Aehtisham ky apartment main har koi afratafri main lg rha tha. Ismail, Izma aur woh teeno hi idhr udhr cheezain rakh rhe thy aur apne bags set kr rhe thy. Un sab ny aj Murree jana tha. Karachi se aye hue ek hafte se zyada ho chuka tha. 2 din pehly Izma aur Ismail Islamabad aaye thy aur aj unho ny Muree jana tha. Arham ny bhi sath jana tha. Is liye unho ny soucha tha ky Arham pehly Aehtisham ky apartment ayega aur wahan se woh sab Aehtisham ki gari main pehly Amal ko pick krein gy aur phir wahan se hi woh sab chale jaengy. Arham abhi tk ni aya tha isi liye woh log apni tayarion main masroof thy. Izma kitchen main thi aur woh sandwich bna rhi thi kyunke Ismail ny us se unki khwahish ki thi. 18 saal ka ismail bags utha ky gari main rakh rha tha. Unho ny 5 din wahan rehna tha. Aur Aehtisham tyar ho rha tha. Taqreeban 10 min baad apartment ki bell baji tou Ismail ny darwaza khola. Samne Arham khara tha. Usky kandhe py uska chota travelling bag tha aur woh tayar nazar aa rha tha. Arham se bag le ky Ismail ny woh bhi gari main rakh diya aur woh dono ander aa gye. Izma tab tk sandwich bna chuki thi. Aehtisham bhi tayar ho ky bahir aagya tha. Usne white t-shirt ky sath blue jeans pehn rakhi thin . Aehtisham bahir aya tou baqi sab bhi cheezain uthane lagy. Unho ny mill ky apartment lock kiya aur snacks le ky gari main beth gye. Ab unhe Amal ky ghar jana tha takay usay pick kr sakain. Amal ky ghar ja ky Aehtisham ny gate py gari roki aur khud utar gya aur ja ky bell di. Ek min baad Amal aur Dr saba bahir aa gyein. Amal ka bag Dr saba ky hath main tha. Aehtisham ny aagy barh ky bag un se le liya aur Amal ko sath liye gari ky pas agya. Woh ander beth gye aur Aehtisham ny uska bag peechay rakh diya. Phir woh log jaane ky liye chal pare
________________________________________
Murree pohunchne ky baad unhe hotel dhunde aur booking krwane main masla hua. Chuttiyon ky din thy is wajha se har traf rash tha. Tabhi Aehtisham ny murree se thora sa dur ek ilaqay ki taraf jane ka irada kiya. Woh bs muree se kuch hi dur tha laikin wahan rush ni tha. Us ilaqay main ane ky baad ab unhe koi hotel dhundna tha jahan jagah bhi ho aur woh suitable bhi ho. Woh kafi dair tk dhundte rhe aur phir bilakhir unhe ek hotel nazar aa hi gya. Jo khoobsurat bhi tha aur zra height py tha. Wahan se veiws achy aty thy. Aehtsiham aur Arham ny counter py jaa ky booking krwae. Unho ny 2 kamre book krwae. Ek Izma aur Amal ka aur dusra Aehtisham Arham aur Ismail ka. Woh log kyunke sham ko nikle thy tou muree pohunchne aur hotel dhundne main unhe rat ho chuki rhi. Is liye sab sone ky liye chale gye.
________________________________
Agle din subah 9 bje tk woh sab jag chuke thy. Hotel ky pas bne ek resturant se un sab ny nashta kiya aur phir souchne lgy ky aj kidhr jaya jaye. Woh log kyunke murree se dur thy tabhi unhein abhi pehly murree jana tha aur tab woh aagy kisi point py ja sakty thy. Plan bna ky 11 bje woh log hotel se nikle aur Muree ki traf jane wale sarak py jane lagy. Gaari Aehtisham normal speed se chala rha tha. Sarak puri khali thi. Gari main bethay baaqi log apni baaton main masroof thy aur gari main halka sa music bhi lga hua tha. Us ilaqay se murree jane main adha ghanta lgta tha aur abhi unho ny sirf 15 min ka safar kiya tha. Aehtisham khamoshi se gari chala rha tha jab ek gari ny usay overtake krne ki koshish ki. Aehtisham ki gari kyunke normal speed py thi tabhi usne aram se us gari ko jagah de di. Gaari wala kafi speed se chala rha tha. number plate py likhy gari ky model sy woh brand new lg rhi thi. Aehtisham ny us gari ko ignore kiya aur dubara samne dekhty hue gari chalane lga. Abhi woh thore hi aagy gye thy jab unhe ek zordar awaz aaye.
