انقذيني من انتقامي
الكاتبة:زينب الشمري
........................
خُذني لأمان حضنك..طفلتِك انهّلكت.
.........................................
قطاع الطرق لن يحكموا العالم
اسمع صياح الطلاب كلهم يكولون الانفجار قريب من الجامعه شاغت روحي اريد اركض ماكدر اهجس رجلية صارن خيوط اركض لباب الجامعه الطريق طويل ميرضة يخلص وصديقاتي وراي يركضن يردن يكضبني ميكدرن واني بس اصيح عباس .....عباس ودموعي شلال وصلت لباب الجامعه وطلعت اركض ليبرة اركض بلشارع ومو بس اني انفزعت العالم قسم ختل حتى ليصير انفجار ثاني وقسم طلعوا ينقذون الجرحى وصلت لمكان الانفجار بعد معاناة ادحك بلوجوه كولهة محروكه يوم جان كثير صعب ع العراقيين ادحك الاطفال اليي ممددة بطولهة حيل انقهرت معقولة هاي الشباب راح يطمهم التراب التفتت وياريت مالملتفته دحكت سيارته منفجرة وطالعه ايدو منهة وجزء من راسو الساعه الي بأيدو منفجرة واجزائهة نابته بلحم ايدو رحت اركض كضيت ايدو توكع من ايدي متت من البجي يابو طول الحلو معقولة راح تروح محسيت ع روحي الة واني نايمه بغرفة فتحت عيوني دحكت هاي غرفة مستشفى شجابني اني هيني صحت : اكو احد هنا. اجتني ممرضه كالت شلون صرتي كتلهة:منو جابني لهنا
كالت:اثناء مانقلوا الجرحى جابوج كالوا ماعت روحهة والحمدالله انتي هسة بخير بس ضغطج حيل منخفض
تذكرت كل الي صار ودنكت راسي ونزلت دموعي كلتلي الممرضه : اخيتي اكدر اساعدج بشي
اسماء: بس جنطتي وين
كالت:جابوج بدون جنطه اتوقع ضلت بمكان الانفجار
اسماء: بلا زحمة انطيني تلفونج بس احاجي اهلي
الممرضة: تفضلي
سجلت رقم ابوية ودكيت ضل يرن خفت ميجاوب واني لعبت نفسي اريد ارجع للبيت جاوب
ابو اسماء:الو السلام عليكم منو وياي
اسماء: ها بابا اني اسماء
ابو اسماء:ها بنيتي وينج وكعت رجلية واني ادور عليج
اسماء:بابا اني بلمستشفى تعال علية
ابواسماء: خو مااذاج الانفجار
اسماء:لا بوية مابية شي بس تعال اريد اطلع للبيت لعبت نفسي
ابو اسماء:ماشي جايج جايج
ورة فترة مو هواي تقريب عشر دقايق اجه ابوية امكن جان قريب منا اجاني
ها بنيتي شلونج خو ماتأذيتي
لا بوية مابية شي اصلا بعيد عني بس من طلعنه شفت الدم ماعت روحي
ابو اسما: عفوا بس نكدر نطلعهة
الممرضه:يي مابيها شي عدها العافية بس شوية ضغطها منخفض خل ترتاح
ابو اسماء: يلا بنيتي حدري خل نروح
اسماء:كمت من السدية ورحت ورا ابوية امشي ع كيفي وهوة حاط ايدة ع ضهري صعدت بلسيارة مالته التفتت ع الجام ودموعي ينزلن واني اتحسب ع الدواعش ابوية كال : سمعت هذا عباس ابن صديقي مات بلانفجار هوة كال هيج واني دموعي بعد ماكدر اسيطر عليهن كتلة :خطية الله يرحمه حيل صعبة الله يساعد اهلة
كال:بنيتي اني ادري بيج تحبي ولان اتي مو بسهولة توافقين ع شغلة الة واتي راغبة بيهة وهسة راح بأمانه الله وصار من شباب الجنة اترحميلة ونسي
اني سكتت درت وجهي ودموعي تدير وصلنه للبيت اتلكتني امي تبوس بية اني مالي خلك اجاوبهة دخلت للغرفه تمددت ع جربايتي وغفيت امكن من كد ماتعبانة او اريد اتخلص من الحزن الي بداخلي بلنوم كعدت ب ٣ العصر غسلت ونزلت اتلكتني امي كالت راح اروح لبيت ام عباس للفاتحه امشي بدلي حتى ترحين وياي رحت لبست اسود ونزلت وليشوفني من بعيد يكول هذا ابنهة الي مات مو جيرانهم ع كد ماجانت عيوني تعبانه من البجي وصلنه الهم شافتني امة هية تعرف انو يريدني واريدة ويا ماطبيت شبكتني وكامت تبجي وتصيح راح ولج راح حاطتني يمهة وتنعي اكعد يبو طول الحلو هاي جبتلكياهة التريدهة والله ازوجلكياهة هسة بس اكعد اني ساعتها اهجس روحي ميته دايرة وجهي ومبندة من البجي
................................
