قلوب عاشقة❤ بقلم "هستريا"

غيره

(  في شركة ادم)
كان يجلس علي مكتبه يعمل لينتفض فجأه عندما يفتح الباب بقوة وتدخل فرح
فرح بأبتسامة وصوت مرتفع:مرحباااااااااا
ليبتسم هو علي طفولتها وتدخل سكرتيرته الخاصه خلفها وهي تقول بأنفعال: حضرتك مينفعش تدخلي كدا لو سمحتي اطلعي برة .
لتنظر فرح لها ببرود وتذهب تجلس علي الكرسي امام مكتب ادم
مني سكريترة ادم الخاصه: يفندم حاولت امنعها بس
ليقاطعها ادم بجمود: مدام ادم الشاذلي تتدخل وقت مهي عايزة
مني بعدما ادركت انها زوجته: انا اسفه يفندم عن أذنك
وخرجت ونظر ادم الي فرح رئاها تنظر له نظرة حالمه وعلي وجهها ابتسامه عاشقه ليطرقع بأصابعه  امام وجهها لتفوق هي من شرودها به وتبتسم بخجل
ادم بأبتسامة: ايه الي خلاكي تسيبي الجالاري وتيجي
فرح: خلصت بدري وكنت زهقانه قولت اعدي عليك نلم العيال ونخرج نقعد في اي حتي
ادم وهو يقف ويرتدي جاكيت البدله الخاص به: طب يلا بينا
فرح بأستغراب: ايه دة هو انت مش هتعمل فيها مهم بقي وتقولي وراك شغل
ذهب ادم إليها وامسك بيدها وقبلها ونظر في عينيها بحب وقال: انا لو عملت مهم علي كل الناس ومش فاضي افضالك انتي مخصوص يا فرحتي انتي مش اي حد
لتقترب هي منه وتطبع قبله سريعه علي وجنته
فرح بأبتسامه: طب يلا بينا
ادم وهو يمسك يدها: يلا
ذهبو الي حياه وأخذوها معهم وذهبو الي حازم وشمس ورؤي بالأستديو
في نفس الوقت ذهب ادهم ايضا لحازم
(في الاستديو)
ادهم بأتسامه: زومااا شوف جبتلك معايه ايه
حازم بأبتسامه قلقه: يا ساتر يا تري ايه
ادهم: تعالي يا سوزي
"لتدخل المدعوه سوزي فتاه بجسد منحوت وشعر اصفر قصير وترتدي ملابس تكشف اكثر من ما تخفي "
ادهم لحازم:ها ايه رأيك
سحب حازم ادهم من يده و وقف بجنب بعيد عنها
حازم بصدمة: انت جبتها منين دي يخربيتك
ادهم بأبتسامه: اتعرفت عليها في سهرة من سهراتي
حازم بضيق: الله يخربيتك انت وسهراتك بس الصراحه هي لايقه ع الدور
في نفس الوقت كانت شمس خارجه من مكتبها لتصادف فتاه تقف وحدها ولكنها أشبه بفتيات الليل
شمس لسوزي: يا انسه الكابريه في شارع الهرم مش هنا
سوزي بغرور: كباريه ايه دة انا هنا عشان الدور
شمس بصوت مرتفع: عشان ايه يا عنيه ؟!!!
اما عند حازم وادهم فأستمعو لصوت شمس المرتفع
حازم: عاجبك كدا اهي شمس شافتها
ادهم: انا كدا اترحم ع البت بقي
حازم بأبتسامة: تعالي طيب قبل ما شمس تمسك فيها
وذهبو لشمس
حازم: مالك يا شمس في ايه
شمس بغضب: احنا هنهزر يا حازم دور ايه الي جايه عشانه دي
حازم: اهدي بس انا هشرحلك هي مناسبه جدا للدور
سوزي بدلع وهي تنظر لحازم بنظرات أعجاب واضحه:هو حضرتك المخرج . ووضعت يدها علي كتفه وكانت شبه ملامسه لجسده،وفي نفس الوقت دخلت حياه وخلفها ادم وفرح
فرح بمرح بعد ان رأت سوزي تضع يدها علي كتف حازم: صلاة النبي احسن
حياه بصدمة: الي انا شايفاه دة بجد
فرح بأبتسامة: لا لا لا ازاي تحط ايديها علي كتفه كدا انتي هتسكتي ولا ايه يا حياه
نظرت لها حياه وذهبت مسرعة نحو حازم وسوزي وهي تتوعد لهم وعينيها تطق شرار
ادم وهو يضرب فرح علي رأسها بخفه: حريقه انتي
فرح بضحك: دي هتحلو اوي تعالي نتفرج
فجأه وجد حازم من يدفع بيد سوزي بعصبيه شديده
حياه بغضب شديد: شيلي ايدك دي لتوحشك
سوزي بأحتقار وهي تضع يدها علي كتف حازم: وانتي مين انتي بقي .
حياه وهي تدفع سوزي من كلا كتفيها بغضب وكادت ان تقع لولا انها سندت بيدها علي اسر الذي اتي هو ورؤي علي الصوت المرتفع.
