⁃ كتابـة : اسراء .
( رديت للحوش و رنيت على ناصر و يرد ايقول الو الو نبيدي قعدت ساكته و مرديتش اشوي سكر رنيت عليه مره اخرى قعد يقول الو منن معاي قعدت نبكي و حاطة يدي على فمي مقدرتش انتكلم سكرت و مشيت حطيت الغداء و تغدينا و جتنا اسقاوة )
اسقاوة : كنك مش عجبتني اليوم
نا : اسقاوة درت نقال
اسقاوة : ( حطت يدها على فمي ) اسسسس راه يسمعك فضل ايعطب عيشتك😱
نا : الله غالب يا اسقاوة هضا حال الغاوية
اسقاوة : تعالي معاي جوا الدار و احكيلي
( مشيت مع اسقاوة جوا الدار و حكيتلها كل حاجة )
اسقاوة : ينعلي عليك قوة عين فيك
نا : الله غالب نريده نبيدي 😭
اسقاوة : خلاص صبي و اغسلي وجك و ان شاء الله خير و فكيني مـن الابكاا
نا : باهي
اسقاوة : و اطمري التلفون راه يحقه واحد منن خوتك و ردي بالك تحكي للـ حليمة
نا : باهي لالا منيش حكيتلها
اسقاوة : هيا صبي
( وجـا الليل و خشيت للـ دار ولعت النقال و تميت انرن على ناصر )
ناصر : الوو الوو مـنن معاي ايش قصتك انت
نا : ( سكتت و تميت نبكي )
ناصر : ( شكله سمع صوتي و نا نبكي ) انتي منن و كنك تبكـي ؟
نا : نبيدي مقبولة
ناصر : ( قعد ساكت )
نا : كنك سكتت معش تبيلي خلطة صااح
ناصر : رايفت علي صوتك رايحة كابرة و سمحة
نا : و كان رايفت علي راك صبرا لين جيت هنا و خذيتني الااا لااا مشيت خذيتلي البت الصفراء هذك
ناصر : والله كنت مضطر يا مقبولة
نا : هي هي طلع اعذار
ناصر : مغير ارجي خليني نحكيلك
نا : اوكي امي جت ( و سكرت و قفلت النقال )
امي : ( ولعت الضي ) كنك تبكي 😧
نا : لالا منبكيش مغير حموو عيوني يدمعن
امي : خبر جديد العيون ايدمعن منن الحمو
نا : خلاص يايام مفي لاا بصيره
امي : مقبولة اعقلي راه خيرلك
نا : باهي
( المهم رقدت و كيف كل ليل نرقد و دمعتي على خدي يخطر علي ناصر و ايام زمان و نوعا مفجوعة عالفجر على صوت اعياط )
يتبع...
