2 din mazeed chutti ky bad bil akhir Dr sabahat hospital aa hi gyeiin. Aehtisham ny counter py keh rakha th ky jis din bhi Dr saba aayein. Usay foran is bare main bta diya jaye. Us din Aehtisham apne kamre main betha newspaper dekh rha tha jab extension py call aaye. Aehtisham ny woh call uthaye tou dusri traf counter py khari larki thi.
"Hello. Sham sir? " usne foran kaha.
"ji main bol rha hun. Kahein" Aehtisham ny aram se kaha. Filhal usay koi round ni lgana tha. Aj surgery ka bhi koi case ni aya tha. Isi liye woh mukammal tor py free tha .
"sir woh Dr saba aa gye hain" us larki ny kaha.
"kya? Kis time aye thiin? " Aehtisham ek dum seedha ho ky betha.
"sir abhi thori dair pehly hi. Woh ab ward main chali gye hain" us larki nay kaha.
"han abhi tou unki duty Hai. Chalein thankyou for informing " Aehtisham ny receiver kan sy hataya aur wapis rakh diya. Aagy hoky table py dono baazu rakhe woh kuch souchne lga. 2 din se woh un ky aane ka intezar tou kr rha tha laikin us ne yeh tou soucha hi ni tha ky usne Dr saba sy bat kis tarah krni hai. Woh yeh tou ni pouch sakta tha ky jou larki ap ky sath aye thi woh kon thi. Zahir hai aesy theek ni lgta. Tou usay kya krna chahiye tha. Woh yehi souchi ja rha tha laikin us ky dimagh main kuch ni aa raha tha. Aehtisham confuse ho ky reh gya.
______________________________________
2 ghanty mazeed guzre thy jab Aehtisham ky extension phone py dubara bell hui. Aehtisham us waqt ek junior doctor se kisi patient ka case discuss kr rha tha. Usne call uthaye.
"Sir... Woh abhi hi 2ono wards se free ho ky aa gye hain. Maine soucha ap ko inform kr dun" dusri traf wohi larki thi. Aehtisham ny ek nazar samne bethy doctor ko dekha. Jou report ki files ko ghor se parh rha tha.
" thori dair ky bad unhe yahan bhej dena. Thankyou" Aehtisham ny mukhtasir keh ky bina kuch sune phone rakh diya. Us ky liye kisi ko yun bulana koi gher mamuli bat ni thi. Woh heads main sy tha aur bula sakta tha. Tabhi counter wali larki ko bhi kabhi herani ni hui.
Woh dubara us doctor ky sath masroof ho gya. Jaldi hi woh case discuss kr ky wapis chala gya aur us ky jane ky thori dair bad hi darwaze py knock hua.
"come in " Aehtisham ny kaha.
Dr sabahat ander aa gyeiin.
"sir ap bula rhe thy? " unho ny ander aaty hi kaha.
"hanji... Bethain ap" Aehtisham ny samne seat ki taraf ishara kiya.
"Ap 2/3 din ni aayein Dr saba . Are you alright? " Usne aram se poucha.
" bs thori tabiyat kharab thi. Isi liye ni aa saki" unho ny jawab diya.
"Oh... Tou ap ne inform krna tha na. Ap senior doctor hain. Gillani sir aur Dr Arham bhi apka pouch rhe thy".
"Sorry sir. Mujhe yad hi ni raha bilkul" unho ny jawab diya.
"ni its ok. Anyways... Ghar main koi tha apka khyal rakhne ky liye koi maid waghira " Aehtisham ny unki taraf dekha. Woh 50+ saal ki taqreeban burhi khatoon thiin.
"Ni maid maine kabhi rakhi hi ni. Beti thi mery sath" unho ny muskura ky jawab diya.
Aehtisham dil hi dil main khush hua ky unho ny khud hi beti ka zikr kr diya.
"Oh Alright.... Us din dekhi thi...... " Aehtisham kuch kehne wala tha laikin foran khamosh ho gya. Us ky dimagh main aya ky Dr Saba souchein gi ky bhala usay kesy pta chala ky un main se inki beti kon thi. Tabhi us ne foran bat ka rukh badal liya.
"Us din dekhi thi ap ky sath hospital aaty huwe. Ap ki 2 betiyan hain?. Aehtisham ny poucha.
"Ni ek meri beti hai aur ek us ki friend woh bhi betiyon jesi hai" unho ny aram se btaya.
"Ahan acha. Main coffee mangwata hun" Aehtisham ny yeh keh ky phone utha liya aur us py 2 coffee ka order diya. Dr Saba us ko baghor dekh rhiin thiin. Jesy kisi cheez ko note kr rhiin thiin. Halki si darhi. Moti eyebrows. Chehre sy nazar ata roob. Shakl o surat se tou wesa hi lg rha tha jesy pichly 2 din se bar bar pouchne py Amal ny unhe btaya tha. Phone rakh ky Aehtisham ny unki taraf dekha tou woh garbaraein. Aehtisham bs halka sa muskura diya.
