نسوان لازماتني مااعرفهن.. كان صوت صرختي هو الي بأذني وبس.. محد يتركني اروح ورا امي.. بين ماجابو تابوتها اني انتهيت اله شوي.. طلعت حركه امي وحركه كوثر وحركه الزمن الاغبر.. مابقوهه بس شويه.. شويه.. ماشبعتني شوف منها.. فتحت التابوت وردت انام وياهه.. محد يخليني اروح وياهه.. شالوهه.. بعد مكدرتلي وحده.. ملخت اديهن وطلعت وراهه.. مااهتميت للزلم والهوسه.. وماادري بنفسي طالعه مفرعه. مدري منو ذبت عبايه عليه.. خلوهه ع السياره.. واصرخ ولكم لا تاخذوها.. ولكم هاي امي.. اصيح ولك هيثم رجعها.. فيصل امي لا تدفنوها.. ردت اصعد ع السياره ومدري منو جرني جر للبيت.. باوعت شفته فلاح و مأمون.. فلاح يعيط عليه ولج كافي فضحتينا .. كافي اترحميلها راح تعذبيها هيج.. عطت بي واني ادك ع صدري..:امي ماماتت.. لا تكول اترحميلها.. امي ماماتت.. تسمممممع! مأمون :كافي اسيل.. اهدي انتي مو صغيره.. تخبلت كمت اضرب ع نفسي .. ملخت شعري.. اجن نسوان عليه.. لزمني والتمن عليه خنكني خنك.. اسمع مأمون يكلهن وخرن عوفنها.. صار هو كبالي.. لزم وجهي بأثنين ادي.. باوع بعيني وكال:اسيل.. كلنا نموت.. وهذا يومها.. انتي مو مؤمنه؟ متعرفين هذا الطريق نهايتنه كلنا؟! كافي تعذبين نفسج وتعذبيها.. ادعيلها.. دكيت ع رجليه وعطت بي امي ماماتت اكلك.. ماماتت! سحب راسي خلاه ع صدره.. كومني من مكاني.. وصاح لحنان.. اجت سندتني وهو هم ساندني.. وصلوني ع غرفه هيثم وحنان.. خلوني ع الفراش.. حنان طلعت بقى بس مأمون يمي.. غطاني وبقى يباوع بوجهي ويحجي هوايه.. مركزت ويا.. كال انتي المفروض تعرفين وتفهمين .. هذا مرضهه ىهذا يومهه.. وكافي لا تبجين ووو...بالي يم امي.. شلون راح يدفنوها.. وشلون يخلون التراب عليهه.. درت وجهي منه.. ماحسيت علي شوكت طلع واجت رواء.. بقت تبوس براسي وتصبر بيه.. ويا صبر اليفيد كلبي بعد عين امي.. ساعات مثل جهنم .. الوب وممصدكه امي راحت.. النسوان يدخلن عليه ويحجن ويطلعن.. يومين اني مثل الجثه.. لا عقل بقى ولا روح .. امشي واتحرك واكول كذب هاي مو اني.. لو امي كذب ماماتت.. اي اني ماتأكدت .. اخذوهه وهي بعدهه عدله.. كنت اسوي نفسي نايمه.. حتى لااحد يجي يحجيلي بالصبر واتقبل هل شي.. لان مليت.. ومااريد اسمع هل احجي.. ومن تخف الرجل وبالليل تنام الناس اكعد اطلع ضيم كلبي.. احس حتى البجي مكافيني.. دخلت الغرفه الي كانت بيهه امي .. كل شي ممبقين منهه.. لا ثوب ولا فراش ولا اي شي.. خذوج مني وخذو كل شي يخصج يمه.. ماعافولي منج.. هيثم شوي حسيته لان.. وبي مشاعر مثل البشر.. من ماتت امي يله تغير وطلعهه.. اما فيصل سودة عليه مثل كلبي... مكسور كسر.. كل ماالاكي اشوف عيونه حمر .. حنان كنت احس اكو ورا حزنهه فرح.. وصدك.. بعد مامرن ايام.. رجعت ضحكتها ترس حلكها.. يمكن مو حقي اعتب عليهه لان الماتت مو