلا يا جماعة نروح بقي عشان البت تستريح
فرح:عندك حق يلا
كلو مشي وكان جوا كل واحد مشاعر واحاسيس كتير مش قادر يفسرها
حازم حاسس احساس حلو اوي اتجاه حياه ... فقرر يقرب منها ويحسسها بحبه ليها بس هو مش شايف منها رد فعل ولا حاسس انها معجبة بيه او بتفكر فيه حاسس انو متلخبط واحساسه دة مخلي بيقدم رجل ويأخر رجل.
اما حياه فأعجبها بحازم كل يوم بيزيد مبقتش تقدر يعدي يوم متشوفهوش اومتشوفش ضحكته الي لما بيضحكهلها بتحس انها طايرة هي حاسة انها بتحبه بس عايزاه ينطق هو ويقولها، بس هينطق ازاي وهي مخبيه عنه كل مشاعرها.
فرح كل يوم احساسها اتجاه ادم بيزيد، علي قد ما شعورها بأنها بتحبه حلو علي قدم مهو مخوفها عشان هي عارفة انه بيتعامل معاها كاصديقة وبس مكنتش عارفة تعمل ايه غير انها تفضل تحبه جواها.
ادم شايف ان فرح بقت جزء مهم من حياته وانها افضل صديقه ليه واقرب حد ليه ، كان بيشوف فيها امه كان حاسس انها فيها شبه كبير منها ، وكل ما الوقت بيعدي كان بيتأكد انها مهمة عنده جدا ومش هيقدر يخسرها
بس مش عارف ومش قادر يفسر معني الاحساس الي اول مرة يحسه دة ايه وفرحته وضحكته الي مش بتبقي موجودة غير وهي موجودة حوليه دة معناه ايه. نام كل واحد وجواه كومة من المشاعر و الافكار ومحدش عارف ايه مستنيهم بعد كدا .
يتبع
-----------------------------------------------------------

يا جماعة الي يقرأ يكتب كومنت ويقول رأيه حلوة او وحشة عشان اعرف اكمل تنزيل ولا لا اة وكمان ڤوت معلش تعباكو معايه😂😂😂 وأتقلو علي الروايه يا جماعة لسةالتقيل كله جي😂😂😂😂