⁃ كتابـة : اسراء .
( طبعاً الرواية مش هتكون فـي 2019 يعني الاحداث كيف ما تقولو هتكون قديمة في الخمسينات ايام النجع و البيوت المهم يارب تعجبكم😂💕)
نا اسمي مقبولة مواليد الـ80 بيضة و طويلة و دبدوبة اشوي شعري طويل و اسود و عيوني سود اكبار ( تخيلوها هكك انتو عد😂😂) عايشة في النجع امي رجعة و باتي شريف عندي اخين صقر و فضل صقر متجوز و فضل مزال نريد نحكيلكم قصتي في النجع منن يوم ما جبتني امي
الساعة 7:00
و كان عمري 17 سنة
امي : يا بت يا مقبولة يا بت هيييي
نا : هاها يايام نسمع فيكك
امي : تعالي اخذي سطل و عدي احلبي البقرة لنا اسبوع ما حلبناها
نا : هيا باهي جاية
( خذيت السطل و طلعت برا البيت حموو قطيعة و نلقى ناصر ولد جيرانه برا و نبيدي انتحشم منه قيسه غاوي في )
( ام ناصر اسمها زمزم )
زمزم : يا مقبولة يا مقبولة هييي
نا : هاها يا عمتي زمزم
زمزم : صبيلي اشوي منن احليباتك
نا : حاضر منن عيوني لاثنين تريدي حاجة اخرى
زمزم : وكان في زبدة دزيلي عشان انريد اندير عصيدة اليوم ناصر خاطره فيها ( و يقعد ناصر ايبحت في و يضحك تحشم قيسه )
نا : حاضرين اسعا اندزلك ( خشت زمزم و ناصر قرب مني و نا نحلب في البقرة نبيدي تحشمت و صبيت ليمت روحي )
ناصر : توا يا مقبولة اتريدي تقعدي هكي طول عمرك انتي
نا : هااا املا وين انريد انعدي😒
ناصر : مش هكي يا الهبلة يعني متريديش تطلع برا هالنجع و اتعلمي كيف تقري و تكتبي 😅
نا : لالا نبيدي منيش مسيبة امي😒
ناصر : انتي طموحك معندكش بكل
نا : وعليش عد
ناصر : نبيدي انريد نطلع برا النجع و انتعلم و نقرا و نمشي للدولة برا اهاا يا الهبلة😌
نا : حححي يا ناصر اتريد تطلع منن النجع منن جدك انت و باتك وين ميقولك لاا
ناصر : يا الهبلة نبيدي شاورت باتي و قالي عدي يا ناصر اقرى و تعلم عشان يكون في واحد متعلم و قاري في هالنجع المتخلف
نا : هوو هوو احترم نفسك😒
ناصر : يا الهبلة افهمي
نا : عدي يرا شوف طريقك و معش اتقولي الهبلة ايش تحق في ( و شلت سطل اللبن و مشيت )
ناصر : مقبووولة
نا : ( برمت وجي للورا و بحتت فيه ) كنك ايش اتريد
ناصر : غالية علي انتي يا الهبلة😅❤️
نا : ( تحشمت و وجي تما حمر و مشيت و مرديتش عليه و خشيت للبيت )
امي : كنك يا بت 😦
نا : مكني لاا شي كني بسم الله هاكي هضا اللبن و قلتلك عمتي زمزم دزيلي منهه
امي : عليك نوطرة
نا : يايام مرات صقر وين كنها ما جت
امي : يا حنه هذي عندك مسكته و الله سحرته الله اعلم ايش دايرة لل اصقورة عطها مووت😒
نا : يستر الله
( جا العصر و امي دارت الحليب في الشكوة و مشيت انودي فيه للُ عمتي زمزم )
نا : عمتي زمزم يا عمتي
زمزم : تعالي يا مقبولة نبيدي هنا
نا : هاكي هضا اللبن و زبدة مدرنش اليوم لكن اسعا اندزولك بكرة
زمزم : راك تنسي الله ايربحك
نا : تمام مع السلامة
زمزم : ارجي تعالي هنا نعطيك مفرودة عصرو بيها
نا : باهي
( عطتني عمتي زمزم المفرودة و طلعت و نبيدي طالعة نلقى ناصر مروح مع باته تحشمت و حطيت المحرمة على وجي )
نا : ايش حالك يا سي مخلوف
مخلوف : كويس ايش حالك انتي
نا : الحمد لله في خير و نعمة ( و ناصر يبحت في و يضحك )
مخلوف : انتي بنت مـن
نا : نبيدي بنت شريف بوعامر☺️
مخلوف : ما شاء الله رايحة كابرة
نا : ( تحشمت ) سسسلمك سسسلمك
مخلوف : عدي معاها يا ناصر وصلها
نا : لالا اسعا نمشي بروحي
مخلوف : االالالا يمشي معاك ناصر مفيش امان فـ هالوقت
ناصر : هيا اسعا نوصلك😌
نا : هياا😒
يتبع...
