حب تخطى الحدود ❤

❤ البارت العشرين ❤

السلام عليكم ورحمة الله وبركاته......

#حب تخطى الحدود ..❤

صار الصبح......سيرين كامت من نومها شافت الساعة
٨ الصبح......اخذت شور وبدلت ....اكيد هسه الافندي ما هنا يعني خلاني بوحدي يمعودة احسنلج حتى ما اتشوفين وجهه اي بس ضجت هنا اففف .....
وبعدها طلعت من غرفتها راحت عالمطبخ تشرب مي ..
شافت ورقة معلكة بباب الثلاجة مكتوب عليها...

ما راح اخلي خدامة تجي للبيت من اليوم ورايح انتي الي راح اتسوين اكل واتنظفين البيت يا سيرو ...
اليوم راح اجي بالليل عالبيت اريد العشا يكون حاضر  سيدج ماجد.....
.........
سيرين 😧😬: لا والله انت لا سيدي ولا شي يا جايف
وعمه لزك يناديني بهالاسم عابت.....
اني بنت محمد ال*** المدللة اسوي اكل وانظف.....
اذا بحياتي كلها اهلي ما خلوني انظف ولا اسوي اكل الهم اسويلك انت ههههههه لا اكيد بأحلامك اسويلك عشا ......اكيد سوى هيجي حتى يعذبني شكده خبيث
بعدها شربت مي ورجعت عاغرفتها ونامت....
.
ما كامت لحد ساعة ١٢ صلت وقرت قرآن....بعدها
راحت نادت لحارس يجي يشيل هالتحفيات المكسورة
عالارض .....
اجى شالهم ولو هو مو شغله بس سيرين امرته بهالشي
وكالت للحارس الثاني خلي السايق يروح يجيبلها
بيتزا(دليفري ) .....
الحارس: بس مدام سيد...
سيرين: اذا ما رحت ونفذت طلبي اعتبر نفسك مطرود
فاهم....
الحارس: حاضر مدام....
سيرين: ما يجون الا بالعين الحمرة.........
............
صار الليل الساعة ٩ تقريبآ......
دخل ماجد عالبيت.....سيرين جانت تمشي وتحجي بالفون....اي ماما تمام يالله حبي مع السلامة......

ماجد: سويتي اكل.....
سيرين اتثولها: يا اكل...
ماجد: مالي خلك لبهاتج....
سيرين: اتصل عا اقرب مطعم ووصيلك عا اكل....اندارت ودا اتروح.....
ماجد : انتي ليش ما تفهمين من اول مرة ها....
سيرين: عندي خلل ما استوعب بساع....
ماجد: مو كاعد اتقشمر وياج يعني تالي معاج...
سيرين: انت كل غايتك من الشي الي طلبته انك اتذلني واتسويني خدامتك اني ببيتي ما كن سويت اكل لاهلي عاد لحضرة جنابك اسوي.....
ماجد مسك فكها بقوة: سيرين لا اتنرفزيني.....
شوفي راح اروح اسبح وبعد نص ساعة اذا ما شفتج
مسوية اكل راح اتشوفين شي ما يعجبج فاهمة.....

سيرين اتألمت وما تكدر تحجي اتحس انو كسرلها عظام فكها خافت من نظراته الي تجدح نار من العصبية
ماجد بعد عنها وراح.....
سيرين : اخخ وجعني هالتافه يالله صرت تحت رحمة شخص ظالم اذا عاندت اكيد راح يذلني ويضربني.... نزلت دمعة من عينها مسحته...
راحت عالمطبخ فكرت شراح اتسوي...
هي تعرف اتسوي باستا وتتقنها......
خلت الباستا بالمي المغلي....
وسوت الصوص ....
بعدها سوت سلطة جانت اتقطع الخس ليش ما تجرح اصبعها......
سيرين: هسه وكته افف....راحت غسلت ايدها.....
ولفت الجرح بلاصق....
ماجد طلع من غرفته وراح كعد بالصالون: ما تجي الا بالعين الحمرة ..