"yeh kya hua? " Arham chonka.
"pta ni yr" Aehtisham ny uski traf dekha.
Usne gari ek dum rok di thi. Ek lamhe rukne ky bad unho ny gari dubara start ki ky shyd dur kahin kuch hua ho. Thori si drive ky baad usay ek jagah py 2 gariyan sath khari nazar aain. Us ky log utar ky neechay khaye main jhank rhe thy. Un dono gariyo ki wajha se sark taqreeban band thi. Aehtisham ny bhi gari rok di. Woh aur Arham neechy utar aaye. Sab logo ky Sath unho ny bhi khaye main jhanka. Neechay dekh ky unhe ek dum se jhatka lga. Unhe aesy lga jesy zameen un ky paon ky neechy sy kisi ny khench li ho. Abhi jo gari kuch dair pehly intihae speed main unhe overtake kr ky gye thi woh khaye main tooti hui pari thi aur ird gird gaari ky sheeshay bikhre hue thy. Aehtisham ny peechay murr ky ek larke se us ky bare main poucha tou woh btane lga ky yeh gari un ky samne speed control ni kr saki aur is turn ky aane py seedha khaye ky ander gir gye. Aehtisham ny ek gehra sans liya. Woh wapis gari ki traf murra. Jesy hi usne rukh mora usay usi khaye ky pas Amal khari hui nazar aaye. Aehtisham heran ho ky us ky pas gya. Amal aankhein choti kiye intihae ghor se khaye ko dekhi ja rhi thi. Aehtisham kuch bolne lga tha laikin woh foran chuo hogya. Amal is bar waqae kuch yad krne ki koshish kr rhi thi. Izma us traf Amal ky peechay bhagti hui aaye laikin Aehtisham ny ishara kr ky usay khamosh hone ka aur wapis jane ko kaha. Woh phir dubara Amal ky pas aya. Kisi aesy shaks ki jis ki yadasht khoye hou. Usay jab aesy kuch yad aa rha hou tou us se ahista awaz main sawal krty hain takay us ka dimagh sirf jawab souche. Sawal ni. Aur usay yad krne main asani ho. Woh gari wala tou badqismat tha jo apni jan se hath dho betha. Magar woh log shyd lucky thy jou unhe ny bilkul usi tarah ka accident dubara dekha jesa dekh ky Amal ki yadasht khoye thi.
Aehtisham us ky pas khara ho gya.
"kya hua? " aehtisham ny intihae ahista awaz main poucha. Takay woh chonke ni. Apni souchon se bahir na aye.
"zu... Zuha! " Amal ny ahista awaz main jawab diya. Aehtisham ky chehre py muskurahat dor gy. Woh ahista ahista yad kr rhi thi. Accident dekh ky usay woh accident yad agya tha. Aehtisham ny peechay dekha ky woh gari wale log abhi tk wahan hain ky ni. Laikin woh ab tk jaa chuke thy.
"kya zuha ka bhi aesa hi accident hua tha? " Aehtisham ny dubara ahista awaz main poucha.
"han" Amal ny musalsal khaye ko ghoorte hue jawab diya.
"hoorain? " Aehtisham ny is bar uska nam liya.
Hoorain ny chehra mor ky usay dekha. Aehtisham ko dubara khushi hui.
"Hoorain! " usne dubara se kaha.
Hoorain usay dekhti rhi. Phir usne apni aankhein band kr liin. Usay jesay sab yad aa rha tha. Beech main usne achanak aankhein khol ky usay dekha. Uska chehra ghor se dekha.
"aehtisham" hoorain ny pukara.