حياه بغضب شديد: انا مرات الي حطه ايدك علي كتفه دة ولمي نفسك احسنلك
سوزي بعجرفه:انتي قليلة الادب ومش محترمه انا جايه هنا مع ادهم وأخدت الدور كمان.
شمس بصدمه: لا مسمعتش كويس جايه مع مين
فرح بمرحها المعتاد: ايوة ولعااااات
حياه وهي تشمر عن ساعديها: بقي انا قليلة الادب طب تعاليلي بقي
وقامت بجذب سوزي من شعرها وسوزي تصرخ بشدة وحازم يقف ينظر لهم بصدمة وزهول هو والباقي عدا الفتيات ، بعدما فاق حازم من زهوله حاول جذب حياه بعيدا عنها اما الفتيات
شمس بشماته: احسن احسن
فرح بمرح: ايوة يا يويو يا جامد لسة في شوية شعر مطلعوش
رؤي وهي تصفق بيدها: أديها علي بوزها
وبعد مرور بعض الوقت يأس حازم من نجاح محاولته ليلف يده حول خصرها ويرفعها عن الارض وهي تركل بقدمها في محاوله منها لركل سوزي ليأخذها حازم لغرفته
حازم بنفاذ صبر وهو يضعها ع الارض ومازال ممسك بخصرها : اهدي بقي اهدي يخربيتك ايه الباور دة
حياه بغضب: سيبني يا حازم لسة مخدتش حقي
وكادت ان تذهب ليجذيها حازم له من يدها
حازم بتهكم: حق ايه دة انتي طلعتي عين البت وبعدين هي عاملتلك حاجة اصلا
حياه وهي وصلت لقمة غضبها:مهي معملتليش انا عملتلك انت ازاي تسيبها تحط ايديها علي كتفك .... بقي انا عماله اجهز في شقتنا ومتبهدله بين شقتنا وتجهيزات الفرح وشغلي وانت هنا عمال تهزر وتضحك مع البنات .
واقتربت منه وامسكته من ياقة قميصه وجذبته لها لتنظر في عينيه وتقول بتحذير: إياك يا حازم إياك اشوف واحدة مقربه منك والله اموتك واموتها
كان حازم يشعر بسعادة كبيره بسبب غيرة حياته عليه التي حولتها من فتاه هادئه الي اخري مستعدة ان تفتك بمن تقترب منه ، ليقترب منها ويطبع قبله علي وجنتها ويبتعد عنها فيبتسم عندما يري احمرار وجنتها خجلا .
حياه بخجل: حازم عيب كدا
حازم بوله: يلاهوي علي حازم وهي طلعه من بوقك
حياه بخجل شديد:بس بقي يا حازم
حازم بسخريه: بس بقي يا حازم... الي يشوفك دلوقتي ميشوفكيش من شويه وانتي بتزعقي بعلو صوتك وتقولي دة جوزي
حياه : مهي الي نرفزتني
حازم بمرح: بس عاجبتيني وانتي بتقولي شيلي ايدك لتوحشك في تطورات ملحوظة
حياه بأحراج: بس يا رخم
ليضحك حازم عليها ويضمها لصدرة ويقول بحب: بحبك يا حياتي
في مكان اخر  في الاستوديو
سوزي وهي تمثل البكاء: شوفت الي حصلي يا ادهم انت لازم تجبلي حقي
ادهم وهو متعمد إيغاظة شمس التي تكاد تنفجر من الغضب:معلش يا بيبي حقك عليا
سوزي: انت ليه جيبتني هنا مع الناس دي
شمس بغضب: طبعا اكيد انت الي جيبها مهي شبهك
ادهم بغضب: انتي بتكلميني انا كدا
لتأخذه شمس من يده ويقفان في مكان منعزل قليلا عنهم
ادهم بأستغراب: ايه خير عايزة ايه
شمس بغضب: انت بتستهبل انت جايب واحدة بتشتغل في كباريه تشتغل معانا هنا
ادهم ببرود: ايه بستهبل دي وبعدين حازم هو الي طلب مودل فجبتهالو
شمس بغيظ: قالك مودل مش رقاصه من شارع الهرم
ادهم بخبث: وانتي مدايقة منها ليه
شمس بأرتباك نجحت في أخفائه: انا هدايق من الاشكال دي انا مدايقه عشان حياه وحازم اتخانقو
ادهم:مفيش خناقه ولا حاجة حياه اڤورت شويه بس وحازم زمانه بيصلحها
شمس بحدة: اڤورت ؟!!الغيرة عندك اسمها اڤورة .... اڤورت عشان مش عايزه واحده تلمس حبيبها ولا تبصله بعنيها يبقي هي كدا اوڤر .. بس هقول ايه مهو انت متعرفش يعني ايه حب ولا غيره ولا جربت احساس انك تحب اصلا ومين الي هترضي بيك  وانت حياتك اكيد مليانه من سوزي دي واشكلها انت  متستحقش انك تتحب اصلا
لتذهب وتتركه يتخبط بين مشاعره هو حقا لا يدري ما هو احساس الحب هو فقط يعرف احساس الفقد ان تفقد شخص عزيز عليك هي معها حق في ذالك ولكن ليس معها حق في انه لا يشعر بالغيره فهو يغار عليها ولا يدري لماذا ولكنه لا يطيق ان ينظر لها احد.