"ek baat pouchun sir? " Dr saba ny kaha.
"ji pouchein"
"ap mille hain Amal sy? " unho ny poucha.
"Amal kon? " Aehtisham ny jan ky aesa kaha.
"Amal meri beti. Kyunke sir ap hum teeno ko aty huwe tou ni dekh sakty" Dr Saba kafi friendly thiin tabhi frank ho ky bat kr rhi thiin.
"woh kyun? "
"kyunke hospital aty hi maine apka poucha tha tou pta chala ky ap theatre main hain. Aur us ky bad hum teeno sath thy hi ni " Dr saba ny aram sy btaya. Unky lehjy main koi bhi cheez ajeeb ni thi. Woh normally bat kr rhiin thiin . Aehtisham khamosh ho gya.
"ji milla tha main un dono sy" Aehtisham ny man liya.
"Aur apki baat bhi hui thi un dono sy Amal bta rhi thi ky apko uska chehra kisi sy milta hua lg rha tha" Dr saba ny has ky kaha. Aehtisham ka dil kiya ky zameen phate aur woh us ky ander gir jaye.
Hoorain Amal woh jo bhi thi us ny sab kuch tou ja ky bta diya tha.
"ji.... Woh shyd.... Wesy hi lga ho mujhe" Aehtisham ny garbara ky kaha.
"shyd waqae lga ho apko" dr saba ny kaha
"kya matlab? "
"matlab yeh ky Sir woh meri apni beti ni hai. Apko main 10 sal se janti hun aur mujhe pta hai ap kisi larki ky sath ghatiya mazaq ni kar sakty. Isi liye aj ap ko bta diya. Kyunke agar ap Amal sy keh rhe thy tou mujhe yaqeen hai ky ap mazaq ni kar rhe hongy " Saba ky lejhy main waqae yaqeen tha. Aehtisham ka ek image tha jou sab ky samne tha. Aur har shaks yeh keh sakta tha ky Aehtisham ny kabhi koi fazul harkat ni ki. Phir Dr saba khud bhi senior hone ki wajha se kafi qareebi janti thiin us ko.
"Woh apki beti ni hai? " Aehtisham ny herani se unhe dekha. Usko pehly hi yaqeen tha Amal ky hoorain hone py ab jesy woh yaqeen pakka hota ja rha tha.
"Ji woh meri beti ni hai. Meri tou kabhi shadi hi ni hui. Amal mujhe milli thi bs tou maine usay apne sath rakh liya" unho ny btaya.
"Saba agar ap bura na maanein tou kya tafseel jan sakta hun sari. Mujhe hoor... I mean Amal waqae kisi jesi lagti hai. Koi buhat qareebi tha mera" Aehtisham ny iltija ky andaz se kaha.
"ji Amal ny btaya mujhe sab. Andaza ho rha hai ap ky kafi qareebi hai. Main apko zarur bta dun gi" Dr saba muskuraein.
Tabhi darwaze py knock hua. Aehtisham ny ek nazar us taraf dekha.
"yes come in " us ne kaha. Ek wardboy jaldi se ander aya.
"dr saba ap ky liye ek emergency case hai. Please jaldi aa jain" usne jaldi se btaya.
Dr saba khari ho gyeiin. Unho ny Aehtisham ki taraf dekha.
"sorry sir ab is waqt case aagya hai.Ap ka bhi off time hone wala hai. Hum kl baat krein gy is bare main." unho ny kaha.
"ji... Theek hai" Aehtisham ny jawab diya. Dr Saba wahan se bahir nikal gyeiin.
Aehtisham ek gehri sans le ky reh gya .usay ab mazeed ek din ka intezar krna parega. Khair... Ab uski umeed pakki ho gye thi. Woh Dr Saba ki beti bhi ni thi. Us ky hath py nishan bhi tha. Uska chehra mukkamal tor py milta tha. Bilashuba woh wohi thi.
.
.
.
.
.
.
.
.
.
.
.
.
.
.
.
.
Yeh buhat chota chap tha 🙈😂
But i hope you enjoyed it. Agar apko yeh acha lga tou plz neechy vote krdein aur comment krna na bhuliye ga. Thankyou for reading.
Dr Saba kya story btane wali hain is ky liye agla chap zarur parhein. Main usay buhat jaldi update kr dun gi
Much love❤
Sahar
BINABASA MO ANG
اقرار (completed)
Short Story(Note: I wrote this story when I was 13 years old. Kindly ignore the mistakes in the story. But give it a read I guess you'll enjoy it) . Complete story!! Mare huwe bhi wapis aasakte hain? Woh jinki qabar pr mitti aap ne apne haatho se daali ho...