كاعد ع الكرسي وفاتح التلفزيون كدامه ومبتسم ابتسامه جانبية ابتسامه خبث انتصار ويمه كاعدين يحتفلون وهوة ولا يمهم بس منتبه ع التلفزيون كام هوة وطلع برة يشتم هوة لاول مرة يفرح بداخلة من قبل 22 سنه هوة مفرحان هيج فرحه رجع دخل عليهم كللهم جهزوا نفسكم هلايام ندخل للانبار همة كالوا :هاهية كلشي جاهز حتى اذا تريد باجر ندخل
كال:هاهية باجر يعني باجر
........................ .................
مر اربعين يوم عن هاي الحادثه واني بداخلي حيل مكسورة نزلت ليجوة ابوية يدحك الاخبار والوضع ابد مازين اهلي قرروا يتهجرون لغير محافضة حتة يحافضون ع اروحهم لان داعش صار حيل قريب علينه والجيش دينطونه اوامر انو نترك بيوتنه ونروح لغير مناطق لثاني يوم حضرنه غراضنه والاشياء المهمة بس الذهب والفلوس اخذناهن اني مابالي شي طلعوا بعد اذا الفجر اني وصلت لنص الطريق تذكرت صورة عباس ماخذتهة رجعت اركض امي وابوية يصيحون وراية اني كتلهم عظي شي مهم بس اجيبة واجي ماكو شي انتضروني هنا ضلوا اهلي واكفين اني رحت فتحت الباب صعدت لغرفتي اخذت صورة عباس ونزلت ويا مافتحت الباب صار بوجهي شخص جانت عيونة بلون السما جان شكلة حسل جذاب بس هذا مانتبهتلة بوكتهة لان الخوف اعتلاني واني اشوف واكفين ورا زلم عدهم لحاية ولابسين دشاديش كصار خفت حيل واسمعهم يحجون بينهم كلهم اخذوهة ويا هذنيج البنات اني فتحت عيوني ع وسعهم كمت اصيح بابا بابا الحكلي وماكو اي جواب اخذوني واني ارافس بينهم ادحك منا ومنا بلكي يجون الجيش بس الضاهر المنطقه حيل خطرة ميكدرون يوصلون لهيج مستوى بعد مااخذونه اني وبنات بينه بلثمن بنات كعدونه بسيارة ضلمه وتخوف وربطوا ادينه سمعت وحدة كالت:هاهية لازم نستسلم لهذا قدرنه بس اي شي يصير لو يموتوجن لتنطن شرفجن لان ذولة حيل انجاس احنة كولنه اتفقنه ع هذا الشي ضلينه نسولف نحاول نلهي نفسنه لان بعد لا حياء لمن تنادي وندعي بلكي يجونه الجيش يحررونه ورا شوية تحركت السيارة واحنه كلنه امل راح يجي واحد ويخلصنه من هل حقراء بس اختفه الامل لمن وصلنه المكان مضلم بي بيوت خرابة نزلونه يجرون بينه شمروا علينه نقاب كالوا البسنه احنه لبسنا ه خوف من العذاب لبست النقاب كولهن غطن وجوهن وبس اني عفت عيوني طالعه اجه هذا الولد باوعلي بنضرة استغراب وضحك ضحكه جانبية كولهة سم وراح بعدين اني حجيت بصوت عالي كلت :ليش هيج شتردون منة حقراء انذال اجه هذا الولد وعيونه حمر من الغضب سمعت واحد ورا كلة: عمر عوفهة هوة جرني من نقابي وكال: لا اريد ارواهية منو همة الحقراء اخذني جر من ايدي مالحك اركض كتله :عوفني حقير نذل حدان ماعندك غيرة
كال:لا خليت الغيرة الكم شمرني ع الكاع وفتح النقاب باوعلي بنضرة خبث
وكال: حلو جمال عراقي اصيل اني استغربت لان هوة الوحيد منهم يحجي مثلنه الباقين يحجون بلهجة فصحة ضحكت باستفزاز وكلت: هههه ايست منك وغسلت ايدي من انته عراقي ومنضم لاعدائنه قرب وجهة حيل علية بحيث ميفصلنه غير سانتيمات قليلة كال: انتو اعدائي حجاهة ودفعني للكاع وطلع قفل الباب وراه
طلع متوتر ويفرك بوجهة حيل اهدء عمر اهدء شبيك كمت ترجف اكيد موهية وحتى لو هية لتخليهة تأثر عليك ركز ع انتقامك اسحكهم سحك ...........
وللحكاية تكملة
........................
التصويت حيل حيل ضعيف ارفعوا المشاهدات علمود انزل اسرع
احداث مشوقه وحقائق جدية راح تنكشف بلبارتات الجاية
أنت تقرأ
انقذيني من انتقامي....مكتملة
Romansaعندما يأتي الحب من مكان اخر في وقت خاطئ ومن شخص خاطئ ليزور قلب فتاة وقعت اسيرة بين يدين قطاع الطرق ضلام البلاد تنضيم داعش قصة عشق مستحيلة غلبت القدر قصة واقعية ممزوجه بلخيال
