انقذيني من انتقامي
الكاتبة: زينب الشمري
......................
آخ لو شوگك يجيبك
مره خل يغفه أعله چلماتك حبيبك
عريان السيد خلف
...........................
قطاع الطرق لن يحكموا العالم
رجعت للبيت بعد ماخلص اليوم المتعب الدوام كولو تعب بتعب دخلت للبيت سلمت ع امي وصعدت للغرفة نمت ماحسيت بيش الساعه لمن كعدت بس اهجس عظامي كلها متكسرة كمت سبحت وطلعت نزلت جوة لكيت امي جاي تحظر العشى
ام اسماء: ها بنيتي كعدتي عبالي شو شبيج
اسماء: لا يمة بس تعبانه من الدوام
كمت صليت وتعشينه غسلت الاماعين جاي اغسل بيهن حسيت ع دكت باب صحت ابوية
اسماء: بوية الباب تندك
ابو اسماء: يي اجوي عمامج هيري الجاي
اسماء" خلصت البيدي وحطيت الجاي ع الطباخ وكمت بدلت لان ملابسي صارت كولهة مي نزلت سلمت ع عمامي وكلعادة بدوا يحجون بلمواضيع السياسية وداعش الي صار قريب علينه حيل والوضع ابد ميطمن قسم من عمامي كالوا نطلع لغير محافظة قبل ليطبون وقسم كالوا لا نظل نحافظ علة بيوتنه وقسم يردون يجاهدون ضلت هاي المناقشات ل ١٢ بليل وماوصلوا لنتيجه بعد ماطلعوا ابوية كلي
ابو اسماء: اسماء عوفي الدوام هاي الفترة اخاف عليج الوضع ميطمن
اسماء: بوية شنو السالفه هية الروح وحدة يمتة متروج تروج ليش افوت علية محاضراتي
ابو اسماء: شنسوي لعد الحذر يغلب القدر
اسماء: بوية اطمئن ميصير بيه شي
ابو اسماء: والله يابة بكيفج
..........................................
كاعد ع الشط ويمه مسجل يسمع عبد الحليم حافظ وهوة يذكر الانتقام الي جاي علمود يذكر صرخات والده وهوة خايف وكاعد جوة الميز طفل بعمر ثمن سنوات ميكدر يدافع عن ابو ميكدر يحمي من الوحوش الي دخلوا بيتهم من 22 سنه وهوة هذا المشهد ميفارك خيالو يحلم بي
عودة الى الماضي 🔙
اسمي عمر موالييد ١٩٩٠ من اول ماجيت للدنيا والدتي توفت وهية تولدني عاش والدي لمدة ثمن سنوات صارلي ام وابو واخو وماحسسني بفقدان بفترة جان عمري نهاية السبع سنوات صارت حرب الطائفية الشيعه ويا السنة والفتنة الي انتشرت بيناتهم ابوية جان رجال فقير معلي باحد وحتة هوة يوحد بين السنه والشيعه بيوم من الايام والي هوة اليوم الي سود حياتي وكلبهة جان عيد ميلادي صار عمري ثمن سنوات كعدت مثل اي طفل فرحان اليوم يحتفلون بي فتحت عيوني لكيت ابوية ماموجود رحت حميت الجاي وتريكت صح اني صغير بس والدي علمني ع هاي الامور لان هوة يطلع من وكت ميرجع غير بلوحدة الظهر ظليت كاعد ومنتضرة صارت ب ١٢ الظهر كمت فتحت الثلاجه لكيت اكل حميته علما يجي ابوية ونتغدة كملت ندكت الباب رحت فتحته ابوية جاي بس احس لونه مخطوف ومتوتر ورا شوية صار عادي طبيعي جان جايب ويا علاكه اني كملت غدة رحت نمت كعدت العصر على ريحه كيك طيب رحت شفت ابوية ديسوي كيكه كلي
ابو عمر:ليش كعدت داسويلك كيكه خربت المفاجاة
عمر:بابا حبيبي ورحت بسته
ابو عمر:كل عام ونت بالف الف خير يلة امشي استوت الكيكه اخذنه الكيكه واحتفلنا جاي نكطع الكيكه ندكت الباب ابوية نخطف لونه كلي ابني وح طب جوة الميز
عمر:ليش بابا
ابو عمر:امشي طب ولتحجس ولا كلمه ترا ابسطك
اني مثل اي طفل يخاف من العقاب رحت ركضت جوة الميز ورا شوية سمعت صوت ابوية عالي وهوة يحجي
ابو عمر: انتو شتريدون مني داكلكم جان قصدي بس اصالحهم
.....: انجب ماريد اسمع منك اي كلمه احمة اجينه نطلع بروحك
ابو عمر:ميصي... مالحك يكمل كلمته الة وهوة ع الارض
عمر"سمعت صوت الطلق المستمر علة والدي وكع كبالي وقبل ليطلعون ضربوا طلقه اخيرة حسيت هاي الطلقة طلعت روحي من جسمي وحب وطني كولو طلع من كلبي صحاني من تفكيري دمعتي الحارة وهية تمشي على وجنتي مسحتهة بسرعة
...........................
