حب تخطى الحدود ❤

❤ البارت الثامن عشر ❤

السلام عليكم ورحمة الله وبركاته.....

#حب تخطى الحدود....❤

صار اليوم الثاني العصر ......
سيرين راحت عا غرفة لجين.....
سيرين: لجين اريد احاجيج بموضوع من زمان اريد اكلج بس ما اجيت هنا ....
لجين: خير احجي....
سيرين: بس اريدج اتجاوبيني بصراحة واني متأكدة انو انتي ما كن سويتي شي غلط.....
لجين: احجي خوفتيني.....
سيرين : امجد كلي لا اتكوليلها بس اني لازم اعرف هالشي منج انتي اتحبين دلشاد.....
لجين ضحكت: ههههه دلشاد ابن خالي ما غيره طبعآ ما احبه نحن مجرد اصدقاء.....
سيرين: لعد هذاك اليوم امجد شافكم وحجتلها السالفة.........******....
لجين انجنت: سيرين امجد فاهم الموقف غلط...
سيرين: اني اعرفج وواثقة بيج بس هو شاف دلشاد حاضنج يعني شراح يعتبر هالشي لا وفوكها كايلج احبج وانتي هم كايلة احبك .....

لجين: سيرين راح احجيلج السالفة دلشاد قبل ما يروحون عاتركيا اجى يمي ودعني و حضني وكال
احبج اني عبالي يحبني مثل اخته او صديقته يعني فأني كتله اني هم احبك ..دلشاد يعني صدك انتي اتحبيني فكتله اي احبك مثل ما احب اخوي آسر
فدلشاد ضاج كلي ولج افهمي اني احبج واريد اتزوجج بعد ما نكمل.....
اني لهنا انجنيت ماكدرت استوعب وبخته وكتله اني اعتبرك مثل اخوية فهو ضاج وراح ......

سيرين: ايي حبيبتي ليش ما حجيتيلي من قبل
لجين: ما حبيت ازعجج واصلا هاي من ايمتا ما كن كعدنا وسولفنا.....
سيرين: وامجد افندي يحلل من عنده عباله صدك اتحبين دلشاد.....
لجين: هذا امجد كن اتغير احسه واحد ثاني وهذاك اليوم جرحني بكلامه وهسه عباله احب دلشاد خليه
يفكر هيج ما يهمني......

فجأة الخدامة دكت الباب....
نتالي اسم الخدامة: مدام سيرين زوج مالك جا ومدام كال تنزل.....(😂😂اشون حجت ) ..
سيرين ضاجت: تمام روحي....
لجين: ايي حبيب الگلب ما اتحمل واجى يشوفج.....
سيرين ضاجت : كرميني بسكوتج.....
لجين حست عا سيرين أنها مع عابعضها: سيرين احسج شايلة هموم الدنيا امبين من وجهج وين سيرين الي تهتم بنفسها وكل اسبوع اتسوي جلسة عناية بالبشرة
ماجد زين معاج خومة متزاعلين....
سيرين غيرت معالم وجها: ههه يا هموم انتي هم اني مرتاحة وتعرفين الا ما الازواج يتناگرون  وبعدين انتي مو يمي حتى  تعرفين اعتني ببشرتي أو لا ...

لجين: ان شاء الله يكون هيج.....
سيرين يالله امشي ننزل.....
لجين: راح تنزلين هيج بالتراك دروحي البسيلج فستان.
سيرين: دروحي مالي خلگ ...
لجين : انتي عنيدة ما يفيد الحجي وياج..
سيرين: دولي يالله تعالي ننزل....
نزلوا ...
سيرين: سلام عليكم....
ماجد: عليج السلام.....
جدة سيرين: تعالي يمة كعدي يم زوجج......
سيرين راحت كعدت يمه.....
جدة سيرين: اي ابني اشونهم اهلك...
ماجد: الحمد لله بخير....
بعد الكلام....
ماجد كال: سيرين اجيت اخذج....
نهاد: يمة بعد ما شبعنا منها....
ماجد: عمة ما بقى شي نسافر عا تركيا فأريد انكمل امورنا......
نهاد: بنتي سيرين انتي ما حجيتيلنا عالسفر....
سيرين: ماما ما لحكت اكللكم واصلا مو اكيدة اروح