⁃ كتابـة : اسراء .
( مشيت مع ناصر ايوصل في للبيت )
نا : خلاص عد مربوحة
ناصر : مقبولة قتلك
نا : هااا😒
ناصر : الواحد كي يقعد غاوي ايش ايديروله
نا : يدهن بزيت زيتون و يرقد😒
ناصر : اخرب جالك ضحكتيني😂
نا : عليش في منن غاوي يا غظيب☺️
ناصر : مدرعنه المهم انقولك نبيدي ماشي بكره نقرا برا و نكمل تعليمي
نا : ( اضيقت مش هاينة علي انخليه يمشي ) و امتى اتريد اتجي
ناصر : حسك اضيقتي
نا : لالا مغير نسأل يوم عطيب😒
ناصر : لنقني مطوول يا مقبولة مطوول واجد
نا : مربوحة
ناصر : لكن اسعا انرد يا مقبولة و انقولك في منن غاوي
( و اتجي صحبتي اسقاوة مـنن غادي )
اسقاوة : يا مقبولة تعااالي
ناصر : عدي عد للصحبتك
نا : عينك منن روحك ☹️
ناصر : ( بحت فيا و سكت و عيونه يدمعن و نبيدي مشيت للـ اسقاوة )
نا : كنك ايش اتريدي
اسقاوة : اسملاا علينا ما عندنا مع منن نصبو في وسط النجع
نا : ااسكتي عطك ادعوه هضا كي خوي بس
اسقاوة : عطني كان ما كي خوك
نا : يخيتي هابا ماشي برا ايريد ايتعلم
اسقاوة : حي عليهم يعوينه☹️
نا : حلبتي بقرتك
اسقاوة : هيا ماشية توا قلت انتكي عليك ناخذك معاي
نا : ارجي انقولها للـامي قبل ( و مشيت نجري قلتها للـ امي و عديت مع اسقاوة لل الزربي )
اسقاوة : يا عصمااان يا عصمااان هوو
عصمان : نعم اجيت جيت
اسقاوة : ( حطت المحرمة على وجها ) قالك باتي نظف الزربي منريدش انحقه امعفن
عصمان : ان شاء الله
اسقاوة : تعالل هنا وين ماشي ارجا انريدو نخشو نحلبوا لـ بقرة قبل و طالعين
عصمان : تمام حازر
( خشينا نا و اسقاوة نحلبو في البقرة و طلعنا و تمينا انتمشو في البر )
اسقاوة : مقبولة بحتي في كذا😂
مقبولة : كنك يخيتي
اسقاوة : كنك سارحة و ماجايبة عالدنيا علم
مقبولة : انفكر يا اسقاوة الدنيا شينة و مرات تاخذه مني
اسقاوة : منوو بسم الله باتك مريض
مقبولة : بعيد السو فال الله و لاا فالك انفكر في ناصر طريقه طويلة و واعره
اسقاوة : متخافيش مشين بـ الكرهبا
مقبولة : كرهبا هذي ايش دوتها
اسقاوة : يا حنه الطليان جابوها لنا ما قتلك مع في امان جابو خبر اول مره نحقه يحكي عليه باتي
مقبولة : هي قتلك مزال عندكم الراديو يلي يحط في حجات ايرقصن هضا
اسقاوة : اها مزال قاعد يصنت عليه باتي في النشرة هيا اسعا نمشو و نصنتو عليه اشوي بالك يحطو حجات ايرقصن💃🏻
( مشينا نا و مقبولة للـ بيتهم )
اسقاوة : خشي يا مقبولة ما في لاا والي☺️
مقبولة : هلك وين بسم الله
اسقاوة : امي قيسها عند الجيران و باتي يسرح بالغلم و خوتي في الجلامة
مقبولة : هيا فيسع عدي جيبي الراديو و تعالي
( عدت اسقاوة جابت الراديو و حطينا على حجات ايرقصن و تمينا انتنطرو مجيبين عالدنيا علم و يخش علينا اب اسقاوة )
يتبع...
