Naaalala mo pa ba nung una tayong magkakilala?
Ang simpleng "kamusta", yumabong at nagbunga
Hindi mabilang na mensahe ang sa atin ay namagitan
Ang alam ko lang, ikaw lagi ang laman ng aking isipan
Araw-araw, ikaw at ako ang laging magkausap
Kuntento na kahit tayo'y hindi magkaharap
Ang pisikal na anyo natin ay hindi natin alintana
Dahil ang mahalaga, tayong dalawa ay masaya
Bakit daw kay bilis na ako'y nahulog sa iyo
Ni hindi ko nga alam kung lahat ng tinuran mo ay totoo
Pag-ibig nga ba ang nadarama kong ito?
Kung hindi ito pag-ibig, ano palang tawag dito?