بسم الله الرحمن الرحيم
في صباح يوم جديد.....
في الساعة ١٢ سيرين استيقظت من نومها بعد ما لجين
كومتها من النوم واستغربت من اختها انها نايمة لحد
هاي الساعة صحتها وراحت نزلت لتحت وسيرين
مباشرة راحت عالحمام واخذت شور اتحس بارهاق
وتعب لان البارحة نامت متأخرة لان بقت صاحية
واتفكر انو هي اتعرضت لهيجي موقف مو حلو تتعرض
للسرقة وانو الشخص الي تكرهوا ساعدها لان هي ما اتريد اي مساعدة منه.........
( شخصية سيرين معقدة كلش يعني.......
اتفكر واتدقق بكل شي اي شي يصير معاها اتظل
اتفكر واتفسر واتوجع راسها بهذا الشي وهي قبل ما
اتنام تتذكر الاشياء الي صارت معاها باليوم )
بعد ما خلصت من الشور لبست بنطلون حبري مع قميص ابيض نص ردن وبعدها اذن لبست حجاب الصلاة وصلت الظهر ( طبعا هي والبنات ما يلبسون حجاب بس امهاتهم يلبسون وابائهم واخوانهم ما يجبروهم يحبوهم ومخلينهم هم يقررون لان هاي حياتهم فلا تستغربون انو هي اشون اتصلي وما تلبس حجاب هذا واقع حالنا بهالزمن اكثر البنات ما يلبسون حجاب بس يأدون الواجبات الدينية الي عليهم)
نزلت وسلمت عالكل صار وقت الغدا اتغدوا وجلسوا
يشربون شاي...
جد سيرين : سيرين من باجر تباشرين بالدوام وما
اريد اي تأخير منج ولازم تلتزمين بالوقت واني اعرفج
انتي كدها وتكدرين اديرين الفرع...
سيرين : ان شاء الله جدو اصلا اني كنت راح اكلك ايمتى اباشر بالشغل لان مليت من الكعدة.....
جدة سيرين : اكيد بنيتي كدها بالتوفيق حبيبتي...
سيرين : تسلميلي يا غالية....
ام سيرين : حبيبتي انتي مريضة شي ليش اليوم
اتأخرتي بالنومة ...
سيرين: اممم البارحة حسيت بإرهاق فما كدرت انام
بساع لذلك....
في بيت ماجد العصر.......
كانوا جالسين بالصالة جدة ماجد : ما شاء الله
على سيرين كبرانة صايرة اجمل ....
ام ماجد: عادي جمالها وبعدين احسها متكبرة كلش
مرام : اي صح كلامج ماما ...
الجدة: لا تحجون عالبنت اني ما حسيتها تتكبر تعاملها حلو مع الناس.
ميرا : ماكو اصدق واطيب من قلب سيرين هي صديقتي واعرفها كلش زينة....
ام ماجد: خومة شكلت حسيت بأنها هيجي ما غلطت....
دخل عليهم ماجد وسلم وجلس يم جدتو جدة اخبارج
بخير الحمد لله تسلم....
ماجد : دومج ان شاء الله ماجد اكوم ابدل( كان تو جاي من الشغل ) ....
الجدة : ماجد قبل ما اتروح كلي شفت سيرين الي تو رجعت من الخارج شرايك بيها حلوة .....
ام ماجد مصدومة بكلام حماتها بس لا اتفكر تخطب
سيرين لابنها ...
ماجد: ليش هالسؤال جدة...
الجدة : هيج مجرد سؤال...
ماجد : اممم عادي ما بيها شي حلوة وهسه استأذن..وراح عا غرفتوا وهو مستغرب من سؤال جدته
سيرين العصر اخذت لجين عا كافيه اتريد تحجي مع
لجين بوضعها مع امجد ....
سيرين : لجين اني جبتج هنا حتى نحجي بموضوع
يخصج واتمنى ما اتخبين عليا اي شي لان دوم من يصير معاج شي تطلبين مساعدتي ونصائحي
أنت تقرأ
حب تخطى الحدود ❤
Romansaفتاة قوية لا يهمها الحب وشاب ذات اعصاب ايضآ لا يهمه الحب ولكنهما الاثنان يهتمان بسمعة عائلتيهما المشهورتان في البلاد ترى كيف سوف يجمعهما القدر . نبذة.... ماجد: اذا ما اجيتي عا مكان **** فراح تتندمين وراح افضحج افتهمتي فأحسنلج تجين...وسكر الخط سير...
