انقذيني من انتقامي
الكاتبة:زينب الشمري
............................
كالو ما تجي وكالو عليك بعيد
ودرب كلش طويل البينك وبيني
شح مني الدمع كد ما بجيت أعليك
وأعاتب بالكمر هلبت يواسيني
ظلم كلش ظلم تحيا وتموت بشوك
وجا شنهو العمر من تذبل رياحيني
تعب حتى الورق حبر ودمع مخبوط
وحسره وي القلم تأذيني وتبجيني
صفة رسمك حلم عذب حنايا الروح
مثل طيفك أبد ما شايف بعيني
نهر طولك عذب صافي ويرد الروح
وأنه الميت عطش وبكطره ترويني
أكتبلك شعر وأسطرلك الأبيات
وانته بلا بخت بالفركة تجويني
قيس بعام واحد وتيبّس من الشوك
وآنه سنين مرّت ما غفت عيني
كلي شلون رايك والعمر محسوب
وجلمات الشماته تكول ناسيني طلابه
وي العشك وأيامي كلهن ليل
وشمس حبك ظلم من ما تضوّيني
كافي من العتب راح أختم الأبيات
وأحجيلك سطر بي كل عناويني
مثلك ما شفت ولا رايد ولا ريد
وأحبك موت عنوان لدواويني
كامشة ايد عمر حيل والخوف ماليني كلبي يدك سريع كل البلانبار سمعو ونمشي بسرعه وبخطوات خفيفة حته محد يحس بينه ادحك ليكدام والافكار تجتاح عقلي احاول ادعي بس كل الادعية والايات طارن من بالي من كد الخوف كل الجنت اريدة ان نطلع منا ونوصل بسلامه بداخلي افكار اسوي شغلات كومه واول ما اطلع لبغداد ادور عل اهلي لان مستحيل اطلع من العراق اذا مالاكيتهم وكل البالي ان اسوي عائلة صغيرة ودافية بس ماجنت حاسبه حساب ان ارادت الله اكبر من تفكيرنه وتقريرنه للامور قاطع تفكيري صوت مستحيل بحياتي راح انسا الصوت الحطم كلبي ودمر حياتي والي هوة صوت اطلاق النار خلت قطرات الدم تطفر عل وجهي وروحي وحبيبي الجنت ساندة نفسي بي ارتمه عل الارض مقتول بطلقتين شهكت بصوت واني اشوف المنظر الصار كبالي مرتمي عل الارض طلقة مزروفة بضهرة وجانت هاي الطلقة الثانية العشوائية اما الطلقة الاولى فجانت مصوبة راسة وجانت طلقة مدروسة صرخت بصوت عالي والتفتت وراية واني فاتحه عيوني بصدمه الم قوي اجتاح كلبي احسة بدة يتكطع شوية شوية صرخت بصوت محتاجة اطلع هذا الالم من داخلي ادحك علي وارجع ادحك ليورة اغمض عيوني وافتحهم عسى ولعل يطلع هذا حلم ادور داير مدايري ماكو اي احد بديت اصيح بأعلى صوت عدي واني متخبلة من الصار كبالي لا مستحيل اكيد بعدة عايش مستحيل يموت اعرفة ميتركني اشهك واحجي دنكت علي وكعدت يمه كلبته من الكاع كمت اضرب حيل عل وجهو الجان مالي الدم اصرخ بصوت عالي هز المكان هز
ادحك بوجهو واضرب حيل علي اريدو بس يكعد ماكو ايي جواب تضلل كبالي الضوء بخيال اشخاص واكفين كبالي رفعت راسي دحكت واكفين اكثر من عشر اشخاص كبالي بزي الحشد الشعبي ارتعبت اوصالي وارتعشت
كلت بداخلي: هاهية اكيد راح يعتبروني داعشية الله يستر من الجاي
سحبني واحد من ايدي وكومني
كتلو:ابعد ايدك عني ماسمحلك تلمسني
كال: امشي وبلا نفس كاعدة تبيعين شرفيات علينة وانتي داعشية
أنت تقرأ
انقذيني من انتقامي....مكتملة
Romanceعندما يأتي الحب من مكان اخر في وقت خاطئ ومن شخص خاطئ ليزور قلب فتاة وقعت اسيرة بين يدين قطاع الطرق ضلام البلاد تنضيم داعش قصة عشق مستحيلة غلبت القدر قصة واقعية ممزوجه بلخيال