"han hoorain? ". Aehtisham ny jawab diya. Woh Aehtisham ko pehchan chuki thi kyunke woh jab tk Amal thi tab tk woh usay Dr Sham bulati thi.yun direct nam kabhi ni liya tha us ny.
"Zuha kahan hai? Woh woh us..." usne baat adhuri chor di.
"kya hua tha zuha ko hoorain? . Mujhe btao". Aehtisham ny kaha.
Hoorain bs usay dekhti rhi.
"yad kro hoorain. Yad krke btao. Kya hua tha zuha ky sath? " Aehtisham ny kaha.
"us py woh truck......us ky upar se truck guzra tha" Hoorain ny usay darte hue btaya.
"woh kahan hai Aehtisham? " usne dubara kaha.
"relax. Btata hun tumhein." Aehtisham ny kaha.
"tum dekho kya woh aesi jagah thi jahan Zuha ky upar se truck guzra tha? " Aehtisham ny ek bar phir uska dehan samne khaye ki traf krwayamwoh chahta tha woh thora aur souche. Yadasht wapid laane ky liye souchna buhat zaruri hota hai. Apne bare main souchna. Hoorain buhat lucky thi ky usne wesa hi accident dubara dekha tha. Milty julty hadson ko dekh ky yadasht ka mareez foran bhi sab yad krleta hai. Aur Hoorain ky sath is waqt yehi ho rha tha. Usne bilkul wesa hi hadsa, wesi hi awazein dubara se suni thiin. Aur is cheez ny usky dimagh ko foran affect kiya. Dimagh ka woh soya hua hissa jaga diya jou kabse kuch bhi yad ni kr paa rha tha.
"ni woh aesi ni thi. " Hoorain ny btaya.
"Tum aao mery sath. Hum wapid chalty hain" Aehtisham ny kaha.
"laikin tum yahan kya kar rhe ho? Tum Karachi main thy jab" Hoorain ny kaha.
"tum aao mery sath" Aehtisham ny kaha. Aur aagy chalne lga. Hoorain us ky peechay peechay chalne lagi. Aehtisham gari ky pas jaa ky usay ander bethne ko kaha aur khud rescue walon ko call krke location bta di ky yahan ek accident hua hai.
Aehtisham dubara gari main beth gya. Usne sab ko khamosh rehne ka kaha. Sab pehly bhi khamosh hi thy. Shyd Arham ny unhe bta diya tha. Woh khud bhi samjh sakta tha. Hoorain ek 2 min gari se bahir dekhti rhi phir usne gaari ky ander sab logo ko dekha. Us ky barabar main ek slim smart si larki bethi thi. Jis ky baal high poni main thy. Uski shakal hoorain ko yad aaye. Hoorain ny usay ghor se dekha uski aankhein, chehra. Izma!!! . Us ky dimagh main roshni aaye. Izma ky sath bethy larke ko dekha. Woh usay pehchan ni saki. Woh koi bara larka tha. Jis ky chehre py halki halki beard thi aur aankhein Aehtisham jesi thiin. Woh hoorain ki traf hi dekh rha tha. "hoor api? " Us larke ny beikhtiar kaha. Uski awaz, woh kisi se milti julti thi. " Tum tou.. Tum tou Ismail ho" Hoorain ny kaha.
"han tou woh Ismail hi hainna" Izma ny kaha. Usay andaza tha ky hoorain yad kr rhi hai laikin usay lga woh wesy hi uska nam le rhi hai. Kyunke Amal hoty hue bhi usay Ismail ka nam pta tha.
"laikin Ismail tou chota sa...." Hoorain ny kaha aur phir woh foran chuo ho gye. Usay sab yad agya tha. Ismail ko dekh ky usay 7 sal pehly wale ismail ka chehra yad krna para tha. Is wajha se woh sirf accident wale din ky ilawa baqi sab kuch bhi yad krne main kamyab hogye thi . Aehtisham aur Arham dono khamosh thy. Aehtisham wapis hotel ki taraf ja rha tha. Unho ny aj ghoomne ka program cancel krdiya. "Hoorain" Izma ny is bar uska naam liya. Hoorain ny foran us ki taraf dekha. Izma ny usay gallay lga liya. Izma ki aankhon main aansu thy laikin hoorain abhi blank thi. Usay yad sab kuch agya tha laikin usay sari kahani abhi ni pta thi. Is wajha se woh samjh ni saki ky Izma akhir kyun roye. Hotel aa gya tou Aehtisham ny parking main gaari khari ki aur utar gya. Baqi sab log bhi utar gye.