امها.. بس ضحكهه وفرحهه مبالغ بيهن.. ماحترمت حزني وحزن خواني... اما ابويه.. مثل الصخر بعده.. لا انكسر ولا اهتز بي شي.. ويمكن هذا كله يكابر.. عمامي وولدهم بالذات معافونا.. اما بنات عمي ابو سلام يجن يذبن سم ويرحن.. بس رواء .. صح متكبرة بس ماحجت شي غثني.. وفرغت الغرفه من كل بشر.. لا اخت ولا ام.. وحدي مثل المجنونه.. حتى الرجل خفت.. قلت الناس التجي ىحتى اقاربنه هم .. اكعد وحدي.. السنطه والوحشه تكتل.. ع لحظة اتمنى ينكطع نفسي والحك امي.. شهر واكثر اني ع هل حال.. مالي خلك بس ابجي.. لو اشتغل حتى الهي نفسي لو اكعد وحدي بالغرفه.. كان يجي ابن هيثم مرات يحاجيني وهو الوحيد الي احاجي.. واصلا هو منو ويايه حتى يحاجيني.. حنان ملتهيه واخواني ميتواجدون.. وابويه ميدخل البيت اله لمن يسبح لو هيج صدف.. صار وقت الاربعينيه مال امي.. وكنت منتظرة حتى اروح واشوف .. حتى كلبي وعقلي يصدك.. لان ايام واني مامقتنعه امي ماتت.. كلت اي اخذوهه وهي عدله.. ودوهه مكان حتى يبعدوهه مني.. ليلتها مانمت.. منتظره الوقت يصير حتى اروح لامي.. نسوان عمامي وبناتهم وجناينهم وخالاتي واقاربنه .. اجو بيومهه.. لان مسوين ثواب وثاني يوم الفجر نطلع للمقبره.. اجه فيصل يمي بالليل.. كعدنا وحدنا بالغرفه.. بلا وعي مني سولفت سوالف امي كلها من كانت عايشه.. هيج امي حجت وهيج امي كالت.. هنا كعدت وهنا بجت.. لحد مافيصل نزلت دموعه.. اجه كعد بصفي.. خله راسي ع صدره وظل يبجي بدون صوت... بس دموعه تصب.. جلبت نفسي بي.. من زمان محتاجته.. اصرخ واكله فيصل لا تعوفني.. فيصل امي راحت لا تعوفني انت همين.. ظلينا نبجي لحد مانشفت دموعنا.. طلع وكال حضريلي قميصي الاسود باجر البسه.. كمت حضرتله ورخت لفراشي.. اريد عيني تغمض ماكو.. هواي افكار.. وهواي حزن بكلبي.. تخيلت راح اشوف قبر كوثر.. وحلفت مااوصله ولا اقرالهه فاتحه.. يمكن دقايق للي غمضت بيهن عيني وكعدت ع صوت فتح باب .. كانت حنان .. سوينا اني وياهه جاي.. شربت كوب لان راسي يريد ينفجر.. والبقيه تريكو وصلينا يله طلعنا.. كانت الدنيا بعدها مظلمه..اتمنى اغمض عيني وافتحها الكي نفسي
يم امي.. وياريت الكيها كاعده.. منتظرتني.. مثل ماكانت من اجي من المدرسه الكاهه كاعده بالمطبخ.. تحميلي وتصبلي.. اسولف الها عن يومي وهي سكته لو ترد عليه لو لا.. ومرات الكاهه عصبيه تعيط بيه وتسكتني.. يمه حتى عصبيتج اريدهه وحنيت الها..كل شي منج اريده.. مشت السياره.. وكلبي محمل هموم.. قضيت الطريق كله اباوع ع حافه الطريق.. لو ع العاكول لو الزبايل المشمره.. كانت السياره تمشي سريع .. وراسي داخ كد ماباوعت للطريق.. خليت راسي ع حافه المقعد الكدامي.. واباوع ع رجليه لخد ماوكفت السيارة .. مصدكت وصلنا.. نزلت مخبله .. امشي بلاوعي.. اشوف قبور .. حرت وين ابدي وادورها.. يتبع....
