⁃ كتابـة : اسراء .
( و نجري و نسمع العياط في دار باتي و امي جوا و نقعد انطق عالباب و امي تنهب و مبتش تفتح و نا نعيط و انقوللها افتحي متردش علي و تنهب ، نبيدي تميت ننهب و طلعت للشاعر و نقول ينعلي الحقوني الحقوني و خوتي مش قاعدين و ينفتح باب عمتي زمزم و يطلع ناصر يجري و يجي يمسكني منن عند اكتوفي و يهز في و نا ننهب و مش مستوعبة القصة و يخش جوا يجري يسمع صوت امي في الدار يخبط الباب و يخش و يلقى امي ماسكة باتي و تنهب و اتجيني عمتي زمزم تمسكني و تقعد اتسكت في و يطلع منن احذاي ناصر شايل باتي و امي تجري وراه )
نا : ينعلييي يا باتي ينعلي بااتي كنه
زمزم : ( مسكتني ) خلاص يا مقبولة مافيه لااا شي مغير اسكتي
نا : ينعلي يا عمتي زمزم باتي كنه ( و نجري وراه ناصر و نقوله وين ماشي بيه و ننهب )
( ناصر ركب باتي فالسياره و خذا امي و نمسك فيه منن عند فنيلته )
نا : يا ناصر خوذني معاك باتي كنه
( و يزقني و يقولي حودي غادي مش وقتك و يجي فضل بالسيارة منن غادي و معاه اسقاوة تنزل اسقارة تنهب )
فضل : كنه باتي كنه ( و عيونه يدمعن و ركب مع ناصر في السيارة )
نا : ينعلي خذو باتي يا اسقاوة خذو باتي
اسقاوة : خلاص يا مقبولة وسعي بالك ان شاء الله خير اذكري ربك
زمزم : اسقاوة عدي سكري باب الحوش و اخذي المفاتيح وتعالن عندي ( و تمسكني و تاخذني للحوشها )
( قعدنا ساعتين و نحن نرجو في ناصر يرن على عمتي زمزم و حطين النقال في الروشن و نبحتو فيه و انتباكو )
اسقاوة : كذا رني يا عمتي زمزم طولو
نا : صاح يا عمتي زمزم كذا شوفيهم نا خلاص راه
زمزم : قالي ناصر معش اترني لين انرنو عليكم نحن
نا : نبي نحق باتي نبيه 😭
اسقاوة : خلاص يا مقبولة ان شاء الله خير
( و راجينا ساعة اخرى و نسمعو صوت الكراهب نمشي نا نجري و نبحت بره و نقول باتي وين باتي وين و تنزل امي تبكي عرفتها على طول باتي ماتت💔💔💔
نا انهرت و معش حقيت قدامي شي الدنيا ضببت و تميت انخبش في روحي و ننهب و مش مصدقة يلي صاير و نبحت في العرب و هي تبحت فيا و مش مصدقة و فضل يضرب في و يقولي خشي جوا و نا في دنيا اخرى مش فاطنة للـ شي و يقعد راسي يدور و نطيح في الارض و معاد فطنت للحاجة الا و نا واعية نبحت فوق و منيش عارفه نا وين فوقي اجهزة و صوت عرب تحكي احذاي و مش قادرة نصبي )
يتبع...
