انقذيني من انتقامي
الكاتبة:زينب الشمري
................
اشتاگلي ..!
اليعثر بضله يموت صاحي
واليعيش بلاية وعية بغير ضل
الشوك من ينبت بسجة
يبات وابن آدم يزل...!!
لـــِ عريان السيد🍁
فزينة الصبح ع صوتهم برة وهمة مخبوصين ماعرف شديصير ورة شوية طلعونة م̷ـــِْن الغرفة كالوا راح نطلع م̷ـــِْن ه̷̷َـَْـُذآ المقر صار مو امين وحنا ندحگ عليهم وندعي يجي الجيش يخلصنا منهم جانوا مخبوصين ويتراكضون اكو قسم دكاترة وديعالجون المصوبين وقسم ديخابرون وقسم يركضون يحضرون لطلعتنة وصايرين حيل هوسة الخوف جان مبين ع ملامحهم ابتسمت بداخلي واني اشوف رهبتهم م̷ـــِْن الجيش العراقي شكد نفشوا ريشاتهم علينه بس بوصول الجيش العراقي كاموا يرجفون واني اعاين ع الوجوه وع الي يصير جذب انتباهي وهوة كاعد ع اريكة ومدنج راسة يعاين ع الكاع وكاعد يمة واحد يضمد بجرحة الي جان ينزف وايدة متنشاف م̷ـــِْن حمار الدم عاصر ايدة بقوة وكاتم الالم بداخلة بعدت وجهي عنة ونفسي كام تلعب م̷ـــِْن الدم بس تلقائيا رجع نضري ورجعت اعاين عليي لكيتة يدحگلي وعيونة حمر واكو حجي بعيونة مافهمتة ع رغم المسافة الي جانت بيناتنه بس نضرات عيونة مفضوحة متروسة قهر والم مكبوت بداخلة معكوس علة نضرات عيونة ...
كمنة نتحضر حتة نروح لمقر ثاني همة مجهزي حسب ماسمعت جان (بعشيقة) اجة داعشي ربطنة احنة وحدة ويا الثانية بحبل مثل السبايا او احنة جنة فعلا سبايا كام يجر بينة بقوة صعدنة بلسيارة وطلعنة التفتت ع المقر وكمت اعاين بجرحاهم الي ديعالجون بيهم او التفتت حتة اعاينلة لكيتهم مضمدين جرحة وجان واكف وديلبس قميصة ضلت عيوني عليي والسيارة تتحرك لحد ما اختفة المنضر كدامي وصار الي ضاهر كدام عيوني هوة بس اشجار الموصل المتميزة بخضارها ومتخلل ضوة الشمس م̷ـــِْن خلالها كل ه̷̷َـَْـُذآ زادها جمال وصلنة للمقر الثاني بعد حوالي ساعة فتحو النة الباب وجرونة هم مثل السبايا هم نفس الشي حبسونة بغرفة فارغة مابيهة تبريد ولا بنكة بس الجو جان بي برودة احسن م̷ـــِْن هذيج ايام تموز الي عايشيهة ع الهوى الحار ومنتضرين الفرج
مرت الايام عادية وصرنة شبه راح نستقر بهذا المقر يومية نفس الروتين نفس التعذيب الي تعودنة عليي م̷ـــِْن وصلنة لهذا المقر قبل شهرين
ولليوم شحب لون وجهي وجسدي صار ضعيف مناكل هواي بس حتة نعيش او همة ديجبرونة حتة ناكل بس يطلعون نذبة لان •اللّـہ̣̥ اعلم شنو مصدرة حيلي باد وكمت بس اتحرك شوية اتعب
كاعدة برة الغرفة لان سمحولنة شوية نطلع نشتم هوة. كاعدة علة المصطبة واعاين بلفراغ عكس داخلي الفوضويي الي يريد يوصل لنقطة تخلصني م̷ـــِْن المصيبة م̷ـــِْن وجع الكلب الي ينتابني وشعور الشوگ الي بداخلي اقنع نفسي واكول ه̷̷َـَْـُذآ موحب بس لان جان يدافع عني وبعد ماراح صاروا يدكون بية بس بعدين اكتشف ه̷̷َـَْـُذآ اكبر م̷ـــِْن انو ماخذتة كحامي الية شوگ بداخلي احسة يريد يتعدة كلبي ويطلع ليبرة اخير مرة شفتة قبل شهرين جان مصوب ويعقم بجرحة وانتقلنة لغير مقر بعدهة ماشفتة امكن فقدت الامل انو يرجع احتمال اكول مات بس احساسي ميكول هيج ابد بنص صفناتي بدة دكات كلبي تتسارع صار مغص ببطني واني اشوف السيارة توكف كبالي جانت الجامات مسدودات بس مادري شبية انخبصت لمن شفتهة انفتحت البيبان وكفت ع حيلي واني اشوفة ينزل م̷ـــِْن السيارة بطولو التقت عيوني الزرك بعيونة الخضر نضراتة مليانة استغراب وهوة يشوف جسمي المنهك الضعيف تغلبة الشعور واجة علية يمشي بخطوات ثابتة واني هم بدون شعور لكيت نفسي امي باتجاهة جانت عيونة مركزات علية بعد ماتقرب علية حس عل نفسة وغير نضراتة وعبرني التفتت عليي مصدومة لـٓيـٌـٍشۦٰ🙂🌿⇣ عافني ليش راح كمل طريقة وراح يتفاهم ويا الواكفين دنجت راسي بأسئ ومشيت واني ابتعد ع المكان الواكف بي مشيت لمكان اضلم ورة المقر جانت اكو بي مصطبة صغيرونة كعدت عليهة ودنجت وبدون شعور نزلن دموعي رفعت راسي اعاين للسمة واشكي الربي
أنت تقرأ
انقذيني من انتقامي....مكتملة
Romanceعندما يأتي الحب من مكان اخر في وقت خاطئ ومن شخص خاطئ ليزور قلب فتاة وقعت اسيرة بين يدين قطاع الطرق ضلام البلاد تنضيم داعش قصة عشق مستحيلة غلبت القدر قصة واقعية ممزوجه بلخيال