"tum log jaa ky khana kha lena. Main Hoorain ky sath kha lun ga" Aehtisham ny kaha.
"Ao hoorain" usne us ki taraf dekha. Hoorain us ki taraf chali gye jabky Arham Izma aur Ismail hotel ky ander chaly gye. Aehtisham aur woh hotel ky ander ni gye woh parking se nikal ky hotel se bahir chale gye. Bahir khali road tha. Aehtisham khamoshi se road py chalne lga. Hoorain us ky sath chal rhi thi. Us din murree ka moasam buhat pyara tha. Asman py kaalay badal chaye hue thy aur thandi hawa chal rhi thi. Chalty chalty raste main road ky kone main kuch pathar pare nazar aye. Aehtisham ek pathar py beth gya aur Hoorain ko dusre py bethne ky liye kaha. Woh bhi jab beth gye tou Aehtisham ny baat shuru ki.
"tumhein kuch samjh aa rha hai? Ky kya ho rha hai? Kya keh rhe hain sab tum se? " Aehtisham ny poucha.
"mujhe kuch samjh ni aa rhi kisi ki bhi. Sab buhat ajeeb baatein kr rhe hain. Aur Ismail. Woh itna bara kyun hai? Aehtisham woh hamara choty wala ismail ni haina? " Hoorain ny poucha.
"woh wohi Ismail hai Hoor" Aehtisham ny btaya.
"laikin kesy? " Hoorain ny poucha.
"main tumhein sab btata hun. Sab kuch. Ab bs ghor se sab kuch sun na" Aehtisham ny kaha.
"hoorain tumhein yad hainna tum kis ki beti ho?.
Mazhar naam hai tumhare baap ka. Aur Hoorain Mazhar ho tum. Kya tumhein yad hai? " Aehtisham ny kaha. Aur sath apni pent ki pocket sy apna phone nikala. Wahan un dono ki engagement ki kuch photos thin. Aehtisham ny Mazhar sahab py zoom kiya aur unka chehra Hoorain ko dikhaya.
"baba" hoorain ny dekh ky kaha.
Aur yeh tumhari maa hain. Sadia nam hai inka. Tumhein yad hainna? " Aehtsiham ny Sadia ky chehre py zoom kr ky kaha.
"hoorain ek lamhe unhe dekhti rhi. Han yad hai. Mama hain yeh" usne kaha.
"Aur inko pehchanti ho? " Aehtisham ny Azhar sahab ki taraf zoom kiya.
"yeh taya aba hain" hoorain ny ek min souch ky kaha. "aur yeh taye ami" hoorain ny usky hath se phone le liya aur us py dekh ky kaha. Usne zoom khatam kiya tou un dono ki engagement ki photos thiin. Hoorain ny apna hath utha ky dekha. Wahan koi ring ni thi. Usne foran Aehtisham ko dekha.
"btata hun sab" Aehtisham samjh ky bola.
" hoorain tumhein yad hainna hamari mangni hui hai. Us mangni ky baad tumhari university ka trip tha. Jahan tumne jana tha. Tum wahan gye thi aur tumne mujhe yeh msg bheja tha. " Aehtisham ny Email kholi aur wahan purane drafts mainse ek screenshot nikal ky usay dikhaye. Us main hoorain ki tarag se msg likha tha. Hoorain ny woh msg parha. Woh msg dekh ky usay mazeed cheezain yad aayein.
"tumne yeh msg bheja tha aur us ky bad pta ni kya hua tumhare sath. Mujhe ni pta.... " Aehtisham bol rha tha jab hoorain ny uski baat kaati.
"maine yeh msg tumhein kiya tha jab Zuha fresh hone chali gye thi. Yeh msg krke maine apna sweater aur shoes pehne. Aur zuha ka wait krne lagi. " ab Hoorain bta rhi thi aur Aehtisham sun rha tha. Usay khushi hui ky Hoorain khud souch ky yad krke usay bta rhi hai.
