يم الشباب والصبايا بالعراق .....
لجين كم مرة اتصلت عا امجد وامجد ما يرد عليها...
ف لجين كالت يكفي بعد ما اتنازله يصدكني ما يصدك بكيفه......
نروح لميرا وسهيل.....
سهيل تعامله صاير افضل ويا ميرا وهم صايرين اصدقاء ودوم يطلعون طلعات بس هل يا تره سهيل راح يحب ميرا.....
عصافير الحب رنيم وامير .....
علاقتهم كلش حلوة لحد هسه هم الوحيدين ماعدهم مشاكل ومرتاحين ....
مصطفى ومرام لحد هسه ماكو شي بيناتهم ....
بس مصطفى الغبي كن أعجب بمرام ويريد يغيرها
هل يا تره مرام راح تتغير .....
عمر ودانا دوم يتناكرون بكل كعده لازم واحد يقلد عالثاني .....
اما أسر وفيان فيتراسلون مع بعض ويوم عن يوم حبهم يزداد لبعض رغم البعد وبعض المشاكل بسبب غيرة اسر عليها..... طلع يغار الافندي 😂
نروح عا تركيا....
سيرين بهاليومين الي ماجد ماكان موجود حست براحة لان بعيد عنها ومن ناحية لا يعني مشتتة افكارها...
بس التهت ويا العاملة واتعلمت بعض الكلمات التركية منها.....
لا ماجد اتصل عا سيرين ولا سيرين اتصلت يعني محد سأل عالاخ ....
لجين حجت لسيرين وكلتلها امجد ما يرد عليا خلاص لهنا ويكفي بعد ما اتنازله وانتي سيرين لا تحجيله شي بعد واتبررينله ....
سيرين: حبي اسفة نسيت سالفتكم وما لكيتلها حل بس مادام اتريدين هيج فما راح اضغط عليج والله يهديكم بس الا اوبخ امجد لان يشك بيج وما مصدكج...
لجين : اي اريدج اترزليه رزاله يكون اني اشوفه بعيوني حتى ارتاح شوي ....
..........
سيرين كانت جالسة بالصالون تشرب قهوة....
فجأة انفتح الباب ودخل ماجد.....
ماجد: السلام عليكم....
سيرين اتفأجت: وعليك السلام ايمتى وصلت....
ماجد: الصبح بس رحت مباشرة عالشركة ....
سيرين : اها الحمد لله عاسلامتك.....
ماجد: الله يسلمج راح اروح انام شوي تعبان ...
سيرين: اي اخذ راحتك .....
بالليل ....
ماجد حس انو سيرين كن ضاجت من الكعدة بالبيت: سيرين تجين نطلع نتمشى بره ....
سيرين كيفت: اي ياريت لان مليت من الكعدة ....
طلعوا اتمشوا ودخلوا لكافييه....
طلبوا قهوة وكيك....
عم الهدوء بيناتهم لثواني....
ماجد : راح احجي ويا مراد واعزمه عالعشا باجر....
سيرين: اها تمام ....
سيرين دك موبايلها بس رفضته وسدت الفون....
ماجد: مني دا يتصل وليش رفضتي....
بعد سيرين ماكن حجت ماجد اخذ موبايلها وشاف رقم غريب كن اتصل....
ماجد: مني هذا سيرين....
سيرين ضاجت من تصرفه كلش وما حجت شي....
ماجد: ليش مدا تحجين...فجأة رن موبايلها بايده...
ماجد فتحه وخلاه عا اذنه دا يحجي ...
فيان: الو سيرين اشونج...
ماجد: مني انتي...
فيان: اني بنت خال سيرين انت ماجد....
ماجد انحرج: اها اهلا هاج سيرين....
سيرين وهي متعصبة اخذت منه الفون: الو هلا فيان
الحمد لله بخير فيان اني هسه مو بالبيت من ارجع احجي معاج اوكي وسدت الخط....
أنت تقرأ
حب تخطى الحدود ❤
Romanceفتاة قوية لا يهمها الحب وشاب ذات اعصاب ايضآ لا يهمه الحب ولكنهما الاثنان يهتمان بسمعة عائلتيهما المشهورتان في البلاد ترى كيف سوف يجمعهما القدر . نبذة.... ماجد: اذا ما اجيتي عا مكان **** فراح تتندمين وراح افضحج افتهمتي فأحسنلج تجين...وسكر الخط سير...
