السلام عليكم يا احلى متابعين 💐💐
#حب تخطى الحدود .......
#الكاتبة اماني 👑👑
راحت سيرين عالجناح دخلت وشافت ظهر شخص
هو اندار ....
سيرين: ماجد خير انت شتسوي هنا ....
ماجد أستغرب: ههههه لا اتغشمين حالج وبعدين ماكنت
متصور منج هذا الشي لان كنتي دوم تحجين عالاخلاق
سيرين: لحظة لحظة انت شكاعد تحجي فهمني
ماجد: اجى نادل وانطاني ورقة ...
سيرين : اي واني شخصني....
ماجد انطاها الورقة : هاج انتي اقريه يا ام اخلاق
سيرين اخذت الورقة : ماجد لا تتجاوز عليا وقرت الرسالة انصدمت😯😱
كان مكتوب ماجد اني احبك واسفة كنت اكابر عليك وما ابينلك اذا اتريد اتشوف حبي الك تعال عا جناح فلان *** لازم تجي راح انتظرك احبك وكان مكتوب عليه توقيع سيرين عا اساس هي كن دزته....
ماجد: ها خاتون دشو ساكتة ترى اني اجيت عاهالغرفة
علمود بس ارزلج واكلج لو اتكونين اخر وحدة ماراح
اسوي علاقة معاج او احبج انتي ما تستحين كاتبتلي
هيجي كلام قبل كم ايام سويتي نفسج ملائكة كدامي
وما رضيتي اوصلج وهسه اتكولين احبك....
سيرين : انت شكاعد اتخبص والله العظيم ما كاتبة
هاي الرسالة وبعدين انت منو حتى احبك واصلا اخلاقي ما تسمحلي اكتب هيج صدكني....
ماجد: ماريد اسمع منج كلام الي كله كذب وبعدين هذا توقيعج ولا اتكولين مزور واتكذبين....
سيرين من الصدمة ما كادرة تنطق حرف...
ماجد سمع صوت قفلة الباب راح بسرعة يم الباب
ويريد يفتح الباب بس مقفول وماجد اتعصب: منو الي قفل الباب ويصيح بأعلى صوته افتحوا الباب...
سيرين وهي تحاول تسيطر عا دموعها حتى مينزلون :
ماجد شراح انسوي هسه ...
ماجد بدون ما يرد عليها طلع موبايله حتى يتصل
بس ماكان اكو شبكة ( يعني هاي رنا الملعونة حتى
كن قطعت الشبكة عا هاتف ماجد......
ماجد: يالله ماكو شبكة غريبة سيرين انطيني موبايلج
سيرين : بس اني نسيت موبايلي يم سما....
ماجد: يالله احس روحي بفلم اكيد انتي عالقصد ما جبتي موبايلج ويمكن انتي الي قفلتي الباب ايه ليش لا يجي منج اتسويها...
سيرين: ماجد لهنا ويكفي ما اسمحلك يعني اني شني
مصلحتي اسوي هيجي...
ماجد: يعني منو غيري وغيرج يدري انو نحن هنا
سيرين : مشكلتك اذا اتصدك لو لا بعد ما ابررلك....
صارت ساعة وماجد يروح ويجي شكد سوى محاولات
بس الباب ما انفتح من الغضب كسر شكو تحفيات
موجودة...
وسيرين خافت منه وحتى كلمة ما نطقت كعدت بزاوية
وتنتظر .......
سما بعد ما سيرين راحت كامت راحت يم لجين وتبجي
لجين : خير سما شبيج..
سما : لجين امي كن ضربتها جلطة وحالتها خطرة واني لازم ارجع هسه عاربيل وهاج موبايل سيرين يمي كان ...
واتعذرت وراحت حتى قبل ما لجين تسأل عا سيرين واتكول هي وينها خبصتهم الكذابة( راحت حتى بعدين سيرين ما اتكللها ليش ما جيتي سألتي عني وانتي تعرفين اني رحت عا جناح ****)
أنت تقرأ
حب تخطى الحدود ❤
Romantizmفتاة قوية لا يهمها الحب وشاب ذات اعصاب ايضآ لا يهمه الحب ولكنهما الاثنان يهتمان بسمعة عائلتيهما المشهورتان في البلاد ترى كيف سوف يجمعهما القدر . نبذة.... ماجد: اذا ما اجيتي عا مكان **** فراح تتندمين وراح افضحج افتهمتي فأحسنلج تجين...وسكر الخط سير...