"kuch dair bad zuha bahir aye tou hum bahir nikal gye. Sab soye hue thy humne kisi ko ni btaya bs khud enjoy krne nikal gye. Hum photos le rhe thy khush ho rhe thy. Phir hum road py beth gye aur upar lambe darakhto ko dekhne lagy. Ky tabhi... " Hoorain khamosh ho gye. Uski aankhon se aansu aane lagy.
"ro mat hoorain. Mujhe btao kya hua tha phir? "
Hoorain ny ek hath se aone aansu saf kiye.
"phir ek truck aa gya. Us ki breaks fail thin.... " Hoorain ny kaha.
"phir? "
"us truck ko dekh ky hum foran khare hue magar woh speed main tha aur ruk bhi ni sakta tha. Woh wahan tk pohunch gya" hoorain phir khamosh ho gye.
"phir kya hua hoorain? " Aehtisham ny poucha
"main khari hogye laikin abhi hati ni thi Zuha ny mujhe dhaka de diya. Main truck ky samne se hat gye laikin tab tk truck aa gya usne Zuha ko.... " hoorain rone lagi.
"hoorain ro mat" Aehtisham ny uska hath pakra.
"main hun na tumhare sath" usne kaha.
"zuha mar gye thi Aehtisham. Maine khud dekha tha. Main qaabu ni rakh saki aur phir peechay gir gye. Laikin mujhe ni pta Zuha kahan gye. Uski laash kahan gye. Zuha meri wajha se mari thi Aehtisham. Mujhe pta hai" Hoorain ny kaha.
"woh tumhari wajha se ni mari thi. Uska waqt aya hua tha" Aehtisham ny aram se kaha.
"laikin usne mujhe bacha liya". Hoorain ny kaha.
"usne tumhein is liye bacha liya kyunke tumhari zindagi abhi baqi thi. Zuha ek waseela bn gye. Us ny tumhein bacha liya" Aehtisham ny kaha.
"laikin main tou bach gye par Zuha? Woh pta ni kahan hogi. Uska kisi ko pta bhi hoga ky ni" Hoorain ny kaha.
"Woh jesy ky tumne kaha hai, mar chuki hai. Laikin uska sab ko pta hai. Humne khud usay dafnaya. Maine uski qabar py khud mitti dali hai" Aehtisham ny kaha.
"Tum logo ny dafnaya hai? " Hoorain heran hui.
"han, humain lga woh tum ho. Humne tumhein samjh ky dafnaya tha Hoorain. Hum samjhty thy Zuha gayab hai. " Aehtisham ny kaha. Hoorain ko uski baat samjh ni aye.
Aehtisham ny ab sab kuch tafseel se btana shuru krdiya. Rescue walon ki call se le ky Zuha ky jinaze tk. Aur phir uska wapis Islamabad ajana. Karachi main sab logo ky halat. Izma ka nikkah. Mazhar sahab ka apne ghar ky adhe portion karaye py de dena. Karayedaaron ky bache. Ismail ka bara hojana. Aehtisham ky rishte ki baat. Phir Uska hoorain se hospital main milna. Arham aur uska hoorain ko dhundna. Dr saba se milna unse sari tafeelat lena. Hoorain ko Amal ky nam se janna. Phir usay Karachi le ky jana. Aur ab aj subah ki baatein. Aehtisham ny 2 ghanton main usay sab kuch bta diya. Hoorain khamoshi se sunti ja rhi thi aur uski ankhon se aansu behty ja rhe thy.
"aesy 7 sal bad bilakhir humain tum dubara mil gye. Isi liye Ismail aj tumhein bara lga tha. " Aehtisham ny kaha. Hoorain ny uski taraf dekha woh bhi hoorain ko dekh rha tha Aehtisham ki aankh ka kona bheega hua tha. Usne apni aankhein saf kiin aur hoorain ki ankhon ko dekhne laga.
"tum ro kyun rhi ho? " Aehtisham ny kaha.
