حب تخطى الحدود ❤

❤البارت الحادي عشر ❤

السلام عليكم....
لا اله الا الله......
اللهم صلي وسلم على سيدنا محمد وعلى اله وصحبه اجمعين........

# حب تخطى الحدود ....❤❤
# الكاتبة اماني فوزي 👑👑

حزينه لأن الآمر ليس بأمري ، خآرج عن طوع إرآدتي عن طوع حروفي وعن طوعي آنا .

سيرين دخلت عا غرفتها وظلت تبجي بحرقة دحكت عاايدها سحبت الحلقة ورمته...
يالله يعني خلاص اتزوجت بهالسرعة اتزوجت شخص ما احبه ودوم كنت ضد الزواج التقليدي الي أغلب العائلات يزوجون اولادهم في سبيل المصلحة للطرفين وكنت دوم احجي عليهم وهسه صرت ضحية هم حتى احافظ عا سمعتي وهم حتى ما نخسر املاكنا ....
..................
ماجد دخل عا غرفته وهو تعبان واصلا ما يستوعب انه ارتبط ومن مني من البنت الي كانت تعانده من الصغر...

اجاله رسالة لماجد فتحه كانت من الشخص المجهول
مكتوب فيه ( مبروك العقد القران استاذ ماجد عاد هسه غير سيرين اتسويك حلقة بأصبعها هههه)

ماجد اتنرفز كلش كتبله: ولك حقير لو انت رجال تعال حاجيني وجه بوجه يا نذل مو ادز رسايل وبعدين انت وسيرين شنو علاقتكم ببعض ها...

الشخص المجهول: هههه احب اكلك ترى اني مو ولد اني اصير صديقة سيرين وهي تحجيلي كل شي
بس انقهرت عليك وحبيت اكلك بدال ما تفشر عليا اتشكرني لان نبهتك.....

ماجد: انتي وسيرين وحدة اخرب من اللخ والا ما يجي يوم واعرف انتي مني...

رنا هي الشخص المجهول سما اتجيبلها اخبار سيرين وهي ادز رسائل لماجد.....

رنا دزتله رسالة اخرى: اذا اتريد تعرف كل الاخبار
اول بأول فلازم ما اتكول لسيرين شي عني ويرجع الامر الك......

ماجد: ماراح اكول لسيرين واشوف تاليتها وين تصلون انتي وسيرين بأفعالكم....وسد موبايله.....

ماجد: لعد اتريدين اتسويني خاتم بأصبعج ها واني جنت اكول جرحت سيرين اليوم كلش هههه انتي وحدة ما تستاهلين حتى الشفقة مو اني الي أخضع واسمع كلام مره......

.......................................
وصار يوم الحفلة لاعلان خطوبتهم ....
اجو عالحفلة اشهر رجال الاعمال والاصحاب وعشرات الصحافة واكفين يم المدخل وقسم داخلين بالحفلة
والحفلة صارت ببيت ماجد......

وصلوا بيت اهل سيرين كانوا اول الحاضرين.....

سيرين جانت طالعة فد شي طبعآ لبست فستان مخصر عا جسمها باللون الاسود عنادآ بأم ماجد ....

ماجد شافها وانجن لان لابسه هيجي فستان ضيق....

جدة ماجد: ماجد دشو ما سلمت عا خطيبتك ولا هي سلمت شهالمستحة حبيبي انت سلم عليها هي اكيد تستحي.....

ماجد يالله منج جدة فشلتيني كدام الكل: ايه جدة....
راح وكف يم سيرين ومد ايده...
مرحبا سيرين..
سيرين وهي ما طايقته مدت ايدها : هلا ماجد....