حب تخطى الحدود ❤

البارت الاول

طبعا قبل ما أبدأ أحب اكللكم انو الرواية خيالية مو حقيقية وهاي اول رواية راح اكتبها من خيالي وطبعآ اكيد مستمدة من الواقع الي نعيشه الي مليان حقد وحسد وشر واتمنى انو ما اتكون متطابقة لأي رواية اخرى وشكرآ .نبدأ

بسم الله الرحمن الرحيم
في المطار.
طبعا العائلة كاعدة تنتظر سيرين بcaffe داخل المطار لان سيرين كالت انتظروني هناك .

الام نهاد: ياربي محمد هاي بنتك ليش اتأخرت طيارتها وصلت قبل ١٠ دقائق ظل بالي عليها .
الاب محمد: طولي بالج يا نهاد هسه راح تجي واتشوفينها يمكن اتأخرت علما تأخذ جنطها .

نهاد : لا اني بنتي واعرفها اكيد كن ادخلت
بشي ما يخصها كالعادة لان ما تتحمل الغلط تلكاها كن انطت محاضرة طويلة وعريضة لشخص ما تعرفوا حتى .
محمد: ههههههههههه صدك مشتاق لتصرفاتها ولحنانها
النا .

الام :اي وربي اشتاقيتلها فديتها انا .

لجين، اخت سيرين :اي ليش لا حبيبتكم وبنتكم هي سيرين.
واني وآسر ( اخوهم )ويلاد البطة السودة .

الاب والام ضحكوا عاكلامها ههههههه.

نهاد: محمد اكو ناس اتغار ملاحظ.
محمد: أي فديت اليغارون.

لجين: لا اكيد اني ما أغار بس سمعت هاي الجملة من
مسلسل وقلدتهم.

نهاد: أي ماما اعرف خبالج انا يا كثر حبج للتقليد هههههههه.
ملاحظة:
طبعا سيرين ولجين متعلقين ببعض كثير وحتى
من سافرت سيرين ما أثر على محبتهم علاقتهم القوية وكانوا كل يوم يحجون مع بعض عالنت ويتراسلون.

آسر: شفتي ماما بناتج ثنتينهم مجنونات واني الاعقل
بيناتهم.
لجين: لا يا شيخ ضحكتني هسه نحن صرنا مجانين
وانت العاقل سبحان الله .
آسر: مثل ما سمعتي ست لجين .

الام حتى اتسكتهم وفجأة شافت سيرين داخلة الكافيه
الام كالت سيرين حبيبتي واخيرآ شفتج اشتاقيتلج ووصلت عند امها وكالت وانا اكثر ماما اشتاقيتلج كومات وحضنوا بعض اكيد مع دموع الام بهيجي لحظات وهي اتشوف بنتها رجعت من الغربة بعد دراستها الي دامت ٤ سنوات.

طبعآ بأيام العطل جانت تجي يمهم ....

الاب: ونحن بابا ما راح تحظنينا ولا اشتاقيتي لامج
وبس .
سيرين : لا اكيد بابا اني اشتاقيتلكم كلتكم وراحت
حضنت ابوها ومن شافت لجين واكفة وتبجي راحت
وحضنتها فديتهم الحساسات هههه .لجين : ايغير
طالعين عليج ما اصدك انج خلصتي دراستج ورجعتي
يي فديتج يا حبي وبعدين كالت خرب كلوا من وراج
بجيت وفضحتينا.
سيرين: يعني ما استاهل هالدموع زعلت.
لجين: ألا اكيد لعد شكم اخت عندي والكل ضحكوا.

آسر: اي سيرين دائمآ خليني اخير واحد اتسلمين عليا
سيرين : ولك غير انت الاصغر واحد بيناتنا حتى احظنك وادلعك اكثر.
آسر: بس اني كبرت عمري هسه ١٨ سنة يعني لازم
تسمعون كلامي .
سيرين : حاضر سيدي والكل ضحكوا وطلعوا من المطار
وركبوا سيارتهم البيضاء ووصلوا عا فيلتهم الي بمكان
ساحر يحيط بالبيت اشجار وحدائق اتخبل الي مقابيل
الفيلا نافورة كبيرة بيضاء اللون وباب المدخل بلون
كستنائي والفيلا عبارة عن طابقين وأول ما تدخلون
البيت صالة كبيرة في الوسط وتخم القنفات لون اسود
لماع ساحر مع الميز الي بالنص باللون الأبيض ٣غرف
بالأسفل مع حمامات سويت و٤ غرف وحمامات سويت فوق مع صالة أصغر من الصالة الي بالأسفل .( اعرف دختوا 😂المهم)

خلي اعرفكم عالعائلة بالتفصيل .
الجد(امين) : انسان ذو شخصية قوية وعصبي رجل اعمال مشهور والكل يخاف منه بالشركة عدهم شركة هندسة لتصميم الجسور وعمل الفنادق المهم هو شخص حنون وكريم ويحب احفاده كلش وهو الأمر والناهي بالبيت لون بشرته ابيض بس مو كلش وطوله١٧٧ ملامحه عادية لون عيونه بني عمره ٥٩...

الجدة(صافية) : شخصيتها تعاملها مع الناس راقي جدآ
وحنونة وما تدخل بشؤون الشغل اتحب تلبس ملابس
بسيطة عمرها ٥٧ سنة لون بشرتها بيضاء كلش وطولها
١٦٠ انفها صغير وعيونها عسلية وعدها ضغط .. هم عدهم ٣ اولاد الي هو أبو سيرين اكبرهم وبنت اوسطهم متزوجة اسمها الهام وابن اصغر من الهام بسنة بعدين راح اعرفكم عليهم.

محمد( ابو سيرين ) عمره ٤٣ سنة حنون كلش وهادئ
عكس ابوه ويشتغل ايضآ بالشركة رجل اعمال مثل ابوه لون شعره كستنائي ملامحه حلوة عيونه بنية طولو ١٨٠ .

نهاد أم سيرين: عمرها ٤٠ حنونة بس لازم مرات اتكون
قاسية لمصلحة أولادها عيونها عسلية وبيضاء
ثمها صغير وجها مدور طولها ١٦٢ واتحب تلبس ملابس
راقية وتهتم لرشاقتها.

سيرين: البنت الكبيرة والعاقلة والمدللة عمرها ٢٢ حساسة كلش بس ما اتبين هذا الشي شخصيتها قوية
مثل جدها وعصبية ما اتحب الغلط وادافع عالحق
عيونهاعسليةوشعرها بني فاتح طويل بيضاء  انفها صغير طولها ١٦٤ تشبه الممثلة التركية هاندا ارتشيل اتحب الازياء وتلبس ماركات عالمية دائما ومغرورة جسمها حلو ورشيق مثل امها .

لجين: عمرها ٢٠ بيضاء عيونها بنية طولها ١٦٠
ضعيفة تشبه سيرين بامتلاكهم الوجه الدائري والأنف الصغير بس مو عصبية وهي فضولية ودلوعة وشعرها
مو كلش طويل مثل سيرين ولونه بني وهي ايضآ اتحب الازياء راح اتصير مصممة....

آسر: عمره ١٨ شاب مغرور مثل خواته(طلعت العائلة كلها مغرورة ههههه😂) البنات ينجنون عليه ابيضاني
وعيون خضر طالع عا عيون جدته أم امه الي هي كن ماتت وشعره عا صفار شوي وسرح ويحب خواته بس
دائمآ يداهرهم طولوا ١٧٥ .

واخيرآ خلصت البارت الاول وتعبت كلش اتمنى انو يعجبكم حتى اكمل اني أكره الكتابة بس مادري ليش حبيت اكتب رواية 😂 تابعوني وصوتو لروايتي اوكي
اتمنى انو طريقة كتابتي واضحة ومفهومة واعذروني
عا اي خطأ لان اني كاتبة جديدة. 😊 .

#الكاتبة اماني فوزي ❤