واكفه ومنتظرة الخط كبال االكلية سمعت صوت وراية
عباس: ها يروحي شلونج
اسماء:يعني انت متبطل سوالفك
عباس:اسماء انتي ليش هيج دتسوين اني ادري كلش زين انتي تحبيني مثل ماحبج ليش هيج بعد دومج معذبتني
اسماء"ماعرفت ارد لان هوة حجة حقيقتي
عباس:ليش متحجين
اسماء:يي عباس صح احبك واحتمال اكثر منك بس خايفه تكسر كلبي
عباس: افا يبت روحي اني اكسر كلبج ليش مو صالي ٣ سنين اركض وراج اكلج حاجيلي ابوج
اسماء:باوعتلة بنظرة خجل
عباس:يمه اتي تردين تموتيني حاجيلي ابوج اليوم وشوفي رئية
ملحكت اجاوبة اجه الخط صعدت ورحت للبيت
كمل اليوم عادي بدون احداث لليل خلصت عشة وكعدت اشرب جاي وابوية مقابيلي
واني خايفة ومتوترة حجيت
اسماء: يابة عندي موضوع وياك
ابو اسماء: احجي شكو
اسماء:بابا تعرف بيت ابو عباس صديقك القديم
ابو اسماء:يي شبي
اسماء: ابنه عباس وياية بلجامعه واليوم دز بنية خطبني واني جتي اشوفه خوش ولد
ابو اسماء: لازم حاطة عينج علي كالهة بغضب
اسماء: لا بوية وين شايفته اني بس هيج خطبني كلت قسمة زينة ليش افوتهة
ابو اسماء هدة وكال: هااا اي مابيهة شي هوة خوش ولد اني اعرفة واهلة خوش ناس واذا انتي قابلة رجعيلة خبر الموافقة
اسماء: كتلة ماشي وطرت من الفرحه لان ابوية ماعارض الليل كوة خلص علية ثاني يوم كعدت من الصبح بنشاطي وطلعت اول ماجه الخط بعد ماجنت اني يومية اتاخر من صعدت ضحك ابو الخط وكال
.....: شعجب اليوم
اسماءضحكت وصعدت خلص الطريق بس احسة حيل طويل
دخلت للجامعه خلصت المحاظرة الاولى طلعت ادور علة عباس حتة اكلة بس شو ماهوة دكيت علي جاوب
عباس: ها حبيبي
اسماء: هلو عباس وينك عندي الك بشارة
عباس: انتي وين واكفه
اسماء: بلحديقه
عباس:اوك جايج
اسماء " كعدت شوية عل مسطبات اجه عباس اشرتلة بيدي اجه يمي كال احجي شنية البشارة
اسماء: الواحد بلاول يسلم
عباس : عليج النبي احجي
اسماء: ضحكت كتلة حاطيت ابوية بلموضوع ووافق
عباس كام بصدمه: كولي والله عليج النبي يعني صدك راح نزوج
اسماء:ضحكت وكتلة ايي ايي
عباس: يعني راح تصيرين مرتي
اسماء: يي انشالله
عباس: لعد راح ابشر امي بعدين احاجيج
اسماء:تعال يمعود وين رحت
راح يركض واني اباوع علطولة وبكلبي نغزة مدري ليش ورة شوية طلع من الجامعه جنت كاعدة اني وصديقاتي سمعت صوت انفجار هز الدنيا هز والطلاب يكولون هذا انفجار قريب ع الجامعه ..........
وللحكاية تكملة
.............
التصويت ابد موزين رجائا صوتوا وعلقوا
بيباي حبايبي
أنت تقرأ
انقذيني من انتقامي....مكتملة
Romansعندما يأتي الحب من مكان اخر في وقت خاطئ ومن شخص خاطئ ليزور قلب فتاة وقعت اسيرة بين يدين قطاع الطرق ضلام البلاد تنضيم داعش قصة عشق مستحيلة غلبت القدر قصة واقعية ممزوجه بلخيال
