⁃ كتابـة : اسراء .
( و جت نرمين لقتني راقدة و نشخر عدت لقت الطنجرة و كباية الميه جوا الحمام جت توعي في )
نرمين : نور نور صبي😳
نا : طافي الضي واطلعي راه نمرطك
نرمين : تي انا نرمين صبي😒
نا : يييي والله نحسبك اسقاوة
نرمين : اسقاوة ؟؟؟؟
نا : مرات خوي
نرمين : المهم شنو الطنجرة و الكباية يلي في الحمام 😳
نا : كنت نسبح
نرمين : تسبحي جوا الطنجرة ؟؟
نا : لااا نغرف في الكباية و نكب علي روحي
نرمين : وليششش في شي اسمه دش
نا : هضا ايسماا
نرمين : ياربي تبيلكك واجججد انتي عشان تتعلمي
نا : كذا طفي الضي و اطلعي
نرمين : ( طفت الضي و اطلعت )
( المهم ماعد وعيت الا ثاني يوم في الصبح نحساب روحي في البر وعيت وقلت نمشي نحلب البقرة اشوي فتحت اعيوني لقيت الدار و الخبر اذكرت ، طلعت القيت نرمين اتدير في الفطور )
نرمين : صباح الخيرر
نا : خير خير ( ونحك في شعري )
نرمين : ليش شعرك متقصف هكي مع انه حلو و طويل
نا : لااا وحياتك مغير معش عندي زيت الزيتون و بول الابل 😏
نرمين : بوول 😳😂
نا : اها يخلي شعرك ايسهف
نرمين : تعالي كولي بلاش قرف
نا : عدي ملحي ( وبحتت في الصفرة ) ينعلي دحي ( وقعدت ناكل بسرعة )
نرمين : تي براحة براحة😳
نا : سكري فمك جيعانة
نرمين : تمام بعد اتكملي خشي اللبسي لابسة سمحة منن يلي عطتهن لك نسرين عشان تمشي معاي للشغلك الجديد
نا : ( وقفت ) تعاللللي هنا معش كملتي منن نسرين
نرمين : ( اقعدت عالكرسي ) انفهمك ، نسرين هذي هيا صابرة
نا : يوم اسود صابرة تمت نسرين
نرمين : انا كنت كيفك و كنت عايشة في الجهل و التخلف يلي في النجع و هربنا انا و نسرين بعد ما ماما توفت و هي يلي كانت مسكتنا و هربنا منن خوي نحن نفس قصتك
نا : وخوك وين ايش صار فيه
نرمين : خوي ياما شفنا منه شفنا المر و التعذيب و تحملنا واجد لكن قالو توفى ، و هربنا انا و نسرين منن النجع المتخلف و جينا هنا و اجوزت واحد و توفى و سيبلي مصنع خياطة و ملابس و مواد تجميل و الحمد لله عايشات
نا : وتوا ليش صابرة قصدي نسرين غادي في النجع
نرمين : عشان تنقذ يلي كيفك
نا : ايهااا خبركن شين
نرمين : ( قربت مني ) نور انتي تستحقي اكثر منن هك انتي لازم تنسي اسم مقبولة هضا و تعيشي حياتك الجديدة اتفقنا
نا : لكن امي بروحها و مرايفة عليها💔
نرمين : انسي كل شي هنخليك تنسي صدقيني هتنسي كيف ما نسيت انا
يتبع...