"main itne arsy apni family se dur rhi hun. Meri dost mujhse kho gye hai. Main ro'un ni? " usne sawaliya nazron se usay dekha.
"tumhari family se tumhara dur hona tumhari aur hamari dono ki azmaish thi. Jo ab Alhamdulillah khatam ho chuki hai. Aur family ki wajha se kya rona. Tumhein Dr Saba bhi tou maa ki tarah hi pyar krti thin na ? " Aehtisham ny Poucha.
"han. Mama buhat pyar krti hain" Hoorain Dr Saba ko bhi mama hi bolti thi. Akhir unho ny 7 sal uska dehan rakha tha.
"tou phir kis bat ka rona? Aur jahan tk zuha ki baat hai tou Hoorain har insan ko ek na ek din chaly jana hota hai. Aur zuha ka bhi tim itna hi tha. Ab baat 7 sal purani ho chuki hai beshaq tumhara dukh abhi wesa hi hai par ab kafi time ho chuka hai tumhein ab ni rona chahiye. Zuha ko bhi dukh hoga aur tumse pyar krne wale sab logon ko .abhi tum khush ho ky tumhein dubara tumhari purani zindagi mil gye. Tumhare maa bap mil gye. Czns mil gye. Aur ...main bhi tou mill gya" Aehtisham ny has ky kaha. Hoorain bhi mukuraye usne apne aansu saaf kiye.
" tum mujhe bhul kyun ni gye? Main bhi tou tumhein bhuk chuki thi. Sab ko lgta tha main mar chuki hun phir bhi tumne shadi se manah kyun kiya ?" Hoorain ny poucha.
Aehtisham us ki baat sun ky khara ho gya aur 2 qadam aagy chal ky kehne lga
"kyunke Muhabbat tou Muhabbat hai. Aur yeh sirf tum se rahe gi. Chahe tum chor jao ya bhool jao." Aehtisham ny kaha. Usne murr ky ni dekha. Hoorain ki aankhon se aansuon ky sath chehre py muskurahat thi.
"chalo ab chal ky kuch khate hain. Aur baqi hum aj sham hi wapis Islamabad ky nikal jaen gy .murree ghoomna phir kabhi sahi. Abhi tumhein Dr Saba ky pas le ky jaengy unko yeh news deni zaruri hai". Aehtisham ny kaha. Hoorain khari ho gye. Wahan halki barish shuru ho chuki thi jis ki wajha se thori si thand ho rhi thi. Woh wapis hotel chaly gye. Unhe ab bs khana khana tha dubara packing krni thi aur wapis jana tha . Unhe unki hoorain wapis mil chuki thi. Unhe ab muree se koi lena dena ni tha. Bs woh chahte thy ky sab sy hoorain ko dubara milwaein. Har shaks ky chehre py pheli khushi dekhain. Woh khushi jo kahin gayab ho gye thi. Shyd ab woh un khushion ko dubara paa lein.
--------------------------------------------------
.
.
.
.
.
.
.
Chap Khatam :-)
Kesa lga apko yeh chap? Ahhh.... I cant tell you how difficult it was for me to write this. Memory loss ky bare main maine koi 10 articles parhe hongy tab jaa ky yeh info ikathi ki 😂.
Laikin Alhamdulillah. Yeh part bhi likha gya.
Is chap ko likhne ka intezar mujhe tab se tha jab maine story likhni shuru ki thi aur soucha tha k end tk kya hoga. Hamesha isi part ka wait rha. Ab Alhamdulillah main woh part likh chuki hun. I hope apko bhi yeh chap pasand aaye
Kindly chap parh ky vote zarur krna. Buhat mehnat ki hai .aur comments bhi zarur krna. Ap apni raaye ka izhar us main krein :-)
Thankyou for reading and supporting
Follow me on instagram (sahar._.writes)
Much love❤
Sahar
DU LIEST GERADE
اقرار (completed)
Kurzgeschichten(Note: I wrote this story when I was 13 years old. Kindly ignore the mistakes in the story. But give it a read I guess you'll enjoy it) . Complete story!! Mare huwe bhi wapis aasakte hain? Woh jinki qabar pr mitti aap ne apne haatho se daali ho...
