مره بالمدرسه وختاروني ويه الطلاب برفعه العلم فكالو لازم تلبسون قميص ابيض اني ماعندي ومااريد افوت الفرصه وطلعه بلسطفاف 😂فاخذت دشداشه اخويه اكبر مني ودخلتهه بالبنطرون صار جنه قميص
هاي جنت خامس ابتدائي اجه المعلم يباوع كالي ليش ملابس احزام كتله ضاع كال طلع قميصك بره 😂😂😂 ضليت صافن بوجهه كتله صدك 😳 كال قابل اتشاقه وياك وصار عصبي اجه سحب القميص ويجر وماكو ويجر وماكو ويجر وماكو ويجر وماكو 😂😂 ويدردم هاي شلابس انته 😂 الحد ما طلعهه كلهه اني ركضت بنص الاسطفاف وطلاب كلهه اتصيح هوووووي هووووووي والمدرسين انمطلو من الضحك😂😂
المصيبه الدشداشه ودست عليهه ونجبحت وكملت باقي الشرده زحف 😂😂😂👌